Nengeulaula 16:15 - Manobo Western Bukidnon

¹⁵ Mibpebewtismu sikandin wey is menge emurè din dutun te valey zin. Ne migkeg̵iyan key zin te, “Emun ed-isipen a keniyu he tutuu is kedtuu ku te Nengazen, diyè kew pemenahik te valey ku.” Ne wazè din mehimuwa zutun he wazè key mekezuma kandin.

Nengeulaula 16:15 Referans Kwoze

Nengeulaula 11:14

Sikew wey is pemilya nu, ibpesavut din keniyu is paag̵i he iyan igkelibri niw te silut te Megbevayà keniyu.’ Iyan heini tudtul ni Cornelio,” ke si Pedro.

Hibriyuhanen 13:2

Kenè niw lipati he kinahanglan he ibpeehè niw is gag̵ew niw ziyà te menge etew he kenè niw kilala. Gelg̵elawa niw ziyà te valey niw su zuen dengan menge etew he zuen menge meg̵eliyug dan, iyan, wazè dan metueni he menge velinsug̵uen bes haazà te Megbevayà he ebpuun diyà te langit.

Nengeulaula 16:33

Ne zutun te metaneb pa is kezukileman, migkuwa si Pablo wey si Silas dutun te ebantey te pirisuwan, ne mibpenlùluan din is menge palì dan ne zutun mibewtismuwan dan sikandin wey is tivuuk he pemilya zin.

Lucas 24:29

iyan, migkeg̵iyan dan sikandin te, “Kenè ke pa laus, ne zini ka hulavung su mahapun en utew.” Ne iyan dà haazà, ne mibpekiduma si Jesus kandan.

3 Juan 1:8

Ne tenged dutun kinahanglan he iyan ki is tumutuu ebeg̵ey ziyà te kandan su wey ki meketavang dutun te kedsengyawa zan te tutuu he tuluuwen.

3 Juan 1:5

Minahal ku he suled, utew ka velig̵eg̵awen su mibpurungan nu is menge suled tew he midtuluy ziyan minsan te sikan nu pa sikandan mekilala.

1 Pedro 5:12

Mid-ug̵upan a ni Silvanu te edsurat kayi. Suled tew sikandin he utew egkeserig̵i. Iyan insurati ku keniyu kayi su wey ku meheg̵et is kedtuu niw. Ibpesavut ku keniyu he impenurù ku en keniyu he tutuu is gag̵ew te Megbevayà keniyu. Ne kenè niw heini lipati.

Pilimun 1:17

Ne emun ed-isipen a kenikew he timbang nu, ig̵alewg̵alew nu si Unisimu iring te kegelg̵elawa nu kediey.

Pilipus 1:7

Hustu iyan is ked-isipa ku keniyu te iring kayi su minsan ke pinirisu a wey ke kenà a pinirisu wey ke edsangyew a te Meupiya he Tudtulanen wey ke edtevaken ku is menge kuntada te Lalag te Megbevayà, mahal kew layun dini te g̵ehinawa ku su pudu kiw ingkeg̵ag̵ew te Megbevayà.

Ipisu 1:1

Iyan a si Pablo is teg̵isurat kayi. Nehimu a he epustul ni Jesu Kristu, he ke và dà egkeg̵iya, midsug̵ù e zin, tenged te iyan egkesuatan te Megbevayà. Ibpeuwit ku heini is surat diyan te inged he Ipisu, diyan te keniyu te menge tumutuu he menge metinumanen te menge sug̵ù ni Jesu Kristu.

Gelasya 6:10

Ebpurungan ta layun is minsan hentei he etew, lavew en is menge zuma ta he tumutuu ki Kristu.

2 Kurintu 12:11

Henduen a te tulebung he etew su edantal a, iyan, neteg̵el a keniyu su iyan kew pezem ebeg̵ey te menge ketezengan ku he idtavak keniyan te menge uvag kun epustul ni Kristu. Ne minsan pa te wazà kediey he ketau wazà a g̵ihapun melevawi kayi te uvag menge utew lavew he kenà tutuu he epustul ni Kristu.

2 Kurintu 5:14

Ne umba edhag̵ù key su netuenan dey he mahal key ziyà te g̵ehinawa ni Kristu. Netuenan dey he midhimetayan sikandin is sebsevaha he elili te tivuuk he menusiyà ne tenged kayi henduen be te pudu en nekeag̵i te kemetayen is tivuuk he menusiyà.

Ruma 16:23

Ebpengemusta zaan keniyu si Gayu. Siak si Pablo, kayi a ed-ubpà te valey zin ne zini edsimba is menge tumutuu kayi te inged. Is Trisuriru kayi te inged he si Irastu wey is suled tew te kedtuu he si Kuwartu, ebpengemusta zan keniyu.

2 Juan 1:10

Ke zuen ebpekeuma he minsan hentei he ebpenurù te tuluuwen ne kenè din iyan ibpenurù is tutuu he tuluuwen he impenurù ni Kristu, kenè niw ipepemenahik diyan te valey niw. Kenè niw zaan igalewg̵alew sikandin.

Nengeulaula 18:8

Ne si Crispo, is egalen dutun te simbahan, neketuu te Nengazen ne neketuu zaan is pemilya zin. Ne zutun mezakel is menge tigKurintu, hein nezineg dan is Lalag te Megbevayà, neketuu zan ne mibpemebewtismu sikandan.

Nengeulaula 8:38

Ne impeteren din haazà is kelisa ne mibpenaug dan is dezuwa, si Felipe wey haazà is upisyal, ne midhendutun dan te wahig ne mibewtismuwan sikandin ni Felipe.

Nengeulaula 8:12

Ne hein impesavut ni Felipe is Meupiya he Tudtulanen te kedhadì te Megbevayà wey is gehem te ngazan ni Jesu Kristu, neketuu zan ne sikandan is menge vahi wey menge maama, mibpebewtismu zan, ne minsan si Simon, kes selemengkiru, neketuu zutun.

Lucas 14:23

Ne midtavak haazà is egalen din te, ‘Hendiyè ka te menge unayan wey vuntud ne ikula nu is menge zalan dutun ne teg̵ela nu is menge etew zutun he medtelavuk dan kayi te keemuran ku su wey mepurung meenget te menge etew heini is baley ku.

Mateo 10:41

Ke zuen etew he edawat te ebpeneuven te Megbevayà tenged te Megbevayà is ebpenaub dutun te midawat din, ebpekeambit haazà is etew te suhul te Megbevayà dutun te ebpeneuven din. Ne ke zuen etew he edawat te metazeng he etew tenged te metazeng is ulaula zutun te etew, ebpekeambit sikandin te suhul te Megbevayà dutun te metazeng he etew.

Mateo 3:6

Ne haazà he menge etew, intangdù dan is menge salè dan ne mibewtismuwan din sikandan diyà te wahig he Hurdan.

Nengeulaula 16:31

Ne midtavak dan te, “Tuu ka te Nengazen he si Jesus ne egkelibri ka, ne egkelibri zaan is pemilya nu ke edtuu zan.”

Nengeulaula 16:34

Impepemenahik din si Pablo wey si Silas diyà te valey zin ne impekaan din. Ne sikandin wey haazà is pemilya zin, utew zan nengelipey su neketuu zan en te Megbevayà.