Nengeulaula 7:49 - Manobo Western Bukidnon

⁴⁹ ‘Egkag̵i is Nengazen te, “Is langit, ne pinuuwè ku wey is tanà, ne iyan edsevukan ku te paa ku. Wazà baley he egkeveelan niw he ed-ereg̵an ku. Kenè kew zaan ebpekevaal te hustu he edhimelayan ku

Nengeulaula 7:49 Referans Kwoze

Juan 4:21

Ne migkag̵i si Jesus te, “Benar, Bayi, is egkeg̵iyen ku kenikew he egkeuma is timpu he kenè en maan dini zà te vuntud wey minsan diyà te Hiruselim ed-ezapa is Amey tew he Megbevayà.

Impezayag 3:21

Is minsan hentei he ebpekezaag ki Setanas, ibeg̵ey ku kandin is ketenged te kebpinuu he zurug kedì diyà te pinuuwè ku te kedhadì iring te nekezaag a zaan ki Setanas ne mibpinuu a he zurug te Amey ku.

Mateo 24:2

Ne migkag̵i kandan si Jesus te, “Tengtengi niw heini is langun su egkeg̵iyen ku keniyu he heini is menge vatu he imbevaley zan kayi, wazà minsan sevaha keuzemà he ebpekeuntud diyà te sevaha su egkewag̵ey heeyan is langun.”

Mateo 23:22

Ne ke zuen etew he ebpenaad ne ebpengum-umawen din is langit, iyan tutuu he egkeumew zin sikan is pinuuwà te Megbevayà, ne emun egkeambit din sikan is pinuuwà te Megbevayà, iyan tutuu he egkeambit din is Megbevayà.