Nengeulaula 26:22 - Manobo Western Bukidnon

²² Iyan, taman en guntaan midtevangan a te Megbevayà umba zini ad guntaan te etuvangan niw. Ne ibpenurù ku heini is langun diyà te minsan hentei, dekelà is pid-etawan din se zeisey is pid-etawan din. Ne is ibpenurù ku, iyan ded sikan is netagnà dengan ni Moises wey kes ebpemeneuven te Megbevayà,

Nengeulaula 26:22 Referans Kwoze

Nengeulaula 24:14

Iyan, kenè ku igkeeled he egkeg̵iyen ku kenikew he ed-ezapen ku is Megbevayà he ed-ezapen daan dengan te menge kepuun dey. Iyan, heini is tuluuwen he edsunuzen ku, egkeg̵iyen kayi te menge etew he tarù. Ne edsunuzen ku zaan is langun he insurat duen te kesug̵uan he imbilinbilin dengan ni Moises wey is insurat dengan te ebpemeneuven te Megbevayà.

Juan 5:46

Angin ke venar is kedtuu niw kandin su ebpeketuu kew zaan kediey su insurat din dutun is keag̵i ku.

Nengeulaula 10:43

Netagnà si Jesu Kristu te langun he ebpemeneuven dengan te Megbevayà ne migkag̵i zan he pinaag̵i te g̵ehem te ngazan din, is langun he edsarig kandin, ebpeseyluwen din sikandan te menge mezaat he ulaula zan.”

Lucas 24:44

Ne zutun migkag̵i si Jesus diyà te kandan te, “Iyan heini sikan is migkag̵i ku keniyu hein kemulu e pa zuma niw. Is langun mehitenged kedì he impesurat dengan te Megbevayà ki Moises, wey kes langun he impesurat din te zuma pa he ebpemeneuven din, wey minsan kes insurat dengan duen te libru te menge Salmo, ne kinahanglan he egketuman pinaag̵i te neulaula zini te kedì.”

Lucas 24:27

Ne zutun midseysey ni Jesus kandan ke hengkey is langun he menge lalag te Megbevayà mehitenged kandin he insurat te langun he menge ebpemeneuven te Megbevayà igenat dà ki Moises dengan taman te huziyan he menge ebpemeneuven.

Impezayag 15:3

Ne egkentahan dan is kentahan duen te sulug̵uen te Megbevayà he si Moises he iyan sikan is kentahan he idalig dutun te nati he kerehidu. Ke sikandan te, “Sikew is Megbevayà, mekeg̵eg̵ehem ka he Nengazen te langun. Utew zekelà wey utew egkein-inuwi is langun he menge vaal nu! Hadì ka te langun he menge g̵inhedian. Metazeng wey tutuu is menge ulaula nu!

Ruma 3:21

Ne g̵untaan, impezayag kenitew te Megbevayà is paag̵i wey kiw zin meisip he metazeng. Ne kenà heini pinaag̵i te kedtumana te kesug̵uan, asal migkag̵i heini is paag̵i zutun te insurat dengan he Lalag te Megbevayà.

Nengeulaula 28:23

Ne midtelaan dan is andew ne hein netuman haazà, mezakel is menge Hudiyu he nengetig̵um dutun te ed-ubpaan ni Pablo. Ne nehepunan si Pablo is edseysey wey ebpesavut kandan ke egkemenumenu is kedhadì te Megbevayà. Impesavut din kandan is insurat dengan ni Moises dutun te kesug̵uan wey is insurat daan te ebpemeneuven te Megbevayà su wey meketuu sikandan he iyan si Jesus sikan is hadì.

Nengeulaula 26:17

Ebentayan ku sikew ne kenè ku idtug̵ut he mekeizi ka te menge Hudiyu wey te kenà menge Hudiyu. Ne edsug̵uen ku sikew ziyà te menge etew he kenà Hudiyu.

Nengeulaula 26:6

Ne g̵untaan dini ad te etuvangan nu tenged dà te edtuuwen ku he egketuman keuzemà is impesarig dengan te Megbevayà diyà te menge kepuun tew.

Juan 5:39

Ed-istudiyuwan niw is ingkesurat he lalag din su kunaan niw ke tenged dutun ebpekeangken kew te untung he wazà pidtemanan. Edtistig̵usan a te insurat he Lalag te Megbevayà,

Juan 1:45

Ne si Felipe, mibeyaan din si Natanael, ne ke sikandin te, “Neehè dey en kes etew he netagnà dengan te ebpemeneuven wey netagnà ni Moises dutun te insurat din diyà te libru he kesug̵uan. TigNeserit sikandin he si Jesus he anak ni Jose.”

Juan 1:17

Ne pinaag̵i ki Moises imbulus te Megbevayà sikan is menge kesug̵uan, iyan, pinaag̵i ki Jesus imbulus te Megbevayà is gag̵ew zin kenitew wey is tutuu he tuluuwen.

Lucas 24:46

Ke sikandin te, “Ibpesavut duen te insurat he Lalag te Megbevayà he kinahanglan he siak is hadì he mibpilì te Megbevayà, ne edhimetayan a ne seled te tetelu he andew zutun ne ebenhawen a te Megbevayà.

Impezayag 20:12

Ne neehè ku is langun he menge minatey, deisey is pid-etawan din se zekelà is pid-etawan din he ziyà ebpemenhithitindeg te etuvangan te pinuuwà te edhadì. Ne mibekar is menge libru ne mibekar zaan is libru he zutun ilista is egkengeveg̵ayan te untung. Ne mibpemekar zaan is menge zuma he menge libru he zutun isurat is mid-ulaula te menge etew hein uuyag dan pa su edhukuman sikandan tenged te mid-ulaula zan su nekesurat dutun te menge libru.

Impezayag 11:18

Utew nengepauk kenikew is menge kuntada nu, iyan, netuman en is andew te kedsiluti nu kandan wey is andew te kedsusiya nu te nengeulaula te nemematey en. Iyan en heini timpu te kedsuhuli nu te menge sulug̵uen nu he menge ebpeneuven wey kedsuhuli nu zaan te langun he menge g̵aked nu he etew, se zekelà is pid-etawan din, se zeisek is pid-etawan din, is langun he edtahud kenikew. Iyan heini zaan timpu te kedèdeeti nu te langun he menge etew he midezaat te kelibutan!”

2 Timoteo 3:11

Netuenan nu zaan is menge kemeresayan wey menge keseengan he nengeantus ku. Netuenan nu zaan is langun he neeg̵iyan ku ziyà te menge inged he Entiyukya, wey Ikunya, wey Listera wey is langun he utew merasey he naantus ku. Is Megbevayà, ne midlibri e zin kayi te langun.

Mateo 26:24

Siak is Kakey te Menusiyà, ebpatey a sumalà te netagnà duen te insurat he Lalag te Megbevayà, iyan, kehizu utew zuen te etew he ed-akal kedì. Meupiya pa ziyà te kandin ke wazè en sikandin ianak.”

Lucas 16:28

su zuen lelima he hazi ku he maama. Ne kinahanglan he metueni zan he zaan wey zan kenà mekehendini te ubpeey te ebpenresayen.’

Nengeulaula 13:29

Ne hein nengeulaula en te menge tigHiruselim kes langun he netagnà dengan he ibpeulaula zan kandin, in-awè dan is lawa zin dutun te krus he midrensangan dan kandin ne inleveng dan.

1 Kurintu 15:3

Ne lavew kayi te langun he impesavut ku keniyu, haazà is impenurù daan kediey. Ne iyan is: si Kristu, mibpehimatey su wey kiw melibri te silut mehitenged te menge salè tew sumalà is impesavut dengan te insurat he Lalag te Megbevayà.

1 Kurintu 15:4

Impesavut ku zaan he inleveng sikandin ne seled te tetelu he andew zutun nevanhew sikandin. Impesavut daan heini zengan te insurat he Lalag te Megbevayà.