Pilipus 2:1 - Manobo Western Bukidnon

¹ Menge suled, netuenan ku he ingkeheg̵et te kedtuu niw is kebpekidsevaha niw ki Kristu, ne netuenan ku zaan he naawà is menge keseengan niw mehitenged te hizu zin keniyu. Ne netuenan ku zaan he neupakat kew pinaag̵i te Wag̵as he Mulin-ulin, ne ebpekedhihizuwè kew wey ebpelimlimuey kew is menge tumutuu.

Pilipus 2:1 Referans Kwoze

Kulusas 3:12

Ne, menge suled, geina te mibpilì kiw te Megbevayà, ne midhimu kiw zin he menge g̵aked din, wey g̵eina te mahal kiw ziyà te g̵ehinawa zin, kinahanglan he zekelà is hizu ta wey g̵ag̵ew ta ziyà te minsan hentei. Ebpurungan ta is menge zuma ta ne kenè ki ebpelavew. Kinahanglan he mepelevayen ki layun.

1 Juan 4:12

Wazè pa etew he nekeahà te Megbevayà, iyan, emun egig̵ineg̵awè kiw, ed-ubpà dini te kenitew is Megbevayà, ne egkeheg̵et is kebmahala ta te Megbevayà dini te g̵ehinawa ta.

2 Kurintu 13:14

Berakat he ikeg̵ag̵ew kew te Nengazen tew he si Jesu Kristu wey verakat he ipeehè keniyu te Megbevayà he mahal kew ziyà te g̵ehinawa zin wey verakat daan he meheg̵et is upakat niw te Wag̵as he Mulin-ulin. Iyan a si Pablo.

Kulusas 2:2

Iyan idhag̵ù ku su wey melig-eni is kedtuu niw te Megbevayà pinaag̵i te kegkeupakat niw wey pinaag̵i te kebmahala niw te uman sevaha keniyu. Egkesuatan ku he meheg̵et is kegkesavut niw te impenurù keniyu he iyan kes impezayag te Megbevayà keniyu mehitenged ki Kristu.

1 Kurintu 12:13

Ne sikitew is langun, Hudiyu se kenà Hudiyu, sulug̵uen se kenà sulug̵uen, ne pudu kiw mibewtismuwan te sevaha zà he Wag̵as he Mulin-ulin; ne pinaag̵i kayi nehimu kiw en he sevaha zà he lawa, ne mid-ulinan kiw pudu te sevaha zà he Wag̵as he Mulin-ulin.

Gelasya 5:22

Egketuusan ta zaan is menge ulaula he egkehimu pinaag̵i te g̵ehem te Wag̵as he Mulin-ulin. Su emun ed-uwiten ki te Wag̵as he Mulin-ulin, mahal zini te g̵ehinawa ta is menge zuma ta, layun ki egkelipey, melinawen layun is gehinawa ta, mepelevayen ki, belig̵eg̵awen ki, metulanged ki, metinumanen ki,

Gelasya 4:6

Ne zutun wey ta metueni he anak ki iyan te Megbevayà, midsug̵ù te Megbevayà he ibpeubpà dini te kenita is Wag̵as he Mulin-ulin he ziyà te ki Jesus, ne ibpinted din kenita he mekekag̵i ki te, “Amey ku he Megbevayà.”

Nengeulaula 4:32

Mezesen is kebpekid-upakat te menge tumutuu su nesevaha zà is isip dan wey g̵ehinawa zan. Wazà minsan sevaha kandan he mid-isip din is menge azen din he iyan dà sikandin ebpehimulus, kekenà, mid-isip dan he sevaha zan dà te azen.

1 Juan 3:24

Is minsan hentei he edtuman te menge sug̵ù te Megbevayà, nekidsevaha sikandin te Megbevayà ne ziyà te kandin ed-ubpà is Megbevayà. Egketuenan ta he zini te kenita ed-ubpà is Megbevayà su mid-ulinan ki te Wag̵as he Mulin-ulin.

Juan 17:13

Ne g̵untaan ed-ulì ad diyan te kenikew ne edhengyuen ku kenikew heini te kemulu e pa zini te kelibutan su wey mepurung sikandan mengelipey te kediey he kelipey.

1 Juan 4:16

Ne tenged dutun nesavut tew en he utew zekelà is gagew kenitew te Megbevayà ne umba ebpekesarig kiw. Is minsan hengkey he ed-ul-ulahan te Megbevayà, ne iyan kebpaahaa zin te g̵agew zin. Is minsan hentei he layun dekelà is gagew zin te menge zuma zin, meheg̵et is kebpekidsevaha zin te Megbevayà, ne ziyà te kandin ed-ubpà is Megbevayà.

Pilipus 3:3

Iyan kiw kes tutuu he menge sakup te Megbevayà, ne kenà iyan sikandan, su pinaag̵i te Wag̵as he Mulin-ulin ed-azap kiw te Megbevayà ne edlipey kiw tenged te upakat tew ki Jesu Kristu. Ne kenè tew iyan edserig̵an is kelibutanen he ulaula iring te kebpesirkunsidar.

1 Kurintu 3:16

Sikiyu is menge tumutuu te Megbevayà, utew a egkeinuinu keniyu su henduen be te wazè niw mesavut he iyan kew kes baley he ed-ubpaan te Megbevayà su ziyan te keniyu ed-ubpà is Wag̵as he Mulin-ulin he Megbevayà.

Ruma 8:26

Ne elin daan baal te Wag̵as he Mulin-ulin is: sikita is kenà metau, edtevangan ki zin su kenè ta egketuenan is hustu he id-ampù, iyan, is Wag̵as he Mulin-ulin, ne iyan sikandin ebpengeetuvang te Amey tew he Megbevayà pinaag̵i te kedhangyù he kenà egkehimu te kineg̵iyan te etew.

Ruma 5:5

Ne umba kenà egkehimu he kenè tew egkekuwa keuzemà is impenaad kenitew te Megbevayà su pinaag̵i te Wag̵as he Mulin-ulin he imbeg̵ey zin kenitew, egketuusan ta he ingkeg̵ag̵ew ki te Megbevayà.

Nengeulaula 2:46

Ne kada andew edtig̵um is langun he menge tumutuu zuen te zekelà he simbahan he egngezanan te Valey te Megbevayà. Ne egkesevaha zan daan he utew melipayen te kegkaan dan dutun te menge valey zan wey kebpevegbeg̵ayè dan.

1 Pedro 1:2

Nengaaram kew te Megbevayà he Amey tew sumalà is kebayè din dengan he iyan is: edhimuwen kew zin he metazeng pinaag̵i te Wag̵as he Mulin-ulin wey kew mehimu he menge sakup ni Jesu Kristu ne wey kew zaan mepesaylu tenged te kebpelisi keniyu te lengesa ni Jesus. Berakat he ikeg̵ag̵ew kew zin wey mebmelinawen kew utew.

Hibriyuhanen 6:18

Ne zuen dezuwa he ulaula te Megbevayà he kenà egkehalin te minsan hentei. Is sevaha, ne iyan is penaad din, ne is sevaha, ne iyan is kedlig-eni zin te penaad din. Ne pinaag̵i kayi te zezuwa egkesavut ta he kenà egkehimu he kenè din edtumanen is penaad din. Ne tenged kayi, sikitew is nemekeaput diyà te kandin, utew meheg̵et is kedsarig tew kandin ne tenged kayi edhemenan tew is kebpeebuta tew te langun he meupiya he impenaad din kenitew.

Pilipus 1:8

Ebpeketistig̵us is Megbevayà he utew zekelà is kebulunga ku keniyu su is kezekelà te g̵ehinawa ku keniyu, ne iring te kezekelà te g̵ehinawa ni Jesu Kristu keniyu.

Ipisu 4:4

Su sikitew is langun he menge tumutuu, sevaha kiw zà he lawa, ne sevaha zà is Wag̵as he Mulin-ulin he ed-ulin kenitew, ne sevaha zà daan is ebperetengen tew he ketulusan tenged te midhimu kiw he menge tumutuu.

2 Kurintu 2:14

Ne minsan pa zutun utew zekelà is kebpeselemati ku te Megbevayà su tenged te kebpekidsevaha tew ki Kristu, iring kiw te menge vihag ni Kristu he ibpeehè din diyà te minsan hentei. Ne pinaag̵i kenitew ibpesavut din diyà te menge etew ke hentei sikandin diyà te minsan hendei.

1 Kurintu 15:31

Su andew-andew, menge suled, egkeisip ku he kela ke edhimetayan a te menge kuntada te Megbevayà. Utew tutuu heini, menge suled; tutuu zaan he utew ku sikiyu igkelipey tenged te kedtuu niw te Nengazen tew he si Jesu Kristu.

Juan 14:27

Edteg̵akan ku is isip niw te kelinew. Is kelinew he zini te isip ku, iyan idtag̵ak ku keniyu. Is menge etew zini te kelibutan he kenà edtuu, kenè dan ebpekeveg̵ey keniyu te kelinew he iring kayi. Ne kinhanglan he kenà mebmesakit is gehinawa niw ne kenè kew zaan mahandek.

Juan 14:18

Ne kenè ku sikiyu ed-ewaan he iring te nengeilu su edlikuan ku zed sikiyu.

Lucas 2:25

Ne zuen dutun maama he ed-ubpà diyà te Hiruselim he egngezanan ki Simeon. Metazeng haazà he etew he layun edsimba te Megbevayà. Kenà egkeawà diyà te g̵ehinawa zin is kebperetenga zin te kegketuman te midtagnà dengan he zuen timpu he edlibriyen te Megbevayà is nengepilì din he menge etew he menge kevuwazan ni Israyil. Layun ed-ulinan si Simeon te Wag̵as he Mulin-ulin.