Ruma 12:6 - Manobo Western Bukidnon

⁶ Ne zuen ketau he imbeg̵ey te Megbevayà diyà te kada sevaha he parti, asal, kenà ebpeked-iiring haazà is ketau te kada sevaha. Kinahanglan he egemiten ta is ketau he imbeg̵ey kenita. Ne penenglitan ke imbeg̵ey ziyà te sevaha is ketau te kebpesevuta te Lalag te Megbevayà ne kinahanglan he mekeikul heini te tuluuwen he midtuuwan ta.

Ruma 12:6 Referans Kwoze

1 Kurintu 7:7

Su egkesuatan ku pezem he ed-iringan a keniyu is wazè din esawa, iyan, netuenan ku he wazà himuwa te Megbevayà he meked-iiring kiw su imbeg̵ey zin diyà te sevaha is kebpekeantus te kenà kebpengesawa, ne selakew is imbeg̵ey zin diyà te sevaha.

Ruma 12:3

Ne tenged te imbeg̵ey kedì te Megbevayà is keg̵ehem te kedsengyawa te lalag din, egkeg̵iyen ku keniyu te langun he kinahanglan he kenè niw isipa he lavew kew te menge zuma niw, kekenà, kinahanglan he hustu is ked-isipa niw te ketau niw sumalà is kedtuu he imbeg̵ey te Megbevayà diyà te kada sevaha keniyu.

Ruma 1:11

Su utew ku igkesuat is kedhendiyan ku te keniyu, ne egkesuatan ku he ibpenurù ku keniyu is impenurù kediey te Wag̵as he Mulin-ulin su wey meheg̵et is kedtuu niw te Megbevayà.

1 Kurintu 13:2

Ne penenglitan ke ebeg̵ayan a te ketau te kedseysey te impesavut kedì te Megbevayà, ne egkesavut ku is minsan hengkey he kenà egkesavut te zuma wey is minsan hengkey he mezalem, ne minsan ke utew mezesen is kedtuu ku ne egkehimu he egkepengelinteuwan ku he mekehalin is buntud ne segugunà edhalin, iyan, ke kenà mahal zini te g̵ehinawa ku is menge zuma ku, ne wazè ku g̵ihapun pulus.

Ipisu 4:11

Iyan menge ketau he imbeg̵ey zin kenitew is: is duma, midhimu zin he epustul; ne is duma, midhimu zin sikandan he peneuva te Megbevayà; ne is duma, ne imbeg̵ey zin kandan is ketau wey zan ikesangyew is Meupiya he Tudtulanen; ne is duma pa, ne imbeg̵ey zin kandan is ketau wey zan meuwit wey mepenurù is menge tumutuu.

1 Kurintu 14:1

Umba, menge suled, kinahanglan he iyan niw ipehuna ziyà te g̵ehinawa niw is kebmahala niw te menge zuma niw. Ne meupiya zaan ke ebuyuen niw is menge ketau he ibeg̵ey te Wag̵as he Mulin-ulin, lavew en is kedseysaya te impesavut te Megbevayà.

2 Kurintu 8:12

Su emun dekelà is gustu niw te kebeg̵aya te tavang sumalà is egkehimu niw, iyan heini igkesuat te Megbevayà su kenè din ebuyuen kenita is kenè ta igkeveg̵ey, kekenà, iyan ebuyuen din haazà is egkehimu ta he ibeg̵ey kandin.

1 Tiselunika 5:20

Kenè niw pesegdana is menge lalag te mid-ulinan,

1 Kurintu 14:29

Ne iring din ded daan haazà is menge etew he edseysey te impesavut kandan te Megbevayà su egkehimu he zezuwa zà ne emun kenà ne tetelu is egkag̵i. Ne kinahanglan he ebpemineg is langun ne ed-isipen dan ke hustu ve wey ke kenà haazà is egkeg̵iyen.

Nengeulaula 15:32

Ne si Hudas wey si Silas, ebpeneuven sikandan te Megbevayà, ne neug̵et is kebpekidlalag dan te menge tumutuu su midsembag̵an dan su wey meheg̵et is kezesen te kedtuu zan.

Nengeulaula 2:17

‘Migkag̵i is Megbevayà te, “Keuzemà te ketepusan he timpu, sikiyu is tivuuk he menusiyà, ibpelumun ku keniyu is Wag̵as he Mulin-ulin. Ne zutun ebpeneuven is menge anak niw he maama wey is anak niw he vahi ne ibpesavut dan te menge etew is lalag ku. Duen menge menguhed he ebpuwasan ku is id-ehè dan wey zan maahà is kenà egkeahà te zuma. Ne zuen menge meg̵urang he edhimuwen ku he menge meneneg̵einep.

Pilipus 3:15

Ne is langun te sikitew he meg̵urang en te kedtuu, kinahanglan he iring kayi zaan is isip tew wey g̵ehinawa tew. Iyan, emun kenè kew egkengeuyun ibpetuenan keniyu te Megbevayà is benar.

Ipisu 3:5

Dengan wazà heini ipezayag diyà te minsan hentei he menusiyà, iyan, guntaan, pinaag̵i te Wag̵as he Mulin-ulin, impezayag en te Megbevayà diyà te menge epustul wey ebpemeneuven din.

Nengeulaula 13:1

Ne zuen menge tumutuu ziyà te inged he Entiyukya he menge menunudlù wey ebpemeneuven te Megbevayà. Dutun si Bernabe, si Simeon he migeraran daan te Meitem. Dutun daan si Lucio he tigSirini wey si Menain he ziyè en medekelà te turug̵an su impeelukuy ki Gubirnedur Hirudis hein batè pa. Ne zutun daan si Seulu.

Lucas 11:49

Is Megbevayà he utew metau, migkag̵i sikandin dengan te, ‘Ibpehendiyan ku pa te kandan is ebpemeneuven wey is menge epustul. Ne edhimetayan dan is duma ne is duma ebpesipelahan dan.’ Umba migkag̵i heini te Megbevayà su netuenan din he sikiyu is menge Hudiyu, nesevaha is gehinawa niw te g̵ehinawa te menge kepuun niw.

Mateo 23:34

Su egkeg̵iyen ku keniyu he ibpehendiyan ku pa te keniyu is ebpemeneuven te Megbevayà, wey menge etew he mibeg̵ayan te Megbevayà te ketau, wey menge menunudlù. Ne edhimetayan niw is duma kandan. Ne is duma, idransang niw ziyà te krus ne ebpemug̵elen niw is duma ziyà te seled te menge simbahan niw ne ed-elawen niw sikandan diyà te minsan hendei he inged he egkepeveyaan dan te ebpemelag̵uy.

1 Kurintu 14:24

Iyan, ke iyan ed-ul-ulahan te langun is: edseysayen dan is ibpesavut kandan dutun te Lalag te Megbevayà, ne haazà is bisita, pinaag̵i zutun te nezineg din, egkesavut din ke hengkey is ked-isipa te Megbevayà dutun te mezaat he menge isip din, ne egketuenan din he mekesesalè bes sikandin ne ebpekedsendit. Ne zutun ed-ezapen din is Megbevayà ne ke sikandin diyà te keniyu te, “Tutuu ves iyan he ed-ulinan kew te g̵ehem te Megbevayà!”

Nengeulaula 21:9

Duen heepat he menge anak din he rag̵a he ebpeneuven te Megbevayà.

1 Kurintu 3:5

Isipa niw man heini. Siak si Pablo, hentei a? Ne hentei zaan si Epulus? Sulug̵uen key zà te Megbevayà. Pinaag̵i kenami midhimu zin he meketuu kew. Edtumanen dey zà is ebpeveelan din kenami. Ne iyan dà ed-ul-ulahan dey.

1 Kurintu 12:18

Meupiya su kenà iring dutun is kedlimbag̵a te Megbevayà su te kedlimbag̵a zin te etew, midlimbag din dutun te lawa te etew is langun he kenà ed-iiring-iring he egkinehenglanen din sumalà is egkesuatan te Megbevayà.

2 Pedro 1:20

Ne kinahanglan utew he sevuta niw he wazà etew he hustu is kedseysey zin te penurù he insurat te ebpemeneuven dengan te Megbevayà emun wazà ipesavut kandin te Wag̵as he Mulin-ulin.

Mateo 25:22

Ne midtelavuk daan kandin sikan is mibeg̵ayan din te zezuwa he libu he pisus ne ke sikandin te, ‘Datù, mibeg̵ayan a kenikew te zezuwa he libu he pisus. Ahaa nu, heini zed daan is genansya he zezuwa he libu he pisus.’