Nengeulaula 23:9 - Manobo Western Bukidnon

⁹ Umba, mid-iseg dan mebmeg̵urub dutun is ebpevenbensag̵ey. Ne zutun midhitindeg is menge Perisiyu he menge menunudlù te kesug̵uan ne ke sikandan te, “Wazà mezaat he netuenan dey he mibeelan kayi te etew. Kela ke tutuu iyan he zuen mulin-ulin wey ke velinsug̵uen be te Megbevayà he mibpekidlalag kandin.”

Nengeulaula 23:9 Referans Kwoze

Nengeulaula 22:7

Ne nepiley a ne zutun nezineg ku is egkag̵i te, ‘He Seulu, maan is ebpesipelahan a kenikew?’

Juan 12:29

Ne zuen mezakel he menge etew zutun ne hein nezineg dan haazà, ke sikandan te, “Rug̵ung!” Ne egkag̵i is duma te, “Belinsug̵uen te Megbevayà he ebpekidlalag ki Jesus!”

Nengeulaula 26:31

Ne zutun te kegenat dan mibpelelag̵è dan is egkag̵i te, “Wazà ulaula zin he zait he igkehimetayi kandin wey minsan igkepirisuwa kandin.”

Nengeulaula 25:25

Iyan, hein midsusi ku, wazè ku netuenan he mid-ulaula zin he zait he igkehimetayi kandin. Ne g̵eina te ebpetavang te hadì tew ziyà te Ruma, neisip ku he ibpeuwit ku sikandin diyà te hadì.

Nengeulaula 23:29

Ne zutun netuenan ku he wazè bes mezaat he ulaula zin he zait he igkepirisuwa wey igkepehimetayi kandin. Iyan dà insumbunga kandin is kedsupaka zin te menge vetasan dan dutun te kesug̵uan dan.

Marcos 2:16

Ne zuen dutun daan menge Perisiyu he menge menunudlù te kesug̵uan. Ne hein neehè dan he egkaan si Jesus duma zutun te menge mesinupaken wey menunukut te vuhis, nenginginsà sikandan duen te menge sumusundan ni Jesus, ke sikandan te, “Maan is egkaan si Jesus wey ed-inum duma te menge limbungan he menge menunukut te vuhis wey menge mesinupaken?”

1 Kurintu 10:22

Ne kenà meupiya he mepauk kenitew is Nengazen. Kunaan niw vuwa ke ebpekesukul kew kandin.

Nengeulaula 27:23

Geina te mezukilem, is Megbevayà he iyan ed-ezapen ku, mibpaahà kedì is belinsug̵uen din,

Nengeulaula 23:8

Umba nekedsumpakì dan su is menge Sedusiyu, ibpenurù dan he kenà egkevanhew is menge minatey. Egkeg̵iyen dan he wazà menge mulin-ulin ne wazà daan menge velinsug̵uen he ebpuun diyà te langit. Ne is menge Perisiyu, edtuu zan mulà he zuen kegkevanhew wey menge mulin-ulin wey velinsug̵uen te Megbevayà.

Nengeulaula 11:17

Ne emun mibpeulinan sikandan te Megbevayà te Wag̵as he Mulin-ulin iring dutun te kebpeulini zin dengan kenitew te kedtuu tew te Nengazen he si Jesu Kristu, kenà egkehimu he kenè ku edewaten is kebpeulini zin kandan te kenà menge Hudiyu.”

Nengeulaula 9:4

Ne nepiley sikandin diyà te tanà ne nezineg din is egkag̵i te, “He Seulu, maan is ebpesipelahan a kenikew?”

Nengeulaula 5:39

Iyan, ke ziyà ebpuun te Megbevayà, ne kenè tew egkezaag. Ne kenà dutun dà taman su egkekuntada tew is Megbevayà!” ke si Gemelil. Ne zutun mibpezumdumahan haazà te menge punuan is sambag ni Gemelil,

Lucas 23:22

Ne migkag̵i si Pilatu te iketelu, ke sikandin te, “Maan? Duen be mezaat he mid-ulaula zin? Wazè ku man egkeahà he salà he zait he idhimetayi kandin. Ibpevug̵el ku zà ne ibpeg̵awas ku en.”

Lucas 23:4

Ne zutun migkag̵i si Pilatu ziyà te menge punuan he memumuhat wey menge etew te, “Wazà netuenan ku he engayan he idsiluti kayi te etew,” ke sikandin.

Lucas 5:30

Ne zuen menge Perisiyu wey menge menunudlù te kesug̵uan he nekeahà kayi te menge etew. Ne migkeg̵iyan dan is menge sumusundan ni Jesus te, “Maan is egkaan kew wey ed-inum kew zuma te menge limbungan he menunukut te vuhis wey te menge mesinupaken?”

Nengeulaula 22:6

Ne zutun te uvey e en diyà te Demasku, neudtu is andew ne netekewtekew a enlag̵i te utew merayag he ebpuun te langit.