Ruma 12:2 - Manobo Western Bukidnon

² Kenè niw iringi is menge ulaula te menge etew he kuntada te Megbevayà, kekenà, itug̵ut niw he helina kew te Megbevayà pinaag̵i te kebeg̵uwa zin te isip niw. Ne zutun egkesavut niw human is egkesuatan te Megbevayà, he ke và dà egkeg̵iya, egkesavut niw ke hengkey is menge ulaula he metazeng he egkesuatan he kenà egkesewayan te Megbevayà.

Ruma 12:2 Referans Kwoze

1 Pedro 1:14

Geina te menge anak ki te Megbevayà, kinahanglan he edtumanen ta is menge sug̵ù din; kenè ta iyan ebpezumdumahan is mezaat he kebayè ta he edtumanen ta layun dengan hein wazè te pa metueni is tutuu he tuluuwen.

2 Kurintu 5:17

Ne sikan is etew he nekidsevaha en ki Kristu, beg̵u en sikandin he linimbag. Nahanew en diyà te kandin is daan he netag̵ù te isip din ne mid-ilisan en heini te veg̵u.

Kulusas 3:10

Ne g̵untaan midhimu ki en te Megbevayà he veg̵u en he etew he edhimuwen din he iring te kandin. Umba midhimu ki zin he veg̵u su wey ta mepurung mesavut ke hentei sikandin.

Ipisu 5:17

Kenè niw ul-ulaha is wazè din pulus he ulaula, kekenà, purungi niw sevuta ke hengkey is ebpeveelan keniyu te Megbevayà.

1 Pedro 4:2

Ne tenged kayi, puun dutun taman te kebpatey zin egkehimu he kenè din en human edtumanen is mezaat he kebayà te lawa zin, kekenà, iyan din edtumanen is egkesuatan te Megbevayà.

Ruma 12:1

Na, menge suled, tenged te utew zekelà he hizu kenitew te Megbevayà, edhengyuan ku sikiyu he ipeveyveyai niw kandin is lawa niw wey g̵ehinawa niw. Iyan heini ibpemuhat he kenà edhimetayan, ne kinahanglan he wazà igkesawey zuen su wey mesuati te Megbevayà. Ne iyan heini hustu he ked-ezapa niw kandin.

Juan 15:19

Emun duma kew te menge kuntada te Megbevayà ebmahalen kew zan, iyan, geina te kenè kew zan duma ne egkuntedahan kew zan su mibpilì ku sikiyu wey kew mekesuwey ziyà te kandan.

Ruma 13:14

Ne idsun-ud ta is Nengazen tew he si Jesu Kristu, he ke và dà egkeg̵iya, ed-ul-ulahan ta is ulaula zin. Ne kenè te en maan ed-isipen is kedtumana te menge mezaat he kebayà te lawa ta.

Tito 3:5

midlibri ki zin te silut. Iyan ingkelibriya zin kenita is: kenà tenged te menge metazeng he ulaula he nehimu ta, kekenà, tenged dà te hizu zin kenita. Midlibri ki zin pinaag̵i te kedlumpiyuwi kenita he iyan is kebpeuman ta kebpaanak pinaag̵i te g̵ehem te Wag̵as he Mulin-ulin he nekeveg̵ey kenita te veg̵u he untung.

Santiago 4:4

Kenè kew metinumanen te pesarig niw ziyà te Megbevayà. Wazè niw ves metueni he emun iyan niw egkesuatan is mezaat he ed-ul-ulahan te menge kuntada te Megbevayà dini te kelibutan, ne menge kuntada kew zaan te Megbevayà. Is minsan hentei he iyan egkesuatan din is mezaat he ulaula zini te kelibutan, mibpekigkuntada sikandin te Megbevayà.

2 Kurintu 4:4

Kenè dan edtuu su mid-elangan is isip dan ni Setanas he iyan ed-ezapen te menge etew kayi te kelibutan. Tenged kayi kenà egketeyawan is isip dan te Meupiya he Tudtulanen mehitenged te utew kegkelavew ni Kristu. Pinaag̵i ki Kristu egkesayud ki ke hentei is Megbevayà su iyan sikandin dagwey te Megbevayà.

Juan 17:14

Sikan is lalag nu he ibpepenurù nu kediey, impenurù ku en kandan, ne migkuntada sikandan te menge etew zini te kelibutan he kuntada nu su wazè dan upakat kayi iring te wazà daan kedì he upakat te menge kuntada nu.

2 Pedro 1:4

Iyan heini kedtumana zin te penaad din he utew zekelà wey mahal is idtuvad din kenitew. Umba impenaad din heini su wey mekeiring is menge ulaula tew te menge ulaula te Megbevayà ne mekelikey kiw zini te kelibutan te kedtumana te menge mezaat he kebayè tew su ebpekezezaat heini kenitew.

Santiago 1:27

Is etew he hustu is ked-azap din te Megbevayà, edlikayan din is menge mezaat he ulaula he iyan ed-ul-ulahan te menge etew zini te kelibutan he kuntada te Megbevayà. Meupiya mulà is ulaula zin. Ebpurungan din is menge edlised he menge ilu he vatà wey menge valu he vahi. Iyan heini egkesuatan te Amey tew he Megbevayà he paag̵i te ked-ezapa tew kandin.

1 Juan 3:13

Menge suled, kenè kew meinuinu emun ebpekigkuntada keniyu is menge etew zini te kelibutan he kuntada te Megbevayà.

1 Tiselunika 4:3

Iyan egkesuatan te Megbevayà is: kinahanglan he zait is menge ulaula niw te etew he g̵aked din. Kinahanglan he kenè niw hileveti is kenè niw esawa.

1 Juan 5:19

Netuenan tew he menge anak kiw te Megbevayà, iyan, is langun he menge kuntada te Megbevayà dini te kelibutan, ebeyveyaan sikandan ni Setanas.

Ipisu 1:18

Id-ampù ku he iveg̵ey zin daan keniyu is kebpurung kedsavut su wey niw metueni ke hengkey is langun he meupiya he egkeperateng tew keuzemà tenged te midhimu kiw en he menge tumutuu zin, ne wey niw zaan metueni he utew mezakel zutun is menge meupiya he idtuvad din kenitew.

2 Pedro 2:20

Ke zuen menge etew he nekesavut en mehitenged te Nengazen tew he si Jesu Kristu, egkelibri zan en pezem te mezaat he ulaula zini te kelibutan he ebpekezezaat kandan. Iyan, ke egkepenulayan sikandan ne edlikuan dan en maan haazà is daan he kegkeuripena kandan te mezaat he ulaula, tuwas pa he merasey is egketemanan dan.

Ipisu 2:2

Dutun he timpu mid-ikul niw is mezaat he ibayà he iyan ed-ikulen te menge etew he kuntada te Megbevayà. Midtuman kew te menge sug̵ù ni Setanas. Iyan sikandin ebayàbayà te menge zuen din gehem diyà te hewhewanan. Iyan daan sikandin ebayàbayà te langun he kenà ebpemineg te menge sug̵ù te Megbevayà.

Gelasya 1:4

Si Kristu, imbelavag din is untung din su wey mepalis is menge salè tew su wey kiw melibri, ne kenè tew meiringi is menge etew he ed-ulaula te mezaat te g̵untaan he timpu kayi te kelibutan. Umba mibeelan heini ni Kristu su edtumanen din is egkesuatan te Amey tew he Megbevayà.

1 Kurintu 3:19

Su is ketau kayi te kelibutan, ne wazè din pulus diyà te Megbevayà su utew lavew is kandin he ketau. Su zuen insurat he Lalag te Megbevayà he edhenduen te, “Is ketau te metau he etew he igkelupig̵i zin te zuma, egkehimu he iyan ibpekesipè din te selaid te Megbevayà.”

Ruma 7:22

Ne sumalà is egkesuatan te g̵ehinawa ku, utew ku pezem egkesuati is kedtumana te egkesuatan te Megbevayà.

Juan 7:7

Kenè kew egkepeukan te menge etew he kuntada te Megbevayà, iyan, siak, egkepeukan e zan mulà su pinaag̵i te ibpenurù ku egketuenan he mezaat is menge ulaula zan.

Impezayag 13:8

Ed-ezapen haazà is langgam te langun he menge etew zini te kelibutan he wazà ikesurat is ngazan dan diyà te libru he zutun ilista is menge etew he ebeg̵ayan te untung. Iyan haazà kes libru zuen te nati he kerehidu he zengan dà imbanglis is kebpehimatey zin te wazè pa tukuza is kelibutan.

1 Pedro 2:3

Su neg̵ezaman niw en he utew velig̵eg̵awen keniyu is Nengazen tew.

Ruma 7:12

Is kesug̵uan, diyà ebpuun te Megbevayà, ne is langun he menge sug̵ù dutun, menge sug̵ù te Megbevayà, ne kenà haazà mezaat, kekenà, meupiya wey metazeng.

Kulusas 4:12

Ebpengemusta zaan keniyu si Ipapras. Duma niw zaan he tigKulusas he sulug̵uen ni Jesu Kristu. Layun kew zin id-ampù. Ed-ampù sikandin diyà te Megbevayà he mebmelig-en wey meheg̵et is kedtuu niw ne wey meheg̵et daan is kedtumana niw te egkesuatan te Megbevayà.

1 Pedro 1:18

Netuenan ta he utew mahal is imbelukas din kenita. Su nengeuripen ki zengan te menge ulaula he wazà pulus he imbilinbilin kenita te menge kepuun ta. Sikan is imbelukas din kenita, ne kenà iring te selapì wey vulawan he egkeawà is bali zin.

Juan 14:30

Mevavè dà utew is menge lalag ku keniyu su meg̵aan en ebpekeuma si Setanas is egalen te menge etew zini te kelibutan he kuntada ku. Wazè din keg̵ehem kediey,

Ruma 7:14

Netuenan tew he meupiya is kesug̵uan su imbeg̵ey te Wag̵as he Mulin-ulin. Iyan, siak, geina te edtumanen ku is menge mezaat he suat te lawa ku ne nehimu a he iring te uripen te menge mezaat he kebayà.

Impezayag 12:9

midsegseg haazà is dekelà he uled puun te langit. Ne haazà he deragun, iyan si Setanas, sikan is mezaat he mulin-ulin he mid-ekalan din is tivuuk he menusiyà. Ne sikandin wey is langun he menge velinsug̵uen din, intimbag sikandan pehendini te tanà.

Mateo 13:22

Ne sikan is benì he ziyà mengeulug te tanà he zug̵iyen is menge sagbet dutun, iyan is Lalag te Megbevayà he iyan nemekezineg duen is menge etew he ebpemineg, iyan, egkelipatan dan tenged te menge seeng dan kayi te kelibutan wey tenged te kegkesuat dan te selapì. Ne tenged kayi is Lalag te Megbevayà, kenà ebpulus diyà te kandan.

Marcos 4:19

iyan, egkelipatan dan tenged te menge seeng dan kayi te kelibutan wey te kegkesuat dan te selapì wey te mezakel pa he menge azen, ne kenà ebpulus diyà te kandan is Lalag te Megbevayà.

Kulusas 1:9

Ne tenged kayi ibpenigudu zey sikiyu id-ampù puun pa zutun te andew zengan he nezineg dey is tudtul mehitenged te kedtuu niw. Layun dey id-ampù diyà te Megbevayà he veg̵ayi kew zin te kegkesayud te langun he ulaula he ebpeveelan din keniyu, he ke và dà egkeg̵iya, mehimu kew zin he mebmetau ne pinaag̵i te Wag̵as he Mulin-ulin, iveg̵ey zin keniyu is kegketuusi te meupiya wey mezaat.