Nengeulaula 19:6 - Manobo Western Bukidnon

⁶ Ne zutun mibpendepenetan ni Pablo te velad din is menge purù dan, ne mid-ulinan sikandan te Wag̵as he Mulin-ulin ne netekewtekew zan mekekag̵i te menge kineg̵iyan he kenè dan egkesavut. Ne midtudtul zan is impesavut kandan te Megbevayà.

Nengeulaula 19:6 Referans Kwoze

Nengeulaula 6:6

Ne impeetuvang dan diyà te menge epustul haazà is nengepilì dan ne in-ampù sikandan te menge epustul ne midepenetan sikandan dutun te menge epustul su iyan haazà paag̵i te kebeg̵ayi kandan te keg̵ehem.

Nengeulaula 2:4

Ne mibpurungan ulini te Wag̵as he Mulin-ulin is kada sevaha kandan, ne netekewtekew zan pintezi te menge kineg̵iyan he kenè dan egketuenan sumalà is gehem he imbeg̵ey kandan te Wag̵as he Mulin-ulin.

1 Timoteo 5:22

Kinahanglan he kenè nu zegdeg̵usuwi is kebpilì nu te ed-uwit te menge tumutuu su ke ebpekesalà sikandin iyan ka egkevesulan. Ne kinahanglan he wazà igkevesuli kenikew he iring kayi.

Marcos 16:17

Ne sikan is etew he edtuu kediey, duen menge singyal he egkehimu zan. Pinaag̵i te keg̵ehem te ngazan ku igkepeg̵uwè dan is menge mezaat he mulin-ulin he ebpenlalung te menge etew. Ne ebpekekag̵i sikandan te kineg̵iyan he kenè dan egketuenan.

2 Timoteo 1:6

Ne tenged dutun kenè nu lipati he kinahanglan he g̵emita nu is ketau nu he imbeg̵ey zengan kenikew te Megbevayà dutun te kedlilai ku kenikew pinaag̵i te kedempaa ku te purù nu.

Nengeulaula 9:17

Ne zutun migenat si Eneniyas ne midhendutun te valey ne hein nekeseled midepenetan din si Seulu te egkag̵i te, “Sikew Seulu, is suled ku, midsug̵ù a zini te Nengazen he si Jesus he mibpaahà kenikew ziyà te imbayè nu. Impehendini e zin su wey mepuwasi en is ked-ehè nu, wey ka meulini te Wag̵as he Mulin-ulin.”

Nengeulaula 19:7

Menge sepulù dan wey zezuwa he menge maama.