Nengeulaula 8:17 - Manobo Western Bukidnon

¹⁷ Ne midepenetan sikandan ni Pedro wey ni Juan ne puun dutun mid-ulinan sikandan te Wag̵as he Mulin-ulin.

Nengeulaula 8:17 Referans Kwoze

Nengeulaula 19:6

Ne zutun mibpendepenetan ni Pablo te velad din is menge purù dan, ne mid-ulinan sikandan te Wag̵as he Mulin-ulin ne netekewtekew zan mekekag̵i te menge kineg̵iyan he kenè dan egkesavut. Ne midtudtul zan is impesavut kandan te Megbevayà.

Nengeulaula 6:6

Ne impeetuvang dan diyà te menge epustul haazà is nengepilì dan ne in-ampù sikandan te menge epustul ne midepenetan sikandan dutun te menge epustul su iyan haazà paag̵i te kebeg̵ayi kandan te keg̵ehem.

2 Timoteo 1:6

Ne tenged dutun kenè nu lipati he kinahanglan he g̵emita nu is ketau nu he imbeg̵ey zengan kenikew te Megbevayà dutun te kedlilai ku kenikew pinaag̵i te kedempaa ku te purù nu.

Nengeulaula 8:18

Ne zutun naahà ni Simon he ed-ulinan is menge etew te Wag̵as he Mulin-ulin emun egkezepenetan te zezuwa he epustul. Ne ebeg̵eyan din pezem sikandan te selapì,

Nengeulaula 2:4

Ne mibpurungan ulini te Wag̵as he Mulin-ulin is kada sevaha kandan, ne netekewtekew zan pintezi te menge kineg̵iyan he kenè dan egketuenan sumalà is gehem he imbeg̵ey kandan te Wag̵as he Mulin-ulin.

Hibriyuhanen 6:2

Kenè tew ed-ul-ulitan is ked-istudyu te kebpemewtismu, wey is kedewata te Wag̵as he Mulin-ulin, is kegkevenhawa kenita keuzemà, wey is kedsusiya te Megbevayà keuzemà te tivuuk he menusiyà,

Ruma 1:11

Su utew ku igkesuat is kedhendiyan ku te keniyu, ne egkesuatan ku he ibpenurù ku keniyu is impenurù kediey te Wag̵as he Mulin-ulin su wey meheg̵et is kedtuu niw te Megbevayà.

Nengeulaula 9:17

Ne zutun migenat si Eneniyas ne midhendutun te valey ne hein nekeseled midepenetan din si Seulu te egkag̵i te, “Sikew Seulu, is suled ku, midsug̵ù a zini te Nengazen he si Jesus he mibpaahà kenikew ziyà te imbayè nu. Impehendini e zin su wey mepuwasi en is ked-ehè nu, wey ka meulini te Wag̵as he Mulin-ulin.”

1 Timoteo 5:22

Kinahanglan he kenè nu zegdeg̵usuwi is kebpilì nu te ed-uwit te menge tumutuu su ke ebpekesalà sikandin iyan ka egkevesulan. Ne kinahanglan he wazà igkevesuli kenikew he iring kayi.

1 Timoteo 4:14

Kenè nu lipati haazà is ketau he imbeg̵ey zengan kenikew te Megbevayà pinaag̵i te kebpenuvadtuvad te ebpeneuven wey pinaag̵i te kedempaa kenikew te menge ebmeg̵urangen.

Nengeulaula 13:3

Ne mid-uman dan medsalang te egkaan ne mid-ampù dan diyà te Megbevayà, ne zutun indepenet dan is belad dan ki Bernabe wey ki Seulu ne impeg̵enat dan sikandan.

Marcos 5:23

Ne midhengyuan din si Jesus te, “Is anak ku he vahi he edrag̵arag̵e en, ne edluwàluwè en te g̵ehinawa. Edhengyuan ku sikew he hendiyè ka te valey ku wey nu penemsama wey meulii ne meuyag.”