Ruma 10:5 - Manobo Western Bukidnon

⁵ Iyan, duen insurat he lalag ni Moises mehitenged te kebpeketezenga te etew pinaag̵i te kedtumana te kesug̵uan he edhenduen te, “Is etew he iyan edserig̵an din is kedtumana zin te kesug̵uan, ne egkeveg̵ayan sikandin te untung he wazà pidtemanan emun wazà minsan hengkey he sayep dutun te kebpurungi zin kedtumana te minsan hengkey he insug̵ù dutun te kesug̵uan,” ke si Moises.

Ruma 10:5 Referans Kwoze

Gelasya 3:12

Iyan, ke zuen etew he egkepurung din egketuman is langun he sug̵ù dutun te kesug̵uan, kenè en kinahanglan he edtuu pa sikandin wey meveg̵ayi te untung he wazè din pidtemanan, su zuen insurat he Lalag te Megbevayà he edhenduen te, “Is etew he egkepurung din egketuman is langun he sug̵ù dutun te kesug̵uan, ebeg̵ayan sikandin te untung he wazè din pidtemanan.”

Ruma 7:10

Umba nehimu is kesug̵uan he imbeg̵ey te Megbevayà su wey mekeangken is menge etew te untung he wazè din pidtemanan emun kenè dan edsupaken. Iyan, nehimu en he iyan idsiluti kedì is kesug̵uan su nesupak ku.

Pilipus 3:9

su wey a zaan meisip te Megbevayà he metazeng tenged ki Kristu. Wazà a meisip he metazeng pinaag̵i te kediey zà he ulaula te kedtumana te kesug̵uan, su mibpeketazeng a te Megbevayà pinaag̵i te kedtuu ku ki Kristu. Heini is kebmetazeng, ne idtuvad kenita te Megbevayà emun edtuu ki ki Kristu.