Ruma 6:7 - Manobo Western Bukidnon

⁷ Su is minsan hentei he minatey en, ne kenè en sikandin egkeuripen te mezaat he kebayè din.

Ruma 6:7 Referans Kwoze

1 Pedro 4:1

Ne netuenan ta he si Kristu, hein dini pa te kelibutan, nekeantus sikandin te merasey. Tenged dutun kinahanglan he andam kew zaan te ked-antus te merasey su is etew he ebpekeantus te merasey, egkeawè en diyà te kandin is suat din te ked-ulaula te mezaat.

Ruma 8:1

Ne sikita is nekidsevaha ki Jesu Kristu, kenè ki en egkehukuman te silut.

Ruma 7:4

Ne iring din ded daan, menge suled, heini is nehitavù kenitew su zutun te kebpatey ni Kristu he elili kenitew, ne mibpatey ki zaan, ne tenged kayi kenè en egkehimu he ibpetuman kenita te minatey en is menge sug̵ù he imbilinbilin ni Moises. Ne umba nehimu heini su wey kiw mesakup ni Kristu he nevanhew en ne wey tew metuman is egkesuatan te Megbevayà.

Ruma 7:2

Penenglitan, insug̵ù te velaud he is bahi ke zuen din esawa, kenà ebpekepeuman ebpekepeesawa emun uuyag pa haazà is esawa zin. Ne emun ebpatey haazà is esawa zin, egkehimu ke ebpeuman ebpeesawa.

Ruma 6:8

Ne nesavut te en he zutun te kebpatey ni Kristu ne minatey ki zuma kandin su elili tew sikandin. Ne tenged kayi egkesavut ta zaan he egkevanhew ki zaan, ne zuen te en untung duma kandin.

Ruma 6:2

Ne kenà heini egkehimu su kenà egkehimu he ebpeniguduwan ta te ed-ulaula is mezaat su wazè en kelavet kenita te mezaat he ulaula. Su iring ki te minatey he naawè en diyà te kandin is daan he untung din.

Mateo 11:19

Ne siak is Kakey te Menusiyà, wazà a medsalang megkaan ne mid-inum a mulà te vinu ne neinuinu kew ne migkag̵i niw he vuleg̵uk a wey pereinum te vinu. Ne ke sikiyu zaan he emig̵u a te menge lalung he etew iring te menunukut te vuhis wey menge mesinupaken. Iyan,” ke si Jesus, “egketuusan ta he utew metau is Megbevayà pinaag̵i te egkeveelan din.”