Ruma 6:10 - Manobo Western Bukidnon

¹⁰ Kesevaha zà is kebpehimatey zin he elili te langun he menge etew, ne netengkaan en haazà ne tenged kayi naawè en diyà te kandin is kegkesemuki kandin te salè tew. Ne g̵untaan nevanhew en, ne nehimu is untung din he igkezalig te Megbevayà.

Ruma 6:10 Referans Kwoze

2 Kurintu 5:21

Wazà minsan hengkey he mezaat he ulaula ni Kristu, iyan, midhimu te Megbevayà he iyan sikandin midsilutan tenged te salè tew su wey pinaag̵i te kebpekidsevaha tew kandin, egkehimu he ed-isipen kiw he metazeng te Megbevayà.

1 Pedro 4:6

Sikan is menge etew he nemematey en, impesavut en kandan dengan is Meupiya he Tudtulanen he ebpuun diyà te Megbevayà su wey meveg̵ayi sikandan te untung he wazà pidtemanan minsan pa te kenè dan egkelikayan is kebpatey te lawa zan su iyan silut te Megbevayà diyà te tivuuk he menusiyà.

1 Pedro 3:18

Kesevaha zà is kebpehimatey ni Kristu wey mepesaylu is menge salè tew. Mibpehimatey su wey mehimu sikandin is metazeng he elili tew te kenà memetazeng wey kiw mehimu he menge g̵aked te Megbevayà. Nepatey is lawa zin, iyan, nevanhew sikandin

2 Kurintu 5:15

Minatey sikandin he elili te tivuuk he menusiyà su wey sikandan is menge etew he uuyag pa, kenè dan en maan med-ulaula te kandan he egkesuatan, kekenà, med-tuman dan en te egkesuatan ni Kristu he iyan midhimetayan wey nevanhew su wey melibri sikandan te silut.

Ruma 8:3

Wazà tavang he egkekuwà ta pinaag̵i te kedtumana ta te kesug̵uan geina te wazè ta mehimu te edtuman, iyan, is Megbevayà mulà, ne iyan neketavang kenita. Su midsug̵ù din sikan is Anak din he si Jesus he nehimu he etew. Ne si Jesus, duen lawa zin he iring te lawa ta su wey zin meseg̵azi ziyà te lawa zin is silut te Megbevayà tenged te menge salè tew. Ne pinaag̵i te kedsiluti zin ki Jesus, in-awè din is gehem te mezaat he kebayè ta.

Ruma 6:11

Ne iring din ded daan, tentenuzi niw he g̵eina te minatey ki en he zuma ki Kristu, naawè en daan dini te kenita is kegkesemuki kenita te salè ta, ne pinaag̵i zaan ki Jesu Kristu imbeg̵ey en kenita is beg̵u en he untung, ne kinahanglan he igkezalig daan te Megbevayà heini is beg̵u en he untung ta.

Lucas 20:38

he ke và dà egkeg̵iya, kemulu zan pa ed-ezapen is Megbevayà, minsan te minatey zan en. Su is langun he menge minatey, kemulu zan pa uuyag diyà te Megbevayà.”

Ruma 6:9

Netuenan tew he g̵eina te nevanhew en si Kristu ne kenè en egkehimu he ebpatey pa maan sikandin su wazè en gehem te kemetayen diyà te kandin.