Nengeulaula 16:6 - Manobo Western Bukidnon

⁶ Ne ziyè dan mekevayà te menge inged he ziyà te Perigya wey Gelasya su wazà sikandan tug̵uti te Wag̵as he Mulin-ulin he ibpesavut dan is Lalag te Megbevayà diyà te prubinsya he Asya.

Nengeulaula 16:6 Referans Kwoze

Nengeulaula 18:23

Ne hein malù sikandin neug̵et dutun ne midlaus en maan. Mid-eneb din is menge prubinsya he Perigya wey Gelasya ne midheg̵etan din is kedtuu te menge sumusundan ni Jesus dutun.

Nengeulaula 16:7

Ne hein nekeuma zan diyà te netemanan te prubinsya he Misya, edlaus dan pezem diyà te prubinsya he Bitinya, iyan, wazà daan itug̵ut kandan te Wag̵as he Mulin-ulin he ebpuun diyà te ki Jesus.

Nengeulaula 11:12

Ne migkeg̵iyan a te Wag̵as he Mulin-ulin he ibpezume e zin dutun te menge etew ne kenà a melenew te keduma kandan. Heini zaan is heenem he tumutuu he menge zuma tew he Hudiyu is miduma kedì diyà te Sisarya. Ne midseled key ziyà te valey ni Cornelio.

1 Pedro 1:1

Iyan a si Pedro is teg̵isurat kayi. Epustul a ni Jesu Kristu, he ke và dà egkeg̵iya, sug̵ù din. Ebpesuratan ku sikiyu is nengaaram te Megbevayà he nemekedsuwey ziyà te g̵awas te inged niw. Is duma keniyu, ne ziyà mekepelag̵uy te prubinsya he Puntu, is duma, ne ziyà te menge prubinsya he Gelasya wey Kepedusya, wey Asya, wey Bitinya.

2 Timoteo 4:10

su mid-ewaan a ni Dimas tenged te iyan egkenug̵unan din is untung din dini te kelibutan. Midhendiyà sikandin te Tiselunika. Ne si Krisinti, midhendiyà te Gelasya, ne si Tito zaan, midhendiyà te Delmasya.

Gelasya 3:1

Sikiyu is menge tigGelasya, henduen be te kenè kew metau he ed-isip-isip! Utew a egkeinuinu keniyu! Maan is ebpemineg̵en niw is menge etew he ebpetuman keniyu te kesug̵uan he imbilinbilin ni Moises? Utew keladu is kebpenurua ku keniyu te nehimu ni Jesu Kristu kenitew pinaag̵i te kebpatey zin diyà te krus.

Nengeulaula 19:10

Ne seled te zezuwa he tuig iyan haazà mid-ulaula zan, ne insangyew is Lalag te Nengazen diyà te langun he menge Hudiyu wey se kenà Hudiyu he menge meg̵inged dutun te prubinsya he Asya.

Impezayag 1:11

ne ke sikandin te, “Is egkeehè nu, isurat nu ne ibpeuwit nu ziyà te pitu he menge gurupu te menge tumutuu he ziyà te menge inged he Ipisu, Ismirna, Pirgemu, Tiyetira, Sardis, Piledilpya, wey ziyà daan te inged he Leudisiya.”

Impezayag 1:4

Siak si Juan, ne ebpesuratan ku is pitu he gurupu te menge tumutuu he ziyà te prubinsya he Asya. Ibpengumew-umew ku he ikeg̵ag̵ew kew te Megbevayà, wey te Wag̵as he Mulin-ulin, wey ni Jesu Kristu, ne iveg̵ey zan daan keniyu is melinawen he kebpekesavuk. Is Megbevayà, daan en sikandin te wazè pa limbag̵a is minsan hengkey; kemulu pa sikandin guntaan wey kenà sikandin egkehanew te wazà pidtemanan. Is Wag̵as he Mulin-ulin he ziyà ed-ubpà te etuvangan te pinuuwà te Megbevayà, ne pitu is gehem din. Si Jesu Kristu, iyan egkeserig̵an is lalag din. Iyan sikandin kes nehuna he zuen din beg̵u en he untung pinaag̵i te kegkevenhawa kandin. Iyan sikandin ebayàbayà te menge hadì dini te kelibutan. Dekelà is gehinawa zin kenitew. Midlibri kiw zin te silut te menge salè tew pinaag̵i te kebpaag̵as din te lengesa zin.

Hibriyuhanen 11:8

Ne si Abraham daan, duen kandin he kedtuu. Su neketuu sikandin te Lalag te Megbevayà he ewai zin is inged din ne medhendiyà te selakew en he tanà he impenaad te Megbevayà he ibeg̵ey ziyà te kandin wey ziyà te menge kevuwazan din. Ne zutun mid-ewaan din is kandin he inged minsan pa te wazè din hanew zutun te tanà he impenaad kandin.

2 Timoteo 1:15

Netuenan nu en he is langun he menge tumutuu zini he ebpuun te prubinsya he Asya, wazè e zan tevangi. Elin dutun si Pihilu wey si Hirmuhinis.

2 Kurintu 1:8

Su egkesuatan dey, menge suled, he metueni niw is dekelà he samuk dey hein diyè key te prubinsya he Asya. Utew merasey is penggezam kenami he kenè dey pezem egkeantus umba kunaan dey ke ibpatey zey.

1 Kurintu 16:1

Ne zuen pa id-sug̵ù ku keniyu mehitenged te ked-emutè niw te selapì he idtavang niw te egkengeayuayu he menge zuma tew he tumutuu. Insug̵ù ku en daan heini te menge zuma tew ziyà te prubinsya he Gelasya.

1 Kurintu 12:11

Ne is langun kayi he menge ketau, ne ziyà ebpuun te Wag̵as he Mulin-ulin, minsan pa kayi te wazà med-iring-iring he ketau he ibeg̵ey zin sumalà is gustu zin he ibeg̵ey ziyà te kada sevaha.

Nengeulaula 20:28

Bentayi niw is ulaula niw wey ventayi niw zaan is langun he tumutuu he insarig keniyu te Wag̵as he Mulin-ulin; kinahanglan he iyan kew edlig-en te kedtuu te menge tumutuu te Megbevayà. Nehimu kiw zin he sakup pinaag̵i te kebpehimatey te anak din.

Nengeulaula 20:4

Ne zuen tigBiriya, si Supatir he anak ni Piru he nekezuma kandin. Elin daan miduma si Eristarku wey si Sigundu he menge tigTiselunika, si Gayu he tigDirbi, wey si Timoteo, si Tikiku wey si Trupimu he menge tig-Asya.

Nengeulaula 10:19

Ne si Pedro zutun, kemulu zin pa ed-isipa ke hengkey is ibpesavut te neehè din. Ne zutun migkeg̵iyan sikandin te Wag̵as he Mulin-ulin te, “Duen tetelu he etew he ebpen-ahà kenikew.

Lucas 1:2

Insurat dan is neg̵ug̵ud kenami te menge etew he iyan nekeahà kayi te menge vaal wey iyan midsangyew te Lalag te Megbevayà.

Nengeulaula 6:9

Ne zuen daan menge kuntada ni Esteban. Iyan is menge Hudiyu he ziyà edsimba te egngezanan te Simbahan te menge Uripen he Nengevelukasan. Is duma kandan ne menge tigSirini, tig-Elihendriya, tigSilisya, wey tig-Asya. Ne ebpekidlewanè dan ki Esteban.

Nengeulaula 8:29

Ne zutun migkeg̵iyan si Felipe te Wag̵as he Mulin-ulin te, “Hendiyè ka ne uvayi nu heeyan is kelisa.”

Nengeulaula 21:27

Ne hein ikepitu en he andew, duen menge Hudiyu he tig-Asya he nekeahà ki Pablo ziyà te Valey te Megbevayà. Ne mibpetavang dan te utew mezakel he menge etew zutun te simbahan su wey zan mezakep si Pablo.

Ruma 16:5

Ipengemusta a zaan te menge tumutuu he ziyà dà edtig̵umtig̵um te valey zan te ked-azap dan te Megbevayà. Ipengemusta a zaan ki Ipinitu he utew ku emig̵u. Nehuna sikandin he maama he neketuu ki Kristu ziyà te prubinsya he Asya.

1 Kurintu 16:19

Ebpengemusta keniyu is langun he menge tumutuu te langun he menge inged dini te prubinsya he Asya. Utew zaan meheg̵et is kebpengemustaha keniyu ni Ekilu wey si Priscila wey elin daan is menge tumutuu he edtig̵um diyà te valey zan dini te Ipisu.