Ruma 6:9 - Manobo Western Bukidnon

⁹ Netuenan tew he g̵eina te nevanhew en si Kristu ne kenè en egkehimu he ebpatey pa maan sikandin su wazè en gehem te kemetayen diyà te kandin.

Ruma 6:9 Referans Kwoze

Ruma 6:14

Su kenè en kinahanglan he iyan ebayàbayà kenita is mezaat he kebayè ta su kenè ta iyan edserig̵an is kedtumana te kesug̵uan, kekenà, iyan ta edserig̵an is kedtavang wey kegkeg̵eg̵awi te Megbevayà kenita.

Impezayag 1:18

Iyan a kes Megbevayà he wazè din kemetayen. Mibpehimatey a ne g̵untaan kenà ad maan ebpatey te minsan keenu. Iyan a ebayàbayà te menge minatey, ne zuen ku zaan keg̵ehem diyà te Iveyaan.

Hibriyuhanen 7:25

Ne tenged kayi, egkehimu te minsan keenu he timpu he edlibriyen din te silut is minsan hentei he menge etew emun pinaag̵i kandin ed-aput sikandan diyà te Megbevayà su wazà pidtemanan te untung din, ne layun din egkehimu te edtavang sikandan diyà te etuvangan te Megbevayà.

Ruma 5:14

Ne minsan pa zutun, puun pa te timpu ni Adan taman te timpu he zutun imbeg̵ey en is kesug̵uan diyà te ki Moises, egketuusan he zuen mezaat he ulaula te menge etew su mibpematey g̵ihapun is langun he menge etew. Is ulaula zan he mezaat, ne kenà iring dutun te mid-ulaula ni Adan su midsupak din is sug̵ù te Megbevayà, iyan, sikandan mulà, wazè pa kesug̵uan he egkesupak dan. Ne si Adan, nehimu sikandin he alung te etew he ebpekeuma he iyan si Kristu.

Hibriyuhanen 7:16

Ne wazà heini is beg̵u himuwa he kelibutanen he memumuhat pinaag̵i te menge kelibutanen he kesug̵uan, kekenà, midhimu sikandin he memumuhat tenged te mekeg̵eg̵ehem sikandin su wazè din kemetayen.

Ruma 6:4

Su pinaag̵i te kebewtismuwi kenita tenged te elili ta si Jesus, nehimu he iring te iyan ki minatey wey inleveng duma kandin. Ne nehimu heini su wey meveg̵ayi ki te veg̵u he untung iring te mibanhew si Kristu pinaag̵i te g̵ehem te Amey tew he Megbevayà.

Ruma 6:10

Kesevaha zà is kebpehimatey zin he elili te langun he menge etew, ne netengkaan en haazà ne tenged kayi naawè en diyà te kandin is kegkesemuki kandin te salè tew. Ne g̵untaan nevanhew en, ne nehimu is untung din he igkezalig te Megbevayà.