Nengeulaula 16:36 - Manobo Western Bukidnon

³⁶ Ne zutun midtudtul haazà ki Pablo te ebantey te pirisuwan. Ke sikandin te, “Insug̵ù te menge upisyal he Rumanu he ibpaawà kew en ki Silas. Ne ebpekeawà kew en kun asal kinahanglan he wazà samuk.”

Nengeulaula 16:36 Referans Kwoze

Nengeulaula 15:33

Ne haazà is menge tigHiruselim, hein nepipira he andew is kebpekeuma zan dutun, mid-ulì dan diyà te midsug̵ù kandan. Impenulud sikandan te menge tumutuu zutun he egkag̵i te, “Berakat he meupiya is hipanew niw.”

Juan 14:27

Edteg̵akan ku is isip niw te kelinew. Is kelinew he zini te isip ku, iyan idtag̵ak ku keniyu. Is menge etew zini te kelibutan he kenà edtuu, kenè dan ebpekeveg̵ey keniyu te kelinew he iring kayi. Ne kinhanglan he kenà mebmesakit is gehinawa niw ne kenè kew zaan mahandek.

Nengeulaula 16:27

Ne zutun nepukew sikan is ebantey zutun te pirisuwan. Ne hein neehè din he nengepuwas is menge lekeb te pirisuwan, kunaan din ke nemekepelag̵uy is menge pirisu ne midhulavut din is sundang din. Edsundangen din en pezem is lawa zin su edhiket.

Marcos 5:34

Ne zutun, migkag̵i si Jesus te, “Bayi, umba neulian ka te zaru nu su midsarig ka kedì. Ulì ke en ne mebmelinawen is kebpekesavuk nu ne kenè ke en maan mezeruwi.”

Nengeulaula 16:23

Ne hein nepurung en mevug̵el si Pablo wey si Silas, mibpirisu sikandan. Sikan is ebantey zutun te pirisuwan, midteleenan dan he purungi zin bentayi haazà is dezuwa.

Nengeulaula 16:35

Ne hein nepawà dutun, midsug̵ù te menge upisyal he menge Rumanu is menge pulis. Ke sikandan te, “Ipaawè niw en heeyan he menge etew.”