Mateo 9:6 - Manobo Western Bukidnon

⁶ Pinaag̵i te kebewii ku g̵untaan kayi te etew, ibpeehè ku keniyu he siak is Kakey te Menusiyà, duen ku keg̵ehem dini te lumpad te kebpesaylu te salà.” Ne zutun migkeg̵iyan din haazà is etew he minatey is divaluy he lawa te, “Sikew, Mama, enew ka; kuwaa nu heeyan is duyanè nu ne ulì ka.”

Mateo 9:6 Referans Kwoze

Mateo 9:5

Hendei zapit is egkehimu te etew zà duen, iyan be is kebpesaylu te salè din wey ke iyan is kegkeulii kandin?

2 Kurintu 2:10

Ne ke zuen etew he ebpeseyluwen niw, ebpeseyluwen ku zaan. Su penenglitan ke zuen nekesalà diyan wey ebpeseyluwen ku, netuenan ni Kristu he iyan ketezengan ke maan is ebpeseyluwen ku su wey mebmelinew is kedezepitè niw.

Kulusas 3:13

Ed-entusen ta, ne ebpeseyluwen ta is menge zuma ta he ebpekesupak kenita. Kinahanglan he iring te mibpesaylu kiw te Nengazen tew ebpepespeseyluwè kiw zaan.

Ipisu 4:32

kekenà, mebpepurpurungè kew te kada sevaha keniyu. Mebpehidhizuwè kew, mebpepespeseyluwè kew iring te mibpesaylu kew te Megbevayà tenged te kebpekidsevaha niw ki Kristu.

2 Kurintu 5:20

Umba midsug̵ù key ni Kristu su wey pinaag̵i kenami ebpekehangyù keniyu is Megbevayà. Ne tenged ki Kristu edhengyuan dey zaan sikiyu he itug̵ut niw he himuwa kew te Megbevayà he menge emig̵u zin.

Nengeulaula 9:34

Ne migkeg̵iyan sikandin ni Pedro te, “He Iniyu, ebewian ka ni Jesu Kristu.” Enew ka ne tepiza nu is menge g̵elemiten nu te kedhizeg̵à. Ne zutundutun neulian si Iniyu ne mid-enew.

Nengeulaula 5:31

Ne midtulus din en ne ziyè en sikandin te zapit te egkekewanan te Megbevayà. Sikitew is menge kevuwazan ni Israyil, egalen tew sikandin wey iyan kenitew edlibri te silut. Ne ebpeiniyug̵an din kenitew is mezaat he ulaula ne ebpeseyluwen kiw zin.

Juan 17:2

Insarig nu kediey is kebayàbayà te tivuuk he menusiyà su wey ku meveg̵ayi te untung he wazà pidtemanan is langun he menge etew he imbeg̵ey nu kediey.

Juan 10:28

Ebeg̵ayan ku sikandan te untung he wazà pidtemanan, ne kenè en ebpatey is gimukud dan ne wazà minsan hentei he ebpekeag̵ew kandan dini te kedì.

Lucas 5:21

Ne zutun, is menge Perisiyu wey is menge menunudlù te kesug̵uan, neisip dan diyà te g̵ehinawa zan is: “Hentei heini he etew is edsupak te Megbevayà? Megbevayà sikandin uvag su hentei is ebpekepesaylu te menge salà, kekenà, iyan dà is Megbevayà.”

Marcos 2:10

Pinaag̵i te kebewii ku g̵untaan kayi te etew, ibpeehè ku keniyu he siak is Kakey te Menusiyà, duen ku keg̵ehem dini te lumpad te kebpesaylu te salà.” Ne zutun migkeg̵iyan din haazà is etew he minatey is divaluy he lawa te,

Marcos 2:7

“Tekew en egkag̵i heini he etew he ebpekepesaylu sikandin te salà. Edsupaken din is Megbevayà su hentei is ebpekepesaylu te menge salà, kekenà, iyan dà is Megbevayà?”

Mateo 8:20

Ne migkag̵i si Jesus diyà te kandin te, “Is laku ne zuen surung he egkeubpaan din, ne is tagbis, duen din salag, iyan, siak is migeraran te Kakey te Menusiyà, minsan hendei e zà memekehizegà su wazà ed-ubpaan ku.”

Mateo 4:24

Ne nevantug si Jesus diyà te tivuuk he nasyun he Sirya. Ne tenged kayi mibpen-uwit dan diyà te kandin is langun he egkengezeruwan wey is egkengesekitan te ebarangbarang en he egezamen, iring te menge edlelungen te mezaat he mulin-ulin, menge ebevuyen, wey menge etew he minatey is divaluy he lawa, ne nengeulian ni Jesus heini is langun.

Mateo 9:2

Ne nemekeuma is menge etew he ed-uwit diyà te ki Jesus te minatey is divaluy he lawa zin he ziyà ipehizeg̵à te zuyanà he ebintingen. Hein nesavut ni Jesus he zekelà is kedsarig dan kandin, migkeg̵iyan din haazà is minatey is divaluy he lawa te, “Mama, mebmeupiya is gehinawa nu, su nepesaylu en is menge salè nu.”

Mateo 9:7

Ne zutundutun mid-enew haazà is maama ne mid-ulì.

Juan 5:8

Ne migkag̵i si Jesus te, “Enew ka, ne luluna nu heeyan is ikam nu; ne hiphipanew ka.”

Juan 5:27

Ne siak, tenged te migeraran a he Kakey te Menusiyà, mibeg̵ayan a te Amey ku te ketenged wey ku keuzemà mesusi is nengeveelan te tivuuk he menusiyà.