Nengeulaula 10:34 - Manobo Western Bukidnon

³⁴ Ne zutun migkag̵i si Pedro te, “Netuenan ku en he venar iyan he wazà ibpelavi te Megbevayà te minsan hentei,

Nengeulaula 10:34 Referans Kwoze

Ruma 2:11

su is Megbevayà, wazè din ibpelavi te minsan hentei.

Kulusas 3:25

Su sikan is etew he ed-ulaula te mezaat, ne edsilutan sikandin sumalà is keveg̵at te salè din su wazà ibpelavi te Megbevayà te minsan hentei.

1 Pedro 1:17

Ne g̵eina te mibpetavang ki te Amey ta he Megbevayà kinahanglan he utew meheg̵et is kedtehuza ta kandin te zini ki pa ed-ubpà te kelibutan. Iyan sikandin edsusi te menge ulaula te menusiyà sumalà is mid-ulaula te kada sevaha ne wazè din ibpelavi he minsan hentei.

Ipisu 6:9

Ne sikiyu is menge egalen, iring din ded daan kayi is ul-ulaha niw ziyà te menge sulug̵uen niw. Kenè kew mebpelihandek kandan su netuenan niw he sikitew is langun, ke sulug̵uen ki wey ke egalen ki ve, ne zuen gihapun egalen ta ziyà te langit he iyan is Megbevayà ne wazè din ibpelavi te minsan hentei.

Lucas 20:21

Ne haazà is menge etew he ibpepeniid ki Jesus, migkag̵i zan diyà te kandin te, “He Zatù, netuenan dey he wazè nu ibpelavi he minsan hentei he etew ne tutuu is egkeg̵iyen nu wey hustu is kebpenurù nu te ebpeveelan kenitew te Megbevayà.

Santiago 2:9

Iyan, emun duen niw ibpelavi, ebpekesalè kew. Ne sumalà is impenurù dutun te kesug̵uan te Megbevayà he imbilinbilin ni Moises, mesinupaken kew.

Kulusas 3:11

Ne tenged kayi, sikita is midhimu zin he veg̵u he etew, wazè ta zapit ibpelavi te etew he Hudiyu wey te etew he kenà Hudiyu su neked-iiring diyà te Megbevayà is nesirkunsidar wey is wazà mesirkunsidar; neked-iiring daan diyà te kandin is neketunghà wey is wazà meketunghà, is sulug̵uen wey is egalen. Dini te kenitew te menge veg̵u he etew, iyan dà lavew si Kristu ne midlumunan ni Kristu is kada sevaha kenitew.

Gelasya 2:6

Ne zutun, minsan sikan is menge etew ziyà te Hiruselim he henduen be te menge egalen te tumutuu, wazè dan ingkepenurù kediey he idheg̵et te ibpenurù ku. Umba egkeg̵iyen ku he henduen dan te menge egalen su wazà bali ziyà te Megbevayà te igerar kenita te menge etew. Wazà id-uman dan te kediey he ibpenurù, kekenà, nesavut dan dutun he insarig kediey te Megbevayà is kedsengyawa te Meupiya he Tudtulanen diyà te menge etew he kenà Hudiyu iring te insarig din daan ki Pedro is kedsengyawa kayi ziyà te menge Hudiyu.

Santiago 2:4

Kenè be mezaat heeyan he ulaula su kenè niw ebpedrerepengen is kedtahud niw te menge zuma niw he tumutuu su kunaan niw ke hustu ke ebmahalen ta is sepian ne kenà is egkeayuayu.

Mateo 22:16

Ne midsug̵ù dan diyà te ki Jesus is menge sumusundan dan wey menge sakup te upakat he midtukud ni Hirudis. Ne haazà is midsug̵ù dan, migkag̵i ziyà te ki Jesus te, “Menunudlù, netuenan dey he metazeng ka he etew; su ibpenurù nu is tutuu he ebpeveelan kenitew te Megbevayà, ne is lalag te menge etew, kenà ebpekehalin te ibpenurù nu tenged te wazè nu ibpelavi he minsan hentei.

Mateo 5:2

ne mibpenurù din sikandan.

Nengeulaula 8:35

Ne zutun midseysayan sikandin ni Felipe. Midhunaan din haazà is ebesahan te upisyal ne impesavut din kandin is Meupiya he Tudtulanen te keag̵i ni Jesus.

Nengeulaula 10:33

Umba,” ke si Cornelio, “segugunè ku sikew impeveyai ne selamat utew su nekeuma ka kayi. Ne g̵untaan nengetig̵um key en dini te etuvangan te Megbevayà su ebpemineg̵en dey is minsan hengkey he insug̵ù din kenikew he ipesavut kenami.”

Nengeulaula 15:9

Wazà daan isipa te Megbevayà he zuen kebpekeviza te kenà menge Hudiyu kenitew su tenged te kedtuu zan mibpesaylu zin sikandan te menge ulaula zan he mezaat iring te kebpesaylu zin dini te kenitew.

Ruma 3:29

Ne siguradu zuen egkag̵i he is Megbevayà, ne Megbevayà te menge Hudiyu zà, iyan, kenà heeyan tutuu, su iyan sikandin Megbevayà te tivuuk he menusiyà, Hudiyu se kenà Hudiyu.

Santiago 2:1

Menge suled, geina te menge tumutuu ki ki Jesu Kristu, is mekeg̵eg̵ehem he Nengazen, kinahanglan he pedrerepenga ta is kedtehuza ta te langun he menge etew.