Ruma 11:14 - Manobo Western Bukidnon

¹⁴ su egkesuatan ku he meima is menge zuma ku he Hudiyu pinaag̵i te kedtevangi ku keniyu. Su kela ke pinaag̵i zutun duen duma kandan he edtuu ne egkelibri te idsilut te Megbevayà.

Ruma 11:14 Referans Kwoze

1 Kurintu 7:16

Kinahanglan he edtug̵utan ta he edsuwey is esawa ta he kenà tumutuu su minsan ke kenè ta edtug̵utan kenè ta g̵ihapun egketuenan ke pinaag̵i kenita edtuu keuzemà sikandin te Nengazen wey ke kenà.

1 Timoteo 4:16

Purungi nu susiya is kenikew he ulaula wey is kebpenurù nu. Su emun edhemenan nu heini kenà iyan ke zà is egkelibri te silut, kekenà, pinaag̵i kenikew egkehimu he egkelibri zaan is menge etew he ebpememineg te ibpenurù nu.

Tito 3:5

midlibri ki zin te silut. Iyan ingkelibriya zin kenita is: kenà tenged te menge metazeng he ulaula he nehimu ta, kekenà, tenged dà te hizu zin kenita. Midlibri ki zin pinaag̵i te kedlumpiyuwi kenita he iyan is kebpeuman ta kebpaanak pinaag̵i te g̵ehem te Wag̵as he Mulin-ulin he nekeveg̵ey kenita te veg̵u he untung.

2 Timoteo 2:10

Ne tenged kayi ed-entusen ku is minsan hengkey he merasey wey ku metevangi is menge etew he pinilì te Megbevayà. Egkesuatan ku he melibri sikandan te silut pinaag̵i te kebpekidsevaha zan ki Jesu Kristu ne mekezawat dan te ketulusan he wazà pidtemanan.

1 Timoteo 2:4

su iyan din egkesuatan is wey melibri te silut is tivuuk he menusiyà ne wey zan daan metueni is tutuu he tuluuwen.

1 Kurintu 1:21

Utew metau is Megbevayà; midhimu zin he kenà egketuenan te menge etew ke hentei sikandin pinaag̵i te kandan dà he ketau su midhimu zin he egkelibri sikandan pinaag̵i zà te kedtuu zan te Meupiya he Tudtulanen he ibpenurù ta he kunaan dan ke tarù he wazè din pulus.

Ruma 11:11

Ne nekeurambak is menge zuma ku he Hudiyu pinaag̵i te kenè dan kedtuu ki Kristu, iyan, kenè niw isipa he kenà egkehimu te Megbevayà he mekelikù dan te kedtuu. Tenged te kenè dan kebpemineg te Lalag te Megbevayà nehimu he nengelibri te silut is menge kenà Hudiyu su wey meima is menge Hudiyu. Ne umba nehimu heini su wey likui te menge Hudiyu is kedtuu zan ke egkeehè dan he nengelibri en is kenà menge Hudiyu.

Santiago 5:20

tentenuzi niw he is neketavang kandin, nehimu en he paag̵i wey melibri sikandin te silut. Ne pinaag̵i zutun egkepesaylu is utew mezakel he menge salà dutun he etew.

Ruma 9:3

Ne ke egkehimu, egkesuatan ku pezem he iyan a edsilutan he ilis kandan ne ewaa is kebpekidsevaha ku ki Kristu su wey iyan sikandan melibri te silut.

Pilimun 1:12

Ibpeulì ku en diyan te kenikew si Unisimu he utew ku pezem minahal.

Ruma 10:19

Ne kela ke kunaan ta ke wazà mesavut te menge kevuwazan ni Israyil is impenudtul kandan, iyan, nesavut dan en he zaan su zuen insurat he Lalag te Megbevayà dengan diyà te kandan pinaag̵i te lalag ni Moises he edhenduen te, “Edhimuwen ku keuzemà he egkeima kew is menge Hudiyu te kedtevangi ku te menge etew he kenà menge pinilì ku. Ne edhimuwen ku he egkepauk kew tenged te kegkehizuwi ku te menge etew he zengan wazè dan metueni ke hentei a,” ke sikandin.

1 Kurintu 10:33

Siak, ebpen-ahaan ku layun is paag̵i su wey meketavang te minsan hentei is menge ulaula ku. Kenè ku iyan ebpen-ahaan is kediey he igkezeyzey, kekenà, iyan is igkezeyzey te langun he menge zuma he etew. Umba ebeelan ku heini su wey meketuu sikandan ne melibri sikandan te silut.

1 Timoteo 1:15

Duen erubasa he utew tutuu ne kinahanglan he tuuwi te minsan hentei; ne iyan is: “Midhendini si Jesu Kristu te kelibutan wey zin libriya te silut is menge mekesesalà.” Ne siak, iyan a tuwas he lalung te langun kandan.

2 Timoteo 1:9

Is Megbevayà, ne iyan midlibri kenita te silut ne midhimu ki zin he g̵aked din. Umba mid-ulaula zin heini, kenà tenged te meupiya is menge ulaula ta, kekenà, tenged dà te iyan tuyù din wey tenged te utew zekelà is gag̵ew zin kenita. Dengan te wazè pa limbag̵a is minsan hengkey mid-isip din he ibpeehè din is gag̵ew zin kenita pinaag̵i te kebeg̵aya zin kenita ki Jesu Kristu.

Hibriyuhanen 1:14

Iyan, is menge velinsug̵uen te Megbevayà, menge sulug̵uen dà sikandan te Megbevayà. Kenè tew egkeahà, iyan, edsug̵uen din sikandan wey kiw zan metevangi is menge etew he edtulusen keuzemà.

Hibriyuhanen 2:3

Ne iring din ded daan, sikitew is menusiyà, kenè kiw zaan ebpekelikey te silut te Megbevayà emun ebey-anan tew, ne kenè tew edtumanen is impenurù kenitew mehitenged te mekeg̵eg̵ehem he kedlibriya zin kenitew te silut. Is nehuna he nekepenudtul kayi, ne iyan en is Nengazen tew he si Jesus. Ne is menge etew he nemekezineg kandin, edtistig̵usan dan dini te kenitew he tutuu heini.