Ruma 2:11 - Manobo Western Bukidnon

¹¹ su is Megbevayà, wazè din ibpelavi te minsan hentei.

Ruma 2:11 Referans Kwoze

Nengeulaula 10:34

Ne zutun migkag̵i si Pedro te, “Netuenan ku en he venar iyan he wazà ibpelavi te Megbevayà te minsan hentei,

Gelasya 2:6

Ne zutun, minsan sikan is menge etew ziyà te Hiruselim he henduen be te menge egalen te tumutuu, wazè dan ingkepenurù kediey he idheg̵et te ibpenurù ku. Umba egkeg̵iyen ku he henduen dan te menge egalen su wazà bali ziyà te Megbevayà te igerar kenita te menge etew. Wazà id-uman dan te kediey he ibpenurù, kekenà, nesavut dan dutun he insarig kediey te Megbevayà is kedsengyawa te Meupiya he Tudtulanen diyà te menge etew he kenà Hudiyu iring te insarig din daan ki Pedro is kedsengyawa kayi ziyà te menge Hudiyu.

Kulusas 3:25

Su sikan is etew he ed-ulaula te mezaat, ne edsilutan sikandin sumalà is keveg̵at te salè din su wazà ibpelavi te Megbevayà te minsan hentei.

Ipisu 6:9

Ne sikiyu is menge egalen, iring din ded daan kayi is ul-ulaha niw ziyà te menge sulug̵uen niw. Kenè kew mebpelihandek kandan su netuenan niw he sikitew is langun, ke sulug̵uen ki wey ke egalen ki ve, ne zuen gihapun egalen ta ziyà te langit he iyan is Megbevayà ne wazè din ibpelavi te minsan hentei.

Mateo 22:16

Ne midsug̵ù dan diyà te ki Jesus is menge sumusundan dan wey menge sakup te upakat he midtukud ni Hirudis. Ne haazà is midsug̵ù dan, migkag̵i ziyà te ki Jesus te, “Menunudlù, netuenan dey he metazeng ka he etew; su ibpenurù nu is tutuu he ebpeveelan kenitew te Megbevayà, ne is lalag te menge etew, kenà ebpekehalin te ibpenurù nu tenged te wazè nu ibpelavi he minsan hentei.

Lucas 20:21

Ne haazà is menge etew he ibpepeniid ki Jesus, migkag̵i zan diyà te kandin te, “He Zatù, netuenan dey he wazè nu ibpelavi he minsan hentei he etew ne tutuu is egkeg̵iyen nu wey hustu is kebpenurù nu te ebpeveelan kenitew te Megbevayà.

1 Pedro 1:17

Ne g̵eina te mibpetavang ki te Amey ta he Megbevayà kinahanglan he utew meheg̵et is kedtehuza ta kandin te zini ki pa ed-ubpà te kelibutan. Iyan sikandin edsusi te menge ulaula te menusiyà sumalà is mid-ulaula te kada sevaha ne wazè din ibpelavi he minsan hentei.

Ruma 9:14

Ne egkehimu he zuen egkag̵i he kenè bes metazeng is paag̵i te Megbevayà su zuen ibpelavi zin. Iyan, kenà iyan haazà ibpesavut ku.