Nengeulaula 25:7 - Manobo Western Bukidnon

⁷ Ne hein nekeuma si Pablo midlingutan sikandin te menge Hudiyu he ebpemuun diyà te Hiruselim ne utew mezaat he ulaula is insumbunga zan kandin, iyan, wazè dan igkepaahà he tutuu is sumbung dan mehitenged kandin.

Nengeulaula 25:7 Referans Kwoze

Nengeulaula 24:13

Ne wazè dan daan igkepaahà he tutuu is insumbunga zan kedì.

Nengeulaula 25:24

migkag̵i si Pistu te, “Hadì Egripa wey is langun te sikiyu he nengetig̵um kayi, ahaa niw heini is etew. Midhangyù kedì he ebpememensag is langun he menge Hudiyu zini te Sisarya wey ziyà te Hiruselim he pehimetayi ku sikandin.

Lucas 23:10

Ne zutun, haazà is menge punuan he menge memumuhat wey is menge menunudlù te kesug̵uan, ne mid-uvey zan ne utew meinit is gehinawa zan te kedsumbunga zan ki Jesus.

Lucas 23:2

Ne hein nekeuma zan dutun ne impezineg dan ki Pilatu is menge sumbung dan. Ke sikandan te, “Midsusi zey heini is etew ne netuenan dey he edsinamuk kayi te inged tew su ibpeengked din is menge etew he ebayad te vuhis diyà te lavew he hadì tew ziyà te inged he Ruma. Ne kenà duen dà taman su egkeg̵iyen din he iyan sikandin si Kristu, he ke và dà egkeg̵iya, hadì.”

Nengeulaula 21:28

Ne mibpememensag dan is egkag̵i te, “Sikiyu is menge zuma zey he Isreyilihanen, tevangi key! Iyan heini sikan is etew he in-eneb din is penurù din te minsan hendei he inged. Ne supak is impenurù din te tivuuk he kehudiyuwan wey supak daan te kesug̵uan tew wey kayi te simbahan tew. Ne g̵untaan impeseled din en kayi te simbahan tew is kenà menge Hudiyu ne neremerikan heini is simbahan he ebulusan te Megbevayà.”

Mateo 15:1

Ne zutun, duen menge Perisiyu wey menge menunudlù te kesug̵uan he menge tigHiruselim he midhendiyà te ki Jesus. Mid-insè dan ki Jesus te,

1 Tiselunika 2:16

ne iring te egkuntedahan dan is tivuuk he menusiyà, su edsemuken key zan wey zey kenà ikesangyew is Lalag te Megbevayà he igkelibri te silut te menge etew he kenà menge Hudiyu. Ne ebpeniguduwan dan te ebaal is taman te egkehimu zan he salà. Ne g̵untaan in-andam en is silut kandan te Megbevayà.