Ruma 16:16 - Manobo Western Bukidnon

¹⁶ Ne sikiyu is langun diyan, emun edtig̵um kew pelimlimuey kew te uman sevaha keniyu. Ebpengemusta keniyu is menge tumutuu te langun he menge inged dini.

Ruma 16:16 Referans Kwoze

1 Kurintu 16:20

Is langun he menge tumutuu he menge zuma ku kayi, ne ebpengemusta zan daan keniyu. Ne sikiyu zaan diyan, ne mebpelimlimuey kew.

1 Tiselunika 5:26

Pengemustaha niw te limù is langun he menge suled tew ziyan.

2 Kurintu 13:12

Mebpelimlimuey kew he iyan tuus he teltelesuled kew tenged te kedtuu niw.

1 Pedro 5:14

Mebpelimlimuey kew. Mebmelinawen is gehinawa te uman sevaha keniyu he nekidsevaha ki Kristu.

Nengeulaula 20:37

Ne mibpenig̵is is luhè dan te menge tumutuu ne migkepkepan dan si Pablo ne midhezekan dan.

Nengeulaula 20:28

Bentayi niw is ulaula niw wey ventayi niw zaan is langun he tumutuu he insarig keniyu te Wag̵as he Mulin-ulin; kinahanglan he iyan kew edlig-en te kedtuu te menge tumutuu te Megbevayà. Nehimu kiw zin he sakup pinaag̵i te kebpehimatey te anak din.