Nengeulaula 16:17 - Manobo Western Bukidnon

¹⁷ Ne miduma kenami ki Pablo haazà is bahi he ebpengulahì te, “Heini is menge etew, menge sulug̵uen sikandan te lavew he Megbevayà. Ibpesavut dan keniyu is paag̵i wey kew melibri te idsilut din.”

Nengeulaula 16:17 Referans Kwoze

Juan 14:6

Ne midtavak si Jesus te, “Iyan a sikan is ibayà; iyan a kes tutuu he edtuuwan; iyan a kes ebpuunan te untung he wazà pidtemanan. Wazà ebpekehendiyà te ed-ubpaan te Amey ku emun kenà a iyan ibayè din.

1 Pedro 2:16

Ne g̵eina te nelibri kiw en te Megbevayà, egkehimu he iyan kiw en ebayàbayà te ed-ul-ulahan tew, iyan, kinahanglan he kenè tew edhimuwen is kelibriyanan tew he pesangil wey kiw mekeulaula te mezaat. Su minsan pa te nelibri kiw en, kinahanglan he menge sulug̵uen kiw g̵ihapun te Megbevayà.

Marcos 5:7

Ne si Jesus, migkeg̵iyan din haazà is mezaat he mulin-ulin te, “Awè ka keniyan te etew!” Ne zutun nengulahì haazà is etew he ke sikandin diyà te ki Jesus te, “Ey! Sikew is anak te utew lavew he Megbevayà, ebmenuwen a kenikew? Edhengyuen ku kenikew he peserig̵a a kenikew he kenè e pa kenikew siluti su kayi ki te etuvangan te Megbevayà!”

Lucas 4:41

Ne minsan sikan is menge mezaat he mulin-ulin, impemaawè din dutun te menge etew he edlelungen dan. Nemekekulahì haazà is menge mezaat he mulin-ulin he egkag̵i te, “Iyan ka iyan sikan is Anak te Megbevayà!” Iyan, impeengked sikandan ni Jesus su wazè din itug̵ut he zuen egkeg̵iyen dan su netuenan dan he iyan sikandin kes mibpilì te Megbevayà he hadì.

Lucas 4:34

“Sikew, Jesus he tigNeserit, hengkey is lavet nu kenami te menge mezaat he mulin-ulin? Kela ke iyan inhendini nu is edezeetan key kenikew. Egkekilala ku sikew; iyan ka sikan is hadì he mibpilì te Megbevayà!”

Lucas 1:79

Henduen be te ziyè kiw ed-ubpà te utew merusirem su utew kiw egkengehandek te silut he iyan is wazè din ketepusan he kemetayen; iyan, emun ebpekeuma is Nengazen tew edteyawan kiw zin te g̵ag̵ew zin. Ne ibpeehè din kenitew is paag̵i wey ebmelinawen is ked-ubpè tew,” ke si Zacarias.

Nengeulaula 19:13

Ne zuen menge Hudiyu he ebpenhipanew su ebewian dan is menge etew he edlelungen te mezaat he mulin-ulin. Ne neisip dan is egezaman dan ebewii is edlelungen te mezaat he mulin-ulin he egemiten dan is ngazan ni Jesus. Ne migkeg̵iyan dan is mezaat he mulin-ulin te, “Pinaag̵i te g̵ehem te ngazan ni Jesus he idsangyew ni Pablo, ewai nu en heeyan he etew.”

Nengeulaula 18:26

Ne zutun, layun ebpenurù si Epulus diyà te simbahan te menge Hudiyu, ne kenè din igkelenew is kebpenurù. Ne si Ekilu wey si Priscila, hein nezineg dan is kebpenurù din, miduma zan sikandin diyà te valey zan ne impurung dan kandin ipenurù is menge Lalag te Megbevayà he wazè din pa metueni.

Lucas 20:21

Ne haazà is menge etew he ibpepeniid ki Jesus, migkag̵i zan diyà te kandin te, “He Zatù, netuenan dey he wazè nu ibpelavi he minsan hentei he etew ne tutuu is egkeg̵iyen nu wey hustu is kebpenurù nu te ebpeveelan kenitew te Megbevayà.

Lucas 1:77

Ibpesavut nu kandan he egkeveg̵ayan sikandan te untung he wazà pidtemanan emun ebuyù dan te pesaylu ziyà te Megbevayà.

Marcos 12:14

Ne hein nekeuma haazà is menge sug̵ù, migkag̵i zan diyà te ki Jesus te, “Menunudlù, netuenan dey he metazeng ka he etew. Is lalag te menge etew, kenà ebpekehalin te ibpenurù nu tenged te wazè nu ibpelavi he minsan hentei, kekenà, tutuu is ibpenurù nu he ibpeveelan kenitew te Megbevayà. Umba, keg̵iyi key kenikew, ebpekesupak ki ve te kesug̵uan tew ke ebayad ki te vuhis diyà te hadì tew he ziyà te inged he Ruma?”

Marcos 1:24

Ne hein neehè din si Jesus, mibensag sikandin is egkag̵i te, “Sikew, Jesus he tigNeserit, hengkey is lavet nu kenami te menge mulin-ulin? Kela ke iyan inhendini nu is edezeetan key kenikew. Egkekilala ku sikew; iyan ka kes hadì he mibpilì te Megbevayà!”

Mateo 22:16

Ne midsug̵ù dan diyà te ki Jesus is menge sumusundan dan wey menge sakup te upakat he midtukud ni Hirudis. Ne haazà is midsug̵ù dan, migkag̵i ziyà te ki Jesus te, “Menunudlù, netuenan dey he metazeng ka he etew; su ibpenurù nu is tutuu he ebpeveelan kenitew te Megbevayà, ne is lalag te menge etew, kenà ebpekehalin te ibpenurù nu tenged te wazè nu ibpelavi he minsan hentei.

Mateo 8:29

Ne mibensag̵an dan si Jesus, ke sikandan te, “Sikew is Anak te Megbevayà, edsilutan key ve kenikew te wazè pa meuma is midtelaan he timpu?”

2 Pedro 2:2

Ne minsan pa zutun mezakel is edsunud te meremerik he menge ulaula zan, ne pinaag̵i zutun egkesawey kiw is edsunud te tutuu he tuluuwen su kunaan te menge etew ke zuma tew sikandan.