Mateo 9:5 - Manobo Western Bukidnon

⁵ Hendei zapit is egkehimu te etew zà duen, iyan be is kebpesaylu te salè din wey ke iyan is kegkeulii kandin?

Mateo 9:5 Referans Kwoze

Nengeulaula 3:16

Ne iyan nekeulì kayi te kenà ebpekehipanew is gehem te ngazan ni Jesus. Heini is etew he kilala niw he neehè niw g̵untaan, tenged te kedtuu zey ki Jesus neulian heini kayi te etuvangan niw su nekesarig key te g̵ehem te ngazan ni Jesus.

Nengeulaula 9:34

Ne migkeg̵iyan sikandin ni Pedro te, “He Iniyu, ebewian ka ni Jesu Kristu.” Enew ka ne tepiza nu is menge g̵elemiten nu te kedhizeg̵à. Ne zutundutun neulian si Iniyu ne mid-enew.

Mateo 9:2

Ne nemekeuma is menge etew he ed-uwit diyà te ki Jesus te minatey is divaluy he lawa zin he ziyà ipehizeg̵à te zuyanà he ebintingen. Hein nesavut ni Jesus he zekelà is kedsarig dan kandin, migkeg̵iyan din haazà is minatey is divaluy he lawa te, “Mama, mebmeupiya is gehinawa nu, su nepesaylu en is menge salè nu.”

Mateo 9:6

Pinaag̵i te kebewii ku g̵untaan kayi te etew, ibpeehè ku keniyu he siak is Kakey te Menusiyà, duen ku keg̵ehem dini te lumpad te kebpesaylu te salà.” Ne zutun migkeg̵iyan din haazà is etew he minatey is divaluy he lawa te, “Sikew, Mama, enew ka; kuwaa nu heeyan is duyanè nu ne ulì ka.”

Marcos 2:5

Ne si Jesus, hein nesavut din he zekelà is kedsarig dan kandin, migkeg̵iyan din haazà is etew he minatey is divaluy he lawa zin te, “Mama, nepesaylu en is menge salè nu.”

Lucas 5:20

Ne hein nesavut ni Jesus he zekelà is kedsarig dan kandin, migkeg̵iyan din heini is etew te, “Mama, nepesaylu en is menge salè nu.”

Lucas 7:48

Ne zutun migkeg̵iyan ni Jesus haazà is bahi te, “Bayi, nepesaylu en te Megbevayà is menge salè nu.”