Nengeulaula 2:24 - Manobo Western Bukidnon

²⁴ Iyan, midlibri si Jesus te Megbevayà ne mibanhew zin su kenà egkehimu he egkevakus si Jesus te kemetayen.

Nengeulaula 2:24 Referans Kwoze

1 Kurintu 6:14

Su si Jesus, is Nengazen tew, ne mibanhew sikandin te Megbevayà ne ebenhawen kiw zaan keuzemà te Megbevayà pinaag̵i te zekelà he g̵ehem din.

1 Pedro 1:21

Pinaag̵i kandin neketuu kiw te Megbevayà. Mibanhew sikandin te Megbevayà ne midhimu zin sikandin he utew lavew. Ne tenged kayi iyan edserig̵an tew g̵untaan is Megbevayà ne ebpekeperateng kiw he edhimuwen kiw zin daan he utew lavew.

Kulusas 2:12

Ne tenged kayi inleveng kew zuma kandin dutun te kebewtismuwi keniyu, ne nevanhew kew zaan duma kandin su nekidsevaha kew kandin tenged te midtuuwan niw he mekeg̵eg̵ehem is Megbevayà. Iyan sikandin sikan is mibanhew ki Kristu.

Nengeulaula 2:32

Ne ke si Pedro te, “Iyan egkeg̵iyen din si Jesus he mibanhew te Megbevayà. Ne is langun te sikami, ebpeketistig̵us key he nevanhew su neehè en te menge mata zey.

Ipisu 1:20

he migamit te Megbevayà dutun te kebenhawa zin ki Kristu wey is kebpepinuuwa zin kandin diyà te egkekewanan din diyà te langit.

Juan 10:18

Wazà a teg̵ela te minsan hentei he etew su ebpehimatey a te kediey he g̵ustu. Kediey zà he ketenged is kebpehimatey ku, ne kediey zà daan he ketenged is kebenhawa kediey su insug̵ù heini kediey te Amey ku he Megbevayà.”

2 Kurintu 4:14

Su netuenan dey he is Megbevayà he mibanhew te Nengazen tew he si Jesus, ebenhawen key zin daan keuzemà tenged te kebpekidsevaha zey ki Jesus ne edtulusen key zin wey key meketampu keniyu ne egkehimu kiw pudu he menge zuma zin diyà te langit.

Ruma 8:11

Is Megbevayà, ne iyan mibanhew ki Jesu Kristu. Ne emun dini ed-ubpà te kenita is Wag̵as he Mulin-ulin he midsug̵ù din, ne ebenhawen ki zin daan pinaag̵i te Mulin-ulin he zini ed-ubpà te kenita.

Ruma 6:4

Su pinaag̵i te kebewtismuwi kenita tenged te elili ta si Jesus, nehimu he iring te iyan ki minatey wey inleveng duma kandin. Ne nehimu heini su wey meveg̵ayi ki te veg̵u he untung iring te mibanhew si Kristu pinaag̵i te g̵ehem te Amey tew he Megbevayà.

Hibriyuhanen 13:20

Is Megbevayà, mibanhew zin is Nengazen tew he si Jesus. Midtig̵is is lengesa zin he iyan tuus te veg̵u wey wazà pidtemanan he paag̵i te kebpekidsevaha tew te Megbevayà. Ne tenged dutun nehimu si Jesus he mekeg̵eg̵ehem he ed-elima kenitew te menge kerehidu zin.

1 Tiselunika 1:10

Su edteg̵azan niw kun is kedlikù te Anak din he ebpuun te langit. Iyan si Jesus he Anak te Megbevayà he mibanhew zin. Iyan si Jesus he midlibri kenitew te silut wey kiw mekeliyu te ebpekeuma he kedlimasa te Megbevayà te menusiyà.

Ruma 10:9

Ne emun edtudtulen niw ziyà te zuma he iyan en Nengazen si Jesus, ne emun hustu is kedtuuwi niw he mibanhew sikandin te Megbevayà, egkelibri kew te silut te Megbevayà.

Ruma 4:24

kekenà, tenged daan kenitew wey tew mesavut he ragkes kiw zaan dutun. Sikitew, ed-isipen kiw zaan te Megbevayà he metazeng emun edtuuwan tew sikandin. Iyan sikandin sikan is mibanhew ki Jesus he Nengazen tew.

Nengeulaula 17:31

Midtendek din en is andew keuzemà he zutun ed-imbistigahan din is tivuuk he menusiyà, ne metazeng daan is ked-imbistiga zin pinaag̵i te etew he mibpilì din. Impeehè din he tutuu heini is ebeelan din su haazà is etew, minatey ne mibanhew te Megbevayà!”

Nengeulaula 13:30

Ne mibanhew sikandin te Megbevayà.

Nengeulaula 3:15

Ne sikan is puunà te untung he wazà pidtemanan, midhimetayan niw, iyan, mibanhew sikandin te Megbevayà. Ebpeketistig̵us key he nevanhew en si Jesus su neehè dey.

Gelasya 1:1

Siak si Pablo is midsurat kayi. Ibpeuwit ku heini ziyan te keniyu te langun he menge tumutuu ziyan te menge inged te tivuuk he prubinsya he Gelasya. Siak wey is langun he menge tumutuu he menge zuma ku zini, ebpengemusta keniyu. Epustul a, iyan, wazà a g̵erari he epustul te etew zà duen, ne kenà daan pinaag̵i te etew zà duen is kedsug̵ua kedì, kekenà, migeraran a he epustul ni Jesu Kristu wey te Amey tew he Megbevayà he mibanhew ki Jesus, ne iyan sikandan midsug̵ù kedì.

Nengeulaula 3:26

Umba,” ke si Pedro, “hein midsug̵ù te Megbevayà is sulug̵uen din he si Jesus, impehuna zin ipehendini te kenitew te menge Hudiyu su wey kiw zin metevangi pinaag̵i te kebpeengkezi zin kenitew te memezaat he ulaula tew.”

1 Kurintu 15:15

Ne kenà duen dà taman su emun iyan haazà, ne egkehimu key he menge teruen he sulug̵uen te Megbevayà su impenurù dey he is Megbevayà, mibanhew zin si Kristu, iyan, emun tutuu he kenè din ebenhawen is menge minatey, wazè din en benhawa si Kristu.

Nengeulaula 13:37

Iyan, si Jesus mulà, he mibanhew te Megbevayà, ne wazà mulà meredak is lawa zin.

Nengeulaula 4:10

ne sikiyu wey is langun he menge zuma ku he kevuwazan ni Israyil, kinahanglan he sevuta niw heini. Su heini is etew he zini te etuvangan niw, neulian sikandin pinaag̵i te g̵ehem te ngazan ni Jesu Kristu he tigNeserit. Heini si Jesus, inransang niw te krus ne minatey, iyan, mibanhew te Megbevayà.

Impezayag 1:18

Iyan a kes Megbevayà he wazè din kemetayen. Mibpehimatey a ne g̵untaan kenà ad maan ebpatey te minsan keenu. Iyan a ebayàbayà te menge minatey, ne zuen ku zaan keg̵ehem diyà te Iveyaan.

1 Kurintu 15:12

Ne iyan impenurù dey keniyu is: nevanhew si Kristu. Ne tenged kayi, maan is egkeg̵iyen te zuma keniyu he kenà egkengevanhew keuzemà is menge minatey?

Ruma 14:9

Su umba mibpehimatey si Kristu wey nevanhew sikandin su wey mekevayàbayà sikandin te menge tumutuu kandin he uuyag pa wey minatey en.

Ruma 8:34

Ne wazà daan ebpekekag̵i he zait ki he edsilutan su edtevangan ki ni Jesu Kristu. Minatey sikandin he elili kenita ne kenà duen dà taman, su nevanhew en daan. Ne g̵untaan utew sikandin lavew su ziyà sikandin ebpinuu te zapit te egkekewanan te Megbevayà ne edtevangan ki zin diyà te etuvangan te Megbevayà.

Juan 12:39

Ne migkag̵i zaan si Esaias te, “Is Megbevayà, midhimu zin sikandan he lakap wey kenè dan mekeahà. Midhimu zin daan he mezesen is gehinawa zan wey zan kenà meketuu su kela ke ed-iniyug̵an dan is mezaat he ulaula ne ebpetavang dan kandin.” Umba wazè dan dutun meketuu ki Jesus.

Hibriyuhanen 2:14

Ne sikitew is menge anak te Megbevayà, menge etew kiw zà duen he zuen din kemetayen. Ne tenged kayi mibpeetew zaan si Jesus wey mehimu sikandin he iring tew. Umba mid-ulaula zin heini su wey mehimu he ebpehimatey sikandin ne wey pinaag̵i te kebpatey zin mezaag din si Setanas he iyan mibayàbayà te kemetayen,

Mateo 27:63

Ne ke sikandan diyà te kandin te, “Datù, netenuzan dey he migkag̵i zuen te teruen he etew hein uuyag pa, he emun ebpatey, egkevanhew zed seled te tetelu he andew.

Juan 10:35

Ne ke si Jesus te, “Kenà egkehimu he edhelinen is insurat he Lalag te Megbevayà. Umba, ke migngezanan din te menge megbevayà is menge kepuun tew zengan he mibeg̵ayan te lalag din,

Nengeulaula 1:16

“Menge suled, kenà egkehimu he kenà egketuman kes netagnà he insurat he Lalag te Megbevayà. Dengan mid-ulinan si David te Wag̵as he Mulin-ulin ne netagnè din si Hudas kes mibpalad ki Jesus diyà te edakep kandin.

Nengeulaula 5:30

Mibunù niw si Jesus su inransang niw te krus, iyan, is Megbevayà he edsimbahan te menge kepuun tew, mibanhew zin si Jesus.

1 Kurintu 15:4

Impesavut ku zaan he inleveng sikandin ne seled te tetelu he andew zutun nevanhew sikandin. Impesavut daan heini zengan te insurat he Lalag te Megbevayà.

1 Kurintu 15:20

Iyan, tutuu is egkeg̵iyen ku he nevanhew iyan si Kristu. Ne tenged kayi egketuenan tew he tutuu iyan he egkengevanhew zaan keuzemà is menge minatey su nehuna man mevanhew si Kristu.