Ruma 1:25 - Manobo Western Bukidnon

²⁵ Kenè dan edtuuwan is tutuu mehitenged te Megbevayà, kekenà, tarù is edtuuwan dan. Ed-ezapen dan wey ebpezumdumahan dan is linimbag dà duen, kenà is Nenlimbag. Berakat he wazà pidtemanan te kedelig̵a kandin te menge etew.

Ruma 1:25 Referans Kwoze

2 Kurintu 11:31

Is Megbevayà wey Amey te Nengazen tew he si Jesus, delig̵a sikandin te wazà pidtemanan. Netuenan din he kenà tarù heini is egkeg̵iyen ku.

Ruma 9:5

Mibpilì din dengan is menge kepuun dan. Ne hein mibpeetew si Kristu he iyan Megbevayà he ebayàbayà te langun, in-anak sikandin he zuma zan he Hudiyu. Berakat he zelig̵a sikandin te wazè din pidtemanan.

1 Juan 5:20

Netuenan tew zaan he midhendini en te kelibutan is Anak te Megbevayà ne imbeg̵ey zin kenitew is kedsavut wey kiw mehimu he menge emig̵u te tutuu he Megbevayà. Nekidsevaha kiw te tutuu he Megbevayà su nekidsevaha kiw te Anak din he si Jesu Kristu. Iyan sikandin tutuu he Megbevayà, iyan sikandin puunà te untung he wazà pidtemanan.

Ruma 1:23

Su kenè dan ed-ezapen is tutuu he mekeg̵eg̵ehem he Megbevayà he wazè din kemetayen, kekenà, iyan dan ed-ezapen is menge ledawen he mibeelan dan he iring te menge etew he zuen din kemetayen wey iring te menge tagbis, wey ke menge langgam be, wey ke menge uled.

2 Timoteo 3:4

Menge men-aakal sikandan; kenè dan ed-isipen ke hengkey is egkeulaula tenged te kelelalung dan. Menge gelbuwen sikandan. Iyan dan ibpelavi is kelibutanen he kelipey kenà is kebmahala zan te Megbevayà.

Ruma 1:18

Is Megbevayà diyà te langit, impeehè din en he utew zin igkepauk is langun he menge mezaat he ulaula te menge etew wey is kenè dan kedtahud kandin. Su pinaag̵i te kelelalung dan egkesanggen is kebpesevuta te tutuu he tuluuwen.

Mateo 6:24

Is uripen, kenà egkehimu he zezuwa is teg̵iuripen kandin. Su emun dezuwa is ebayàbayà kandin, edtehuzen din is sevaha ne egkepeukan din is sevaha. Ne emun kenà, ne egkeepesan din is sevaha, ne ebmahalen din is sevaha. Ne iring din ded daan emun iyan mahal ziyà te g̵ehinawa nu is ketig̵eyunan, su kenà egkehimu he mahal zaan diyà te g̵ehinawa nu is Megbevayà.

1 Tiselunika 1:9

Nezineg dan en ne iyan sikandan ebpenudtul mehitenged te kegelg̵elawa niw kenami. Ebpenudtul zan he mid-engkezan niw kes ked-azap te menge kenà tutuu he ed-ezapen. Mid-engkezan niw kun wey kew mekeazap te tutuu he Megbevayà he wazè din kemetayen.

1 Timoteo 1:17

Kes sebsevaha zà he Megbevayà, kenà egkeahà. Iyan sikandin hadì te minsan hengkey ne wazè din kemetayen; berakat he tehuza wey zelig̵a sikandin te wazè din pidtemanan.

1 Timoteo 1:11

Ne heini is hustu he tuluuwen, ne ebpuun te Meupiya he Tudtulanen mehitenged te utew zekelà he g̵ehem te Megbevayà. Is Megbevayà he iyan dait he edelig̵en, insarig din kedì heini is tudtulanen wey ku mesangyew.

Mateo 10:37

Ke zuen etew he iyan mahal ziyà te g̵ehinawa zin is amey zin wey iney zin kenà siak, kenà dait sikandin he egngezanan he sumusundan ku. Ne ke iyan mahal ziyà te g̵ehinawa zin is anak din kenà siak, kenà daan sikandin dait he egngezanan he sumusundan ku.

Ipisu 3:21

Berakat he zelig̵a sikandin pinaag̵i kenitew te langun he menge tumutuu zin wey pinaag̵i ki Jesu Kristu g̵untaan he timpu wey te wazè din pidtemanan.

Juan 2:8

Ne mid-uman megkag̵i si Jesus te, “Sekilut kew en wey uwita niw ziyà te edumala kayi te keemuran.” Ne mid-uwit dan,