Nengeulaula 27:7 - Manobo Western Bukidnon

⁷ Ne utew menaney haazà is hipanew zey ne nepipira he andew zutun ne human key mekelavey te inged he Nidu asal nereg̵enan key. Ne g̵eina te kemulu zey pa egkesinug̵ung is bendes te keramag, midhalin key te ibayà ne ziyè key mebayà te zivaluy te pulu he Krita he egkeelangan haazà is keramag, ne midlevayan dey is beyvey he egngezanan te Salmun.

Nengeulaula 27:7 Referans Kwoze

Nengeulaula 27:21

Ne zutun, neug̵et he wazè dey nekaan ne midhitindeg si Pablo ne migkag̵i te, “Menge zuma ku, angin ke mibpemineg kew te sambag ku he kenè kiw ed-awà diyà te pulu he Krita, su kenè tew g̵eina egkeseg̵azan heini is hitavù kenitew.

Tito 1:12

Duen nevantug he menenagnà he zuma zan he tigKrita he migkag̵i te, “Teruen wey utew lalung is menge etew zini te Krita. Utew zan egkeepesi is kedterebahu, iyan, utew zan egkesuati is kegkaan.”

Tito 1:5

Iyan integ̵aka ku kenikew ziyan te Krita is wey nu mehimasad is menge vaal he wazè ta mepasad, ne wey nu zaan mepilì diyà te kada inged is menge ebmeg̵urangen he egkeserig̵an te menge tumutuu. Emun ebpilien nu is menge ebmeg̵urangen, ul-ulaha nu is intelaan ku kenikew.

Nengeulaula 2:11

Duen daan menge tigKrita wey menge tig-Erabya. Ne minsan pa te kenà ebpeked-iiring is kineg̵iyan tew, is kada sevaha kenitew, nesavut din is egkeg̵iyen su kandin he keugelingen he kineg̵iyan is egkeg̵amit kayi te menge tigGeliliya. Ne impesavut dan kenitew is utew meupiya he egkein-inuwan he vaal te Megbevayà,” ke sikandan.

Nengeulaula 27:4

Ne mid-awè key ziyà, ne g̵eina te kenè dey egkehimu te edsinug̵ung is bendes te keramag, diyè key mebayà te zivaluy te pulu he Sipru he egkeelangan haazà is keramag.