Nengeulaula 13:52 - Manobo Western Bukidnon

⁵² Ne is menge sumusundan ni Jesus he netag̵ak diyà te inged he Entiyukya, mid-ulinan te Wag̵as he Mulin-ulin ne utew zekelà is kelipey zan.

Nengeulaula 13:52 Referans Kwoze

1 Tiselunika 1:6

Ne sikiyu zaan, mid-iringan niw is mid-ulaula zey wey is mid-ulaula zengan te Nengazen tew he si Jesus su midawat niw is Lalag te Megbevayà minsan nekeag̵i kew te kemeresayan tenged te kedawat niw. Ne minsan pa te nerasey kew, nelipey kew zed tenged te ked-ulini keniyu te Wag̵as he Mulin-ulin.

Ruma 15:13

Is Megbevayà he iyan puunà te langun he meupiya he ebpeebuten tew, berakat he veg̵ayi kew zin te utew zekelà he kelipey wey melinawen he kebpekesavuk tenged te kedtuu niw kandin su wey pinaag̵i te g̵ehem te Wag̵as he Mulin-ulin meheg̵et is kebpeebuta niw te langun he meupiya he egkezawat niw keuzemà.

Gelasya 5:22

Egketuusan ta zaan is menge ulaula he egkehimu pinaag̵i te g̵ehem te Wag̵as he Mulin-ulin. Su emun ed-uwiten ki te Wag̵as he Mulin-ulin, mahal zini te g̵ehinawa ta is menge zuma ta, layun ki egkelipey, melinawen layun is gehinawa ta, mepelevayen ki, belig̵eg̵awen ki, metulanged ki, metinumanen ki,

Nengeulaula 4:31

Ne hein nekeampù dan, ne neg̵ezam dan he egkehuyung haazà is baley he netig̵uman dan. Ne mibpurungan ulini te Wag̵as he Mulin-ulin is kada sevaha kandan, ne wazè dan ikehandek is kedsengyawa zan te Lalag te Megbevayà.

2 Kurintu 8:2

Minsan dutun te nekeantus dan te utew mepait he kemeresayan, ingkelipey zan utew g̵ihapun ne tenged kayi minsan pa te utew zan egkengeayuayu, utew zekelà is ingkeveg̵ey zan he tavang te menge zuma zan he tumutuu.

Ruma 5:3

Ne kenà duen dà taman su ebelesen te kelipey is menge kemereg̵enan he nengeseg̵azan ta su netuenan ta he pinaag̵i kayi edlumbazen ki wey ki mehimu he meinentusen.

Nengeulaula 2:4

Ne mibpurungan ulini te Wag̵as he Mulin-ulin is kada sevaha kandan, ne netekewtekew zan pintezi te menge kineg̵iyan he kenè dan egketuenan sumalà is gehem he imbeg̵ey kandan te Wag̵as he Mulin-ulin.

Mateo 5:12

Iyan daan heini kes mid-ulaula te menge etew zengan diyà te menge ebpeneuven te Megbevayà. Medlipey kew utew su utew zekelà is idsuhul keniyu keuzemà diyà te langit.

1 Pedro 4:13

Kenè kew meinuinu, kekenà, lipey kew utew su pinaag̵i kayi ebpekeambit kew te menge kemeresayan he naantus ni Kristu ne tenged dutun utew kew zaan egkelipey keuzemà ke ibpezayag din kenitew haazà is bulawan he ed-ulian.

Santiago 1:2

Menge suled, mebmelipayen kew emun merasey is egkeulaula niw tenged te idtug̵ut te Megbevayà he zuen ebarangbarang he penggezam te kedtuu niw kandin.

Ruma 14:17

Su is kedhedii kenita te Megbevayà, ne kenà pinaag̵i te kedtumana ta te menge sug̵ù mehitenged te menge keenen wey inumen he idawey, kekenà, pinaag̵i te kebpeketezenga kenita te Megbevayà he metazeng wey pinaag̵i te melinawen he kebpekidepitè ta te menge zuma ta, wey pinaag̵i zaan te kelipey he ibeg̵ey te Wag̵as he Mulin-ulin.

Nengeulaula 5:41

Ne is menge epustul, migenat dan ne utew zan nelipey su mid-isip sikandan te Megbevayà he meinentusen te ked-el-eleza kandan tenged te kedtuu zan ki Jesus.

Nengeulaula 2:46

Ne kada andew edtig̵um is langun he menge tumutuu zuen te zekelà he simbahan he egngezanan te Valey te Megbevayà. Ne egkesevaha zan daan he utew melipayen te kegkaan dan dutun te menge valey zan wey kebpevegbeg̵ayè dan.

Nengeulaula 11:29

Ne tenged dutun neuyun is menge sumusundan diyà te Entiyukya he ed-emutè dan te selapì. Ne mebeg̵ey is kada sevaha sumalà is egkehimu zin wey zan metevangi is menge egkengeayuayu he menge zuma zan he menge tumutuu ziyà te prubinsya he Hudiya.