Nengeulaula 20:2 - Manobo Western Bukidnon

² Ne mid-eneb din is menge inged dutun ne mibpurungan din weliyi is menge tumutuu zutun te kedheg̵eta zin te kedtuu zan. Ne zutun midlaus diyà te Gerisya.

Nengeulaula 20:2 Referans Kwoze

1 Tiselunika 4:1

Ne g̵untaan, menge suled, tenged te kegkesevaha tew te Nengazen tew he si Jesus, duen ebuyuen dey wey edhengyuen dey ziyan te keniyu. Impenurù dey keniyu is ed-ul-ulahan he egkesuatan te Megbevayà, ne mid-ulaula niw en. Iyan, edhengyuen dey keniyu he ipeiseg niw pa is ked-ul-ulaha niw kayi.

1 Tiselunika 2:3

Is kedwali zey ziyà te menge etew, ne kenà ebpuun te sayep wey te meremerik he tuyù. Kenè key edtarùtarù te minsan hentei.

Kulusas 1:28

Sikami, idsangyew zey si Kristu; edleg̵uyan dey is minsan hentei, wey ebpenurù key kandan ebpurung sumalà is egkehimu zey he ketau su wey meketuu is langun ki Kristu, ne wey sikandan keuzemà ikepeetuvang diyà te Megbevayà he wazà kurang te kedtuu zan.

1 Tiselunika 2:11

Netuenan niw he is mid-ulaula zey ziyà te kada sevaha keniyu, ne meupiya su iring te ed-ul-ulahan te amey ziyà te menge anak din.

Nengeulaula 20:11

Ne mibpemenahik maan si Pablo ne migkuwa te egkeenen ne migkaan. Ne neug̵et pa is kebpekidlalag din kandan, ne hein nepawà migenat.

Nengeulaula 17:10

Ne hein mezukilem en, impehipanew si Pablo wey si Silas te menge tumutuu pehendiyà te inged he Biriya. Ne hein nekeuma zan midhendiyè dan te simbahan te menge Hudiyu.

Nengeulaula 17:1

Diyè dan mekevayà te menge inged he Empipulis wey Epulunya ne nekeuma zan diyà te inged he Tiselunika. Ne zuen dutun simbahan te menge Hudiyu.

Nengeulaula 16:12

Ne midrenè key zutun ne mid-uzahik key ne nekeuma key ziyà te inged he Pilipus he ziyà te aney en he distritu te prubinsya he Mesidunya. Ne zutun te inged he Pilipus, ne mezakel is menge Rumanu he umuuliey. Ne nepipira key he andew zutun te inged he Pilipus.

Nengeulaula 15:41

Ne mid-eneb dan is menge prubinsya he Sirya wey Silisya ne midheg̵etan dan is kedtuu te menge tumutuu.

Nengeulaula 14:22

Ne impesavut dan te menge tumutuu zutun is ibmezesen te kedtuu zan. Migkag̵i zan kandan he kinahanglan he kenè dan engkezi is kedtuu zan ki Jesus. Ke sikandan te, “Sikita is tumutuu, wey ki zà egkehedii te Megbevayà ke egkeantus ta is mezakel he kemereg̵enan.”

Nengeulaula 2:40

Ne mezakel he menge ketezengan is insambag ni Pedro kandan, ke sikandin te, “Likayi niw is limas te Megbevayà kayi te menge etew g̵untaan he memezaat is ulaula.”

Lucas 3:18

Ne sevaha he andew zutun hein neketapus is langun he menge etew he ebpemebewtismu, mibpebewtismu zaan si Jesus diyà te ki Juan. Ne zutun mid-ampù si Jesus ne te kemulu pa sikandin ed-ampù nepuwasan is langit ne midlugtanà diyà te kandin is Wag̵as he Mulin-ulin he henduen te merepatik. Ne nezineg dutun is Megbevayà he egkag̵i ziyà te langit he ke sikandin te, “Minahal ku sikew he Anak ku. Utew ku en sikew igkelipey.” Utew pa mezakel is impenurù ni Juan dutun te menge etew su ibpesavut din kandan is Meupiya he Tudtulanen. Migkag̵i ni Juan diyà te menge etew he mezaat is ulaula ni Gubirnedur Hirudis su mid-ag̵ew zin is ipag din he si Hirudyas he esawa te hazi zin he si Felipe. Ne kenà iyan dà mezaat he ulaula ni Hirudis haazà is nekag̵i ni Juan su mezakel pa zutun is utew memezaat he vaal zin. Ne kenà dutun dà taman te memezaat he ulaula zin he mibeelan din, kekenà, impepirisu zin pa si Juan.

Nengeulaula 20:1

Ne si Pablo, hein mid-engked is menge etew he edsinamuk, midtig̵um din is menge sumusundan. Midweliyan din sikandan su wey meheg̵et is kedtuu zan ne impesavut din he edhipanew en sikandin. Ne migenat ne midlikù diyà te prubinsya he Mesidunya.

Nengeulaula 20:3

Ne zutun sikandin med-ubpà taman te tetelu he vulan. Ne zutun neisip din he ed-untud te barku su edhendiyà te Sirya, ne neisip daan dutun te menge Hudiyu he edekepen dan sikandin dutun te kegenat din, umba, nahalin is gehinawa zin su neisip din maan he edlikù diyà te imbayè din pehendiyà te Mesidunya.

1 Kurintu 4:19

Iyan, ke edtug̵ut is Nengazen tew, meg̵aan e en edhendiyan ne zutun ed-ahaan ku ke hendei taman is kebpegalbu zan su kela ke taman dà te menge lalag is kebpegalbu zan.