Nengeulaula 12:3 - Manobo Western Bukidnon

³ Ne hein netuenan ni Hirudis he utew ingkesuat te menge Hudiyu is kedhimetayi ki Santiago, impezakep din daan si Pedro. (Nehitavù heini hein Pista te Supas he Wazè Din Tapey.)

Nengeulaula 12:3 Referans Kwoze

Nengeulaula 24:27

Ne hein dezuwa en he tuig dutun nekeilis si Pursyu Pistu ki Felix he gubirnedur. Ne si Felix, geina te egkesuatan din he wazà ibmezaat te g̵ehinawa te menge Hudiyu kandin, wazè din libriya si Pablo.

Juan 12:43

Umba wazè dan keg̵iya su iyan dan impelavi is kedelig̵a kandan te menge etew, kenà is kedelig̵a kandan te Megbevayà.

Nengeulaula 25:9

Ne zutun si Pistu, geina te iyan gustu zin he mebmeupiya is gehinawa te menge Hudiyu mehitenged kandin, migkeg̵iyan din si Pablo te, “Egkesuat ke ve he edhendiyà te Hiruselim su ziyè ku sikew ed-imbistigaha?”

Gelasya 1:10

Kunaan niw vuwa ke iyan netag̵ù te g̵ehinawa ku is: egkesuat a he zelig̵a a te menge etew. Iyan, kenà iyan heini netag̵ù te g̵ehinawa ku, kekenà, iyan is kebpenunuata ku te Megbevayà. Kunaan niw vuwa zaan ke egkesuatan ku he ibmeupiya te g̵ehinawa te menge etew is menge ulaula ku, iyan, kenà daan iyan egkesuatan ku su emun iyan egkesuatan ku, kenà egkehimu he sulug̵uen a ni Kristu.

Nengeulaula 20:6

Mid-untud key te barku ziyà te inged he Pilipus hein neiwas is Pista te Kegkaan te Supas he Wazè Din Tapey. Ne nekelima zutun nesaut dey sikandan diyà te Truwas ne zutun key med-ubpà taman te sengesimana.

1 Tiselunika 2:4

Nezawat key te Megbevayà ne insarig din kenami is kebpesavut te Meupiya he Tudtulanen, ne tenged kayi ebpenudtul key. Kenè dey iyan tuyù is kebpenunuata te menge etew su iyan tuyù dey is kebpenunuata te Megbevayà. Iyan sikandin metau he ebpenggezam kenitew wey metueni he hustu is tuyù dey.

Juan 21:18

Utew venar is egkeg̵iyen ku kenikew he zengan hein menguhed ke pa iyan ka mibakes te lawa nu ne sumalà ke hendei is egkesuatan nu ne zutun ka ebpevayà. Iyan, ke meg̵urang ke en ebpekererepa ka ne selakew he etew is ebagkes te lawa nu ne ed-uwiten ka zutun te kenè nu egkesuatan.”

Juan 19:11

Ne midtavak si Jesus te, “Is keg̵ehem nu te kebayàbayà kediey, ke wazè pa iveg̵ey heini te Megbevayà diyà te kenikew, wazè nu g̵eina egkehimu. Umba sikan is midsug̵ù he uwita a zini te kenikew, iyan edhuna he zekelà is salè din, kenà sikew.”

Mateo 26:17

Ne zutun te nehuna he andew te Pista te Kegkeena te Supas he Wazè Din Tapey, mid-uvayan si Jesus te menge sumusundan din ne ke sikandan te, “Hendei is baley he egkesuatan nu he edhilutuan dey wey meteg̵ana is idlavung nu kayi te Pista te Kedlevayi?”

Nengeulaula 4:13

Ne zutun, haazà is menge punuan he menge Hudiyu, hein neehè dan he kenà egkehandek si Pedro wey si Juan he egkag̵i wey hein netuenan dan he kenà metikang is netunghaan dutun te zezuwa ne kenà metikang is pid-etawan dan, ne nengeinuinu zan. Ne human dan dutun mekilala he menge zuma zengan ni Jesus si Pedro wey si Juan.

Nengeulaula 2:14

Ne zutun midhitindeg si Pedro ne midhitindeg daan haazà is menge zuma zin he sepulù wey sevaha he epustul. Ne mibpekezesen sikandin he egkag̵i te, “Sikiyu is menge zuma ku he menge Hudiyu wey langun niw te menge meg̵inged dini te Hiruselim, pemineg kew wey niw mesavut is egkeg̵iyen ku.

Nengeulaula 12:4

Ne zutun te kegkezakep ki Pedro, impepirisu sikandin ni Hirudis ne impalad din diyà te heepat he gurupu he menge sundaru he iyan eguwardya kandin. Ne tig-epat he sundaru is kada gurupu. Neisip ni Hirudis he emun egkeipus haazà is pista he egngezanan te Pista te Kedlevayi, ed-imbistigahan din si Pedro ziyà te etuvangan te menge Hudiyu.