Nengeulaula 8:36 - Manobo Western Bukidnon

³⁶ Ne netegteg̵aad dutun nekeuma zan te wahig, ne migkag̵i haazà is upisyal te, “Wahig en heini; egkehimu ve ke ebewtismuwan a kenikew?”

Nengeulaula 8:36 Referans Kwoze

Nengeulaula 10:47

Ne zutun migkag̵i si Pedro te, “Heini is menge etew he kenà menge Hudiyu, mibeg̵ayan daan sikandan te Wag̵as he Mulin-ulin iring te sikitew is menge Hudiyu. Ne tenged kayi kenà egkehimu he kenà sikandan egkebewtismuwan.”

Juan 3:23

Ne si Juan Megbebewtismu, ebpemewtismu zaan asal ziyà sikandin ebpemewtismu te inged he Inun he uvey te inged he Salim su mezakel is menge wahig dutun. Ne nemenhendutun is menge etew ne mibpebewtismu sikandan.

Juan 3:5

Ne ke si Jesus te, “Utew venar is egkeg̵iyen ku kenikew he wey zà ebpekeragkes is etew ziyà te menge etew he edhedian te Megbevayà ke id-anak sikandin pinaag̵i te wahig wey pinaag̵i te g̵ehem te Wag̵as he Mulin-ulin.

1 Juan 5:6

Iyan si Jesu Kristu sikan is midsug̵ù te Amey zin dini te kelibutan. Egketuusan heini pinaag̵i te wahig wey lengesa. Kenà heini egketuusan pinaag̵i zà te wahig he iyan is kebewtismuwi kandin, kekenà, pinaag̵i zaan te lengesa he iyan is kedtig̵is te lengesa zin dutun te kedrensanga kandin te krus. Iyan ebpenistig̵us kayi zini te kenitew is Wag̵as he Mulin-ulin, su tutuu layun is egkeg̵iyen din.

Mateo 3:6

Ne haazà he menge etew, intangdù dan is menge salè dan ne mibewtismuwan din sikandan diyà te wahig he Hurdan.

Mateo 3:11

Wahig is ibewtismu ku keniyu,” ke si Juan, “he tuus te mid-iniyug̵an niw is mezaat he ulaula, iyan, duen etew he ed-ilis kediey ne iyan ibewtismu zin keniyu is Wag̵as he Mulin-ulin, ne emun kenà, ne hapuy. Lavew sikandin kedì, ne minsan is ked-uwit dà te sepatus din, kenè e pa zait he sulug̵uen din.

Nengeulaula 8:37

Ne midtavak si Felipe te, “Egkehimu emun hustu en is kedtuu nu.” Ne midtavak haazà is upisyal te, “Neketuu ad; edtuuwan ku he Anak te Megbevayà si Jesu Kristu.”