Pilipus 2:20 - Manobo Western Bukidnon

²⁰ Iyan dà sikandin duma ku kayi he utew zekelà is gehinawa zin keniyu.

Pilipus 2:20 Referans Kwoze

Pilipus 2:2

Ne tenged kayi te langun edhengyuan ku sikiyu he tug̵uti niw he mepurung mesevaha is isip niw wey g̵ehinawa niw, ne heg̵eta niw is kebmahala niw ziyà te g̵ehinawa niw te menge zuma niw. Ne emun ed-ul-ulahan niw heini human egkeheg̵et is kelipey ku tenged keniyu.

Pilipus 2:22

Si Timoteo, netuenan niw he hustu is menge ulaula zin. Iring sikandin te tutuu he anak ku te kedtevangi zin kedì te kedsengyawa kayi te Meupiya he Tudtulanen.

1 Kurintu 16:10

Ne emun ebpekeuma ziyan si Timoteo ne purungi niw sikandin su sulug̵uen daan sikandin te Nengazen he iring kediey.

Juan 12:6

Iyan ingkekeg̵iya zin dutun, kenà te hizu zin te menge egkengeayuayu, kekenà, tenged te tekawen sikandin. Iyan sikandin ibpetipig eni Jesus te selapì dan ne ebpenekawen din is duma zutun.

Juan 10:13

Umba ebpelag̵uy haazà is sinuhulen su kenà iyan sikandin sikan is tutuu he ed-elima, ne kenà daan mahal ziyà te g̵ehinawa zin haazà is menge kerehidu.

2 Timoteo 1:5

Kenè ku egkelipatan he utew meheg̵et is kedtuu nu he iring te meheg̵et daan is kedtuu te apù nu he si Luwida wey is iney nu he si Eunisi. Ne netuenan ku he utew hustu zaan is kenikew he kedtuu.

Kulusas 4:11

Ne elin daan ebpengemusta keniyu si Jesus he egngezanan daan ki Hustu. Heini is tetelu, si Eristarku, si Marcos wey si Hustu, ne iyan dà sikandan menge Hudiyu he zuma ku kayi te kedsengyawa ku te kedhadì te Megbevayà. Ingkelipey sikandan te g̵ehinawa ku.

Ruma 15:5

Is Megbevayà, ne iyan edsambag kenitew wey ebeg̵ey kenitew te kebmeinentusen te kemeresayan. Berakat he himuwa zin he mesevaha is gehinawa niw wey isip niw kayi te kedsundani niw ki Jesu Kristu.

1 Timoteo 4:6

Emun ibpenurù nu heini ziyà te menge zuma he tumutuu egkehimu ka he metinumanen he sulug̵uen ni Jesu Kristu. Ne egkeheg̵et is kedtuu nu pinaag̵i te ked-istudyu nu te tuluuwen tew wey pinaag̵i te kedhamen nu te hustu he impenurù kenikew.

2 Timoteo 3:10

Ne sikew mulà, Timoteo, nepurung nu en metueni is langun he impenurù ku, is menge vetasan ku wey is egkesuatan ku he meulaula ku. Netuenan nu zaan is kedtuu ku te Megbevayà, is kebmepelevayen ku, is kebmahala ku te minsan hentei, wey is ked-antus ku te kemereg̵enan.