Ruma 7:23 - Manobo Western Bukidnon

²³ Iyan, dini te lawa ku, selakew is ebayàbayà kedì su edsug̵uen a te menge mezaat he kebayà te lawa ku he supaka ku is hustu he ulaula he egkesuatan te g̵ehinawa ku. Uripen a te mezaat he kebayè ku, ne ebpeketuman a te suat te lawa ku.

Ruma 7:23 Referans Kwoze

Gelasya 5:17

Kenà egkeuyun is mezaat he kebayà te lawa ta wey is egkesuatan te Wag̵as he Mulin-ulin su telekuntada heini is dezuwa, ne tenged dutun kenè ta layun egkeveelan is meupiya he egkesuatan ta.

Santiago 4:1

Hengkey is puunà te menge kesevaan wey tebek diyan te keniyu? Iyan is menge mezaat he kebayè niw he ebpekigkuntada te meupiya he ulaula.

Ruma 8:2

Su pinaag̵i te kebpekidsevaha ta ki Jesu Kristu imbeg̵ey kenita te Wag̵as he Mulin-ulin is beg̵u en he untung ne tenged kayi nelibri ki en te kebpekesalè ta he iyan edungguan din is kemetayen he wazè din pidtemanan.

Ruma 6:19

Umba insempitè ku is egkeulaula te uripen su wey melemu niw mesavut is ibpesavut ku. Su zengan iring te mibpeuripen kew te mezaat he kebayà ne ingkesuat niw he ed-ul-ulahan te lawa niw is menge meremerik wey mezaat he ulaula he layun ed-iseg he mezaat. Iyan, guntaan kinahanglan he himuwa niw is lawa niw he metazeng he sulug̵uen te Megbevayà wey niw metuman is egkesuatan din.

Ruma 7:25

Ne utew zekelà is kebpeselemati ku te Megbevayà su pinaag̵i te Nengazen tew he si Jesu Kristu nevelukasan e en! Ne egkesavut niw en is egkeulaula ku. Su sakup is gehinawa ku te Megbevayà, ne is lawa ku, ne sakup mulà te mezaat he kebayè din.

1 Pedro 2:11

Menge minahal ku he suled, kenè en hustu he inged tew heini is kelibutan su menge humuhulevungà kiw zà dini. Ne tenged dutun edhengyuan ku sikiyu he kenè niw pezumdumahi is menge mezaat he kebayè niw su ebpekesanggen heini te kedsundan niw te Megbevayà.

Hibriyuhanen 12:4

Su netuenan niw he zutun te kedsukuli niw te mezaat he ulaula, wazà minsan hentei keniyu he midhimetayan tenged te kedtuu zin.

Ruma 7:21

Ne layun iring kayi is egkehitavù dini te kedì, ne emun ed-ulaula a pezem te meupiya, egkeeg̵en a te mezaat he kebayà he zini te lawa ku.

Ruma 7:5

Su zengan hein kemulu tew pa edtumana is kenitew he kebayà, duen menge ulaula he indawey te kesug̵uan, ne tenged te indawey heini, ne nasì nehimu he iyan daan heini utew tew egkesuatan te ed-ulaula. Ne tenged te mid-ulaula tew is iring dutun, iyan dà egkepaabut tew zengan is kemetayen he wazè din pidtemanan.

Ruma 6:13

Kenè ta egemiten is minsan hengkey he vahin te lawa ta te ked-ulaula te mezaat, kekenà, idtug̵ut ta he iyan ebayàbayà kenita is Megbevayà su zait heini kenita te nelibri en te kemetayen ne mibeg̵ayan te veg̵u en he untung. Ne idtug̵ut ta he iyan egamit te lawa ta is Megbevayà wey ta meulaula is metazeng.

Ruma 7:14

Netuenan tew he meupiya is kesug̵uan su imbeg̵ey te Wag̵as he Mulin-ulin. Iyan, siak, geina te edtumanen ku is menge mezaat he suat te lawa ku ne nehimu a he iring te uripen te menge mezaat he kebayà.

Santiago 3:2

Sikitew is menusiyà, layun kiw egkesayep te mezakel he paag̵i. Ne ke zuen etew he kenà egkesayep pinaag̵i te kegkag̵i zin, wazè en igkesewayi kandin. Egkeveyveyaan din is tivuuk he lawa zin wey kenà mekeulaula te mezaat.