Ruma 2:21 - Manobo Western Bukidnon

²¹ Ebpekepenurù kew te zuma, ne maan is kenè niw ebpenuruen is gehinawa niw? Su ibpenurù niw he kenà meupiya is kebpenakew, iyan, tekawen kew!

Ruma 2:21 Referans Kwoze

1 Kurintu 9:27

Ne heini is lawa ku, ke zuen mezaat he suat din, ne edhimuwen ku is taman te egkehimu ku su wey ku meeg̵en su kela ke, siak is nekepenurù te zuma, ne iyan a kenà egkesuhulan keuzemà te Megbevayà.

Lucas 12:47

Ne sikan is sulug̵uen he netuenan din en is ibpeveelan kandin te egalen din, iyan, wazà med-andam ne wazà medtuman te ibpeveelan kandin te egalen din, ne kenà sikandin ed-uraman te ebug̵el zutun te egalen din.

Lucas 11:46

Ne ke si Jesus te, “Sikiyu zaan is menge menunudlù te kesug̵uan, kehizu niw zaan su utew mezakel is mereg̵en he tulumanen he ibpetuman niw te menge etew, iyan, wazà minsan hengkey he idtavang niw kandan wey zan meketuman dutun te ibpetuman niw kandan.

Lucas 19:22

Ne midtavak haazà is hadì te, ‘Lalung ke ves he sulug̵uen! Heeyan dà te menge lalag nu ne mibpesavut he nekesalè ke en kediey. Su netuenan nu ves he is egkekag̵i ku, ne idteg̵el ku, ne is ibpiyal ku, ne ebperetengen ku is uswag din, ne is ibpepemula ku ne ebperetengen ku is abut din. Ne utew venar heeyan.

Lucas 4:23

Ne migkag̵i si Jesus te, “Siguradu ebpekekag̵i kedì is duma keniyu te erubasa he edhenduen te, ‘Sikew is mememawì, hunai nu vewii is kenikew he lawa, he ke và dà egkeg̵iya, emun tutuu ka he ebpeneuven te Megbevayà ne ipeehè nu is gehem nu zini te inged nu. Su nezineg dey is egkengein-inuwan he mibeelan nu ziyà te inged he Kepirnaum, ne beeli nu zaan kayi te keugelingen nu he inged.’

Mateo 21:13

Migkag̵i sikandin diyà te kandan te, “Duen insurat he Lalag te Megbevayà he edhenduen te, ‘Is baley ku, ne egngezanan he valey he elempuanan.’ Ne sikiyu,” ke si Jesus, “nasì niw veeli he ubpeey te ebpemenlimbung.”

Gelasya 6:13

Haazà is menge etew, ne ibpenurù dan he kinahanglan he mebpesirkunsidar kew sumalà is penurù te kesug̵uan, ne minsan pa zutun kenè dan ebpurungan edtumana is kesug̵uan. Umba egkesuatan dan he mebpesirkunsidar kew su wey mezalig sikandan tenged te nehimu kew he menge kabig dan.