Nengeulaula 12:7 - Manobo Western Bukidnon

⁷ Ne netekewtekew te zuen mibpaahà kandin he velinsug̵uen te Nengazen ne zuen daan neketayew zutun te seled te pirisuwan. Ne migewezan dutun te velinsug̵uen si Pedro ziyà te kilid ne migunggel zin ne mibpukew zin. Ke sikandin te, “Enew ka gaanggaan.” Ne zutundutun naawà is menge kedina ziyà te menge velad ni Pedro.

Nengeulaula 12:7 Referans Kwoze

Nengeulaula 5:19

Ne zutun te mezukilem, netekewtekew puwasi te velinsug̵uen te Nengazen haazà is pirisuwan ne impaawè din dutun is menge epustul

Nengeulaula 16:26

Ne zutun midtik-ew medlinug te utew mezesen ne nepurung mehuyung haazà is pirisuwan. Ne segugunà nepuwas is menge lekeb dutun te pirisuwan ne nengetangtang is menge pusas te langun he menge pirisu.

Nengeulaula 10:30

Ne midtavak si Cornelio te, “Heepat en he andew g̵untaan, te iring kayi he uras dini a te valey te liwazè en ebpenaug is andew su ed-ampù a. Netekewtekew a te mibpaahà kedì is maama he ebpenganlag is bisti zin.

Ipisu 5:14

Ne mehitenged kayi zuen erubasa he edhenduen te, “Sikew is edlipezeng, gimerat kad; sikew is minatey, ne mevanhew kad ne egketeyawan ka ni Jesu Kristu.”

Nengeulaula 2:24

Iyan, midlibri si Jesus te Megbevayà ne mibanhew zin su kenà egkehimu he egkevakus si Jesus te kemetayen.

Lucas 24:4

Ne zutun utew zan egkengereg̵enan he ebpen-isip-isip; ne netik-ew mebpaahà kandan is dezuwa he maama he ebpemengenamag te keputì is bisti zan.

Lucas 2:9

Ne netekew zan te mibpaahà kandan is belinsug̵uen te Nengazen ne neketayew ziyà te kandan is mekeg̵eg̵ehem he anlag te Megbevayà ne utew zan dutun nengehandek.

Nengeulaula 12:23

Ne segugunà midlatun diyà te lawa zin is daru he insavuk te velinsug̵uen te Nengazen su ingkesuat ni Hirudis haazà is ked-ezapa kandin te menge etew, ne wazè din iyan ipaazap is Megbevayà. Ne midtegkayan is lawa zin ne wazà utew meug̵et ne minatey.

Nengeulaula 9:3

Ne hein uvey en si Seulu te inged he Demasku, netekewtekew sikandin te zuen utew merayag he ebpuun te langit he neketayew kandin.

Impezayag 18:1

Ne hein nepasad dutun te velinsug̵uen is egkeg̵iyen din, neehè ku is selakew pa he velinsug̵uen he ebpenaug pehendiyà te tanà he ebpuun te langit ne utew zekelà is keg̵ehem din. Ne utew merayag is ked-anlag din ne neenlag̵an din is minsan hendei zini te lumpad te kelibutan.

Hibriyuhanen 1:14

Iyan, is menge velinsug̵uen te Megbevayà, menge sulug̵uen dà sikandan te Megbevayà. Kenè tew egkeahà, iyan, edsug̵uen din sikandan wey kiw zan metevangi is menge etew he edtulusen keuzemà.

Nengeulaula 12:6

Ne zutun te kezukileman he emun egkepawà dutun ibpeetuvang ni Hadì Hirudis si Pedro te menge etew, ne si Pedro, diyà ipehizeg̵à te teliwazà te zezuwa he sundaru. Midhiketan sikandin te zezuwa he kedina ne zuen daan menge sundaru he impevantey zutun te g̵emawan te pirisuwan.

Mateo 2:13

Ne hein migenat en kes menge memimituen, mibpeteg̵einep en maan ki Jose is belinsug̵uen te Nengazen he egkag̵i te, “Enew kad, Jose. Ne uwita nu heeyan is batà wey iney zin ne pelag̵uy kew pehendiyà te Ihiptu. Ne zutun kew tag̵ad taman te kenè ku pa sikew egkeg̵iyan. Su ebpenahaan ni Hirudis heeyan is batà su edhimetayan din.”

Nengeulaula 12:8

Ne migkeg̵iyan sikandin te velinsug̵uen te, “Bevakes ka wey sesepatus ka.” Ne mibpemineg si Pedro. Ne migkag̵i en maan haazà is belinsug̵uen te, “Samput ka ne zuma ka kedì.”