Pilimun 1:21 - Manobo Western Bukidnon

²¹ Dekelà is kedsarig ku kayi te kebpesurati ku kenikew su netuenan ku he ebpemineg̵en a kenikew. Netuenan ku he zekelà is edhimuwen nu, kenà te idhangyù ku.

Pilimun 1:21 Referans Kwoze

2 Tiselunika 3:4

Tenged te kedsarig dey te Nengazen, netuenan dey he ebpenigudu kew pa edtuman te menge sug̵ù dey keniyu.

2 Kurintu 2:3

Umba, menge suled, iyan mibeelan ku zutun is mibpeuwitan ku zà sikiyu te surat. Su kenè ku zutun egkesuatan he ebpenumbaley a ziyan su netuenan ku he sikiyu is menge etew he kinahanglan pezem he iyan igkelipey ku, ne igkeseeng ku zutun. Ne netuenan ku zaan he emun egkelipey a, egkelipey kew zaan.

2 Kurintu 7:16

Ne tenged kayi, utew ad egkelipey su netuenan ku he ebpekepurung ad ebpekesarig keniyu.

Gelasya 5:10

Ne minsan pa zutun, dekelà is kedsarig ku te Nengazen he pinaag̵i te kedtavang din keniyu, ebpemineg̵en niw zed is hustu he impenurù ku keniyu. Iyan, haazà is etew he nekesamuk te isip niw pinaag̵i te penurù din he tarù, siguradu he edsilutan sikandin te Megbevayà.

2 Kurintu 8:22

Ne zuen pa suled tew he ibpezuma zey engki Tito. Mibpurungan ku sikandin susiya ne utew zekelà is gustu zin te edtavang te menge tumutuu, iyan, tuwas pa zekelà is gustu zin te edtavang keniyu g̵eina te zekelà is kedsarig din keniyu.

Ruma 2:19

Kunaan niw ke iyan kew ebpekeag̵ak te menge etew he nengelakap is isip dan, ne kunaan niw zaan ke iyan kew sulù he ebpeketayew te ibayè dan pehendiyà te Megbevayà.