Nengeulaula 13:29 - Manobo Western Bukidnon

²⁹ Ne hein nengeulaula en te menge tigHiruselim kes langun he netagnà dengan he ibpeulaula zan kandin, in-awè dan is lawa zin dutun te krus he midrensangan dan kandin ne inleveng dan.

Nengeulaula 13:29 Referans Kwoze

Lucas 23:53

Ne migkuwa ni Jose haazà is lawa ni Jesus ne mibukusan din te malung he meputì. Ne zuen surung he penlevengà he ingkalut diyà te kelendig̵an he pag̵ang he wazè pa meselezi te minatey. Ne zutun iseled ni Jose is lawa ni Jesus.

Juan 19:30

Ne hein nesupsup ni Jesus haazà, migkag̵i te, “Nepasad ku en is langun.” Ne midungul ne zutun minatey.

Juan 19:28

Ne zutun netuenan ni Jesus he nepasad din en is langun he netagnà mehitenged kandin, ne migkag̵i te, “Egkemezahan a.” Ne pinaag̵i zutun netuman is netagnà dengan diyà te insurat he Lalag te Megbevayà.

1 Kurintu 15:4

Impesavut ku zaan he inleveng sikandin ne seled te tetelu he andew zutun nevanhew sikandin. Impesavut daan heini zengan te insurat he Lalag te Megbevayà.

Nengeulaula 5:30

Mibunù niw si Jesus su inransang niw te krus, iyan, is Megbevayà he edsimbahan te menge kepuun tew, mibanhew zin si Jesus.

Lucas 24:44

Ne zutun migkag̵i si Jesus diyà te kandan te, “Iyan heini sikan is migkag̵i ku keniyu hein kemulu e pa zuma niw. Is langun mehitenged kedì he impesurat dengan te Megbevayà ki Moises, wey kes langun he impesurat din te zuma pa he ebpemeneuven din, wey minsan kes insurat dengan duen te libru te menge Salmo, ne kinahanglan he egketuman pinaag̵i te neulaula zini te kedì.”

Nengeulaula 13:27

Is menge Hudiyu he menge meg̵inged diyà te Hiruselim wey is menge egalen dan, wazè dan mesavut he iyan si Jesus sikan is edlibri kenitew. Ne wazè dan daan mesavut is insurat he tagnà te ebpemeneuven dengan te Megbevayà. Minsan ke egkezineg dan is kebesaha kayi kada Sebadu ziyà te menge simbahan dan, nengetuman dan gihapun kes nengetagnà pinaag̵i te kegkag̵i zan he zait si Jesus he edhimetayan.

Nengeulaula 4:28

Ne mid-uyunan dan ke hengkey is ed-ul-ulahan dan diyà te kandin sumalà is imbanglis nu he meulaula zan.

Nengeulaula 2:23

Ne heini si Jesus, impalad te etew keniyu. Ne zaan he netuenan heini te Megbevayà su iyan imbanglis din ki Jesus. Impehimetayan niw sikandin te menge etew he kenà ed-azap te Megbevayà. Ne inransang dan te krus.

Marcos 15:42

Ne hein mahapun en dutun te andew te kedteg̵ana he egkesunuzan te Andew te Kedhimeley, nekeuma si Jose he tig-Erimetiya. Sevaha sikandin he telehuzen he egalen te menge Hudiyu. Sevaha sikandin te menge etew he ebperateng te kegketuman te nengetagnà mehitenged te kedhadì te Megbevayà. Ne zutun, in-awè din diyà te g̵ehinawa zin is kegkehandek din ne midhendiyà te ki Pilatu ne midhangyù he egkuwaan din is lawa ni Jesus.

Lucas 23:50

Ne zuen sevaha zutun he etew he egngezanan ki Jose he meg̵inged diyà te inged he Erimetiya he ziyà te prubinsya he Hudiya. Heini si Jose, ne metazeng he etew ne telehuzen daan. Sevaha sikandin te menge Hudiyu he edtag̵ad te kedhadì te Megbevayà dini te kelibutan. Sevaha zaan sikandin te menge zatù te menge Hudiyu, iyan, wazà sikandin mekeuyun te kedhimetayi ki Jesus.

Nengeulaula 26:22

Iyan, taman en guntaan midtevangan a te Megbevayà umba zini ad guntaan te etuvangan niw. Ne ibpenurù ku heini is langun diyà te minsan hentei, dekelà is pid-etawan din se zeisey is pid-etawan din. Ne is ibpenurù ku, iyan ded sikan is netagnà dengan ni Moises wey kes ebpemeneuven te Megbevayà,