Ruma 7:1 - Manobo Western Bukidnon

¹ Menge suled, nesavut te en ke hengkey is belaud te gubirnu ne netuenan ta he zizalem ki te menge sug̵ù te velaud taman te kenè ki pa ebpatey, ne emun ebpatey ki, kenè en egkehimu he ibpetuman pa kenita is menge sug̵ù te velaud.

Ruma 7:1 Referans Kwoze

Ruma 6:14

Su kenè en kinahanglan he iyan ebayàbayà kenita is mezaat he kebayè ta su kenè ta iyan edserig̵an is kedtumana te kesug̵uan, kekenà, iyan ta edserig̵an is kedtavang wey kegkeg̵eg̵awi te Megbevayà kenita.

Ruma 7:6

Ne hein nemeketuu kiw ki Jesus, nelibri kiw te Megbevayà ne wazè en kinahanglan he iyan tew pa edserig̵an is kedtuman te kesug̵uan, su zutun te kebpatey ni Jesus minatey kiw zaan ne nevelukasan kiw te kegkeuripen kenitew te salà. Ne g̵untaan beg̵u en is paag̵i te ked-ul-ulaha tew te egkesuatan te Megbevayà su pinaag̵i heini te kedtavang te Wag̵as he Mulin-ulin, ne kenè en pinaag̵i te zaan he paag̵i he iyan is kenitew he kedtumana te insurat he kesug̵uan.

Ruma 6:3

Netuenan te en is neulaula zutun te kebewtismuwi kenita. Su nebewtismuwan ki he tuus te zuen en kebpekidsevaha ta ki Jesu Kristu ne pinaag̵i zutun ibpesavut daan kenita he zutun te kebpehimatey ni Jesus, henduen te iyan ki mibpatey.

Ruma 10:1

Menge suled, utew ad egkesuat ke egkengelibri te silut te Megbevayà is menge zuma ku he Hudiyu ne iyan heini id-ampù ku layun te Megbevayà.

Gelasya 4:21

Sikiyu is egkesuat he ebpezizalem te kedtuman te kesug̵uan, ibpesavut ku keniyu ke hengkey is kehulug̵an kayi.

Ruma 9:3

Ne ke egkehimu, egkesuatan ku pezem he iyan a edsilutan he ilis kandan ne ewaa is kebpekidsevaha ku ki Kristu su wey iyan sikandan melibri te silut.

1 Kurintu 9:8

Menge ketezengan heini he zini zà ebpuun te menge ulaula tew te menusiyà, iyan, iyan gihapun ibpenurù te kesug̵uan.

Ruma 1:13

Egkesuatan ku, menge suled, he metueni niw he kenà egkeawà dini te isip ku is kegkesuat ku te edhendiyan, iyan, kenè e pa g̵untaan ebpekehendiyan su zuen edsanggen kedì. Egkesuat a he edhendiyan su pinaag̵i te kebpenurù ku, kela ke zuen menge etew ziyan he ebpeketuu ki Jesus, iring te pinaag̵i te kebpenurù ku, duen menge kenà Hudiyu zaan diyà te zuma he menge inged he nemeketuu kandin.

Ruma 10:4

Su midhimu ni Kristu he wazè en pulus te kedsarig te kedtuman te kesug̵uan su wey is minsan hentei, pinaag̵i zà te kedtuu ki Kristu, ebpeketezengen sikandin te Megbevayà.