Nengeulaula 22:3 - Manobo Western Bukidnon

³ “Hudiyu e man; diyà a ianak te prubinsya he Silisya, diyà te inged he Tarsu asal kayi a medekelà te Hiruselim su mibpenurù a ni Gemelil. Impenurù kediey is kebpurungi kedtumana te kesug̵uan he nesunud te g̵in-epuan tew. Utew meheg̵et dutun is kedtumana ku te kunaan ku he ibpetuman kedì te Megbevayà su iring a keniyu g̵untaan.

Nengeulaula 22:3 Referans Kwoze

Nengeulaula 26:5

Netuenan dan wey igkevenari zan emun egkezawat te g̵ehinawa zan he puun pa te menguhed e pa, Perisiyu e en. Ne emun Perisiyu, utew meheg̵et is kedtumana zin te tuluuwen tew te menge Hudiyu.

Nengeulaula 9:11

Ne migkag̵i is Nengazen te, “Hendiyè ka te kersada he egngezanan te Metandang. Ne ziyà te valey ni Hudas, iinsè nu is etew he tigTarsu he egngezanan ki Seulu. Kemulu en ed-ampù.

Nengeulaula 5:34

Iyan, duen duma zan he egngezanan ki Gemelil. Perisiyu sikandin he menunudlù te kesug̵uan wey telehuzen te langun he menge etew. Ne midhitindeg heini ne insug̵ù din he ed-uwiten dè pa ziyà te g̵awas haazà is menge epustul. Ne hein diyè dan en te g̵awas,

Nengeulaula 21:39

Ne midtavak si Pablo te, “Hudiyu a he sakup te zekelà he inged diyà te prubinsya he Silisya su ziyà a ianak te Tarsu. Edhengyuen ku kenikew he tug̵uti a he melelag̵i ku is menge etew.”

Nengeulaula 21:20

Ne hein nezineg dan haazà is tudtul ni Pablo, nemekezalig dan te Megbevayà. Ne migkeg̵iyan dan si Pablo te, “Netuenan nu, Suled, he utew zaan mezakel is menge zuma tew he Hudiyu he nemeketuu en ki Jesus, ne mibpurungan dan tumana is imbilinbilin kenitew he kesug̵uan.

2 Kurintu 11:22

Haazà he menge etew, egkeg̵iyen dan he menge pinilì sikandan te Megbevayà su menge Hudiyu zan, menge kevuwazan ni Israyil wey menge kevuwazan te kepuun ni Israyil he si Abraham. Ne siak daan, Hudiyu a he kevuwazan daan ni Israyil wey ni Abraham.

Lucas 10:39

Ne zuen dutun hazi ni Marta he egngezanan ki Maria. Ne mibpinuu si Maria ziyà te uvey ni Jesus su ebpurung ebpemineg te menge penurù ni Jesus.

Ruma 11:1

Ne kenè tew ed-isipen he tenged te wazà medtuu is menge etew he kevuwazan ni Israyil, mid-engkezan en te Megbevayà is tivuuk he kehudiyuwan su siak, Hudiyu a zaan iring kandan; kepuun ku si Abraham su kevuwazan a he ebpuun duen te sevaha he kevuwazan din he si Benjamin.

Nengeulaula 23:6

Ne naahà ni Pablo he menge Sedusiyu is duma zutun te nengetig̵um he menge ebmeg̵urangen, ne is duma, ne menge Perisiyu. Ne tenged dutun, mibpekezag̵ing is egkag̵i te, “Menge suled, Perisiyu a ne Perisiyu zaan is ginikanan ku. Iyan ketezengan ke maan is mid-uwit e zan dini te keniyu g̵untaan is: edtuu a he keuzemà ebenhawen te Megbevayà is menge minatey.”

Nengeulaula 6:9

Ne zuen daan menge kuntada ni Esteban. Iyan is menge Hudiyu he ziyà edsimba te egngezanan te Simbahan te menge Uripen he Nengevelukasan. Is duma kandan ne menge tigSirini, tig-Elihendriya, tigSilisya, wey tig-Asya. Ne ebpekidlewanè dan ki Esteban.

Gelasya 1:21

Ne zutun mibeyaan ku is prubinsya he Sirya wey Silisya.

Gelasya 1:14

Is menge zuma ku he menge Hudiyu he serenganè ku te penuig̵en, wazà nekerepeng kedì te kebenteyani ku te menge tuluuwen dey te menge Hudiyu. Ne wazà kandan kedì nekerepeng te kebenteyani te imbilinbilin he menge vetasan te g̵inepuan dey.

Nengeulaula 23:34

Ne mibasa zin haazà is surat ne in-insè din ki Pablo ke hendei sikandin he prubinsya mesakup. Ne hein midtavak si Pablo te, “Sakup a ziyà te prubinsya he Silisya,”

Nengeulaula 15:41

Ne mid-eneb dan is menge prubinsya he Sirya wey Silisya ne midheg̵etan dan is kedtuu te menge tumutuu.

Nengeulaula 15:23

Ne impeuwit dan kandan is surat he edhenduen te, “Sikami is menge suled niw he epustul wey ebmeg̵urangen te menge tumutuu he menge Hudiyu kayi, ebpengemusta key keniyu te langun he kenà menge Hudiyu he menge suled dey te kedtuu ziyan te inged he Entiyukya wey ziyan te menge prubinsya he Sirya wey Silisya.

Nengeulaula 11:25

Ne midhendiyà si Bernabe te Tarsu su ebpen-ahaan din si Seulu.

Nengeulaula 9:30

Ne hein netuenan haazà te menge zuma zin he tumutuu miduma zan si Seulu ziyà te inged he Sisarya ne zutun impeuntud dan te barku pehendiyà te inged he Tarsu.

Lucas 8:35

Ne is menge etew he nekezineg dutun te tudtul, ne nemenhendutun dan te ki Jesus su ed-ahaan dan. Ne neehè dan dutun kes neulian he ziyà mebpinuu te etuvangan ni Jesus he midsun-ud en te ugelingen, ne hustu en is ked-isip-isip din. Ne tenged dutun utew zan en nengeinuinu.

Lucas 2:46

Ne hein tetelu en he andew is kebpengehè dan, neehè dan sikandin diyà te simbahan he Valey te Megbevayà is ebpemekibitiyara te menge menunudlù te kesug̵uan. Ebpemineg te menge lalag dutun te menge menunudlù ne zuen daan menge insè din kandan.

Nengeulaula 9:1

Igkikinehendekè pa zutun si Seulu te menge sumusundan te Nengazen he si Jesus su ebpenhimetayan din sikandan.

Nengeulaula 26:9

Ne siak, kunaan ku zengan ke iyan ebpeveelan kedì te Megbevayà is ed-ul-ulahan ku is taman te egkehimu ku su wey maawà diyà te minsan hentei is kedtuu zan ki Jesus he tigNeserit.