Pilipus 4:2 - Manobo Western Bukidnon

² Edhengyuan ku sikiyu, Ibudya wey Sintiki, he melinew is kebpekid-upakat niw su telesuled kew tenged te upakat niw te Nengazen.

Pilipus 4:2 Referans Kwoze

Hibriyuhanen 12:14

Himuwa niw is taman te egkehimu niw su wey melinew is kebpekidepitè niw te minsan hentei ne wey niw metuman is metazeng he ulaula su emun kenè ki metazeng kenè ta is Megbevayà egkeahà keuzemà.

1 Kurintu 1:10

Menge suled ku tenged te kedtuu, duen idhangyù ku keniyu pinaag̵i te kebayàbayà kenitew te Nengazen tew he si Jesus; iyan is: kinahanglan he kenè kew mevahinbahin, kekenà, uyun-uyun kew su wey mesevaha is isip niw wey g̵ehinawa niw.

Marcos 9:50

Ne kenà duen dà taman su meupiya is timus su ibmetaam te egkeenen, iyan, ke egkeawà duen te timus is taam din, wazè en paag̵i he ebpekelikù pa ebpekeuman is taam din. Ne iring din ded daan kinahanglan he iring te timus is menge ulaula niw wey kew mehimu he ibmeupiya te menge etew ne kinahanglan he mebmelinawen is kedepitè niw te kada sevaha keniyu.”

1 Tiselunika 5:13

Kinahanglan he utew niw sikandan tehuza wey mahala tenged te menge vaal zan diyan te keniyu. Ne kinahanglan he melinew is kedepitè niw te kada sevaha.

Pilipus 3:16

Iyan, kinahanglan guntaan he edtumanen tew is daan he impenurù kenitew te Megbevayà.