Ruma 4:2 - Manobo Western Bukidnon

² Netuenan ta he kenà iyan ketezengan ke maan is mid-isip te Megbevayà sikandin he metazeng su wazè din mesupak is egkesuatan te Megbevayà. Su ke wazà supak din, tutuu iyan he zuen din igkezantal. Iyan, netuenan ta he nekesupak gihapun si Abraham ne tenged dutun wazè din iyan igkezantal ziyà te etuvangan te Megbevayà.

Ruma 4:2 Referans Kwoze

1 Kurintu 1:31

Ne tenged kayi utew venar is insurat dengan he Lalag te Megbevayà he edhenduen te, “Ke zuen etew he egkesuat he edantal, ne kinahanglan he iyan dà izantal zin is nengehimu te Nengazen.”

2 Kurintu 11:30

Kenè ku egkesuatan he edantal a, iyan, emun kinahanglan he ibpezantal a, idantal ku is menge kemeresayan he nengeeg̵iyan ku su pinaag̵i kayi egketuenan niw he zekelà is kurang ku te ketau.

Pilipus 3:9

su wey a zaan meisip te Megbevayà he metazeng tenged ki Kristu. Wazà a meisip he metazeng pinaag̵i te kediey zà he ulaula te kedtumana te kesug̵uan, su mibpeketazeng a te Megbevayà pinaag̵i te kedtuu ku ki Kristu. Heini is kebmetazeng, ne idtuvad kenita te Megbevayà emun edtuu ki ki Kristu.

Ipisu 2:9

kekenà, imbeg̵ey zà kenita is untung he wazè din pidtemanan. Ne tenged dutun, wazà etew he igkezantal zin is kedlibriya kandin te silut su kenà iyan is kandin he ked-ul-ulaha te meupiya ingkelibri zin.

Gelasya 3:22

Iyan, impesavut kenitew te insurat he Lalag te Megbevayà he sikitew is tivuuk he menusiyà, sakup kiw en pudu te mezaat he kebayè tew. Ne tenged kayi, wey zà edtumana te Megbevayà is menge penaad din kenita ke edsarig kiw kandin. Wey kiw zà egkeveg̵ayi te untung he wazà pidtemanan ke zuen tew kedtuu.

1 Kurintu 9:16

Ne kenà egkehimu he idantal ku is kedsengyawa ku te Meupiya he Tudtulanen su intelaan kedì te Nengazen heini, ne kenà egkehimu he kenè ku edtumanen. Meveg̵at is silut din kedì ke kenè ku idsangyew is Meupiya he Tudtulanen.

1 Kurintu 1:29

Ne tenged kayi wazà minsan hentei he ebpekezantal te ketau zin wey g̵ehem din diyà te etuvangan te Megbevayà.

2 Kurintu 5:12

Heini is menge lalag ku, kenà iyan tuyù ku kayi is wey key keniyu mezelig̵i, kekenà, egkesuatan dey he metueni niw he hustu is tuyù dey su wey zuen ketezengan he igketavak niw zutun te menge etew he iyan dan ed-ahaan is paras te etew ne kenà is meupiya he ulaula zin.

Ruma 15:17

Ne tenged te kedtevangi kediey ni Jesu Kristu kenà a egkeeled te kebpenudtul kayi te langun he nehimu ku te sulug̵uen te Megbevayà.

2 Kurintu 11:12

Kenè ku edlekaan heini is lalag ku he kenè ku kebuyù diyan su wey haazà is menge uvag kun lavew he epustul ni Kristu, kenè dan mekekag̵i he iring te kenami is menge paag̵i zan te kebaal.

1 Kurintu 4:7

Kunaan niw vuwa ke lavew kew te menge zuma he tumutuu ki Kristu. Is dekelà he kedsavut niw, ne kunaan niw vuwa ke zaan heini ziyan te keniyu ne wazà iveg̵ey keniyu te Megbevayà! Su emun netuenan niw he imbeg̵ey zà heini keniyu, maan is idantal niw?