Pilipus 4:22 - Manobo Western Bukidnon

²² Ne is langun he menge zuma ku he tumutuu kayi te inged, lavew en is menge suled tew he zini ed-ubpà te valey te hadì, ebpengemusta zan daan keniyu.

Pilipus 4:22 Referans Kwoze

Pilipus 1:13

Su is langun he menge sundaru he guwardya zini te turug̵an te hadì wey is minsan hentei pa kayi, ne netuenan dan he mibpirisu a tenged dà te sulug̵uen a ni Kristu.

2 Kurintu 13:13

Ebpengemusta keniyu is langun he menge tumutuu te Megbevayà dini.

Ruma 16:16

Ne sikiyu is langun diyan, emun edtig̵um kew pelimlimuey kew te uman sevaha keniyu. Ebpengemusta keniyu is menge tumutuu te langun he menge inged dini.

1 Pedro 5:13

Ebpengemusta keniyu is menge tumutuu zini te inged he Bebilunya. Pinilì sikandan te Megbevayà iring te pinilì kew zin daan. Ebpengemusta zaan keniyu si Marcos he iyan iring te tutuu he anak ku.

Hibriyuhanen 13:24

Ipengemusta a keniyu te langun he menge egalen niw wey te langun he menge sakup te Megbevayà diyan. Is menge suled tew zini te Italya, ne ebpengemusta zaan sikandan keniyu.

Nengeulaula 9:13

Ne midtavak si Eneniyas te, “Nengazen, netuenan ku pinaag̵i te mezakel he etew is utew memezaat he mid-ulaula zin diyà te menge sumusundan nu ziyà te Hiruselim.

3 Juan 1:14

Egkesuatan ku he kenè en utew egkeug̵et edhendiyan a ne human ki ebpekedlalag.

Mateo 5:47

Ne emun iyan niw zà idtetepian is menge emig̵u niw, hengkey is igkezelig̵i keniyu? Wazà, su minsan is menge etew he wazà med-azap te Megbevayà, ed-ul-ulahan dan is iring kayi.

Nengeulaula 20:38

Utew zan ingkeseeng is lalag din he kenè dan en maan sikandin egkeahà. Ne zutun midumahan dan diyà te barku.