Mateo 8:6 - Manobo Western Bukidnon

⁶ he egkag̵i te, “Datù, diyà te valey ku egkezeruwan is sulug̵uen ku. Minatey is divaluy he lawa zin ne merasey utew is egezamen din.”

Mateo 8:6 Referans Kwoze

Kulusas 4:1

Ne sikiyu zaan is duen din uripen, purungi niw is kedumala niw te menge uripen niw ne iveg̵ey niw kandan is metazeng wey hustu he ibeg̵ey ne kenè niw lipati he zuen daan teg̵iuripen keniyu ziyà te langit.

Mateo 4:24

Ne nevantug si Jesus diyà te tivuuk he nasyun he Sirya. Ne tenged kayi mibpen-uwit dan diyà te kandin is langun he egkengezeruwan wey is egkengesekitan te ebarangbarang en he egezamen, iring te menge edlelungen te mezaat he mulin-ulin, menge ebevuyen, wey menge etew he minatey is divaluy he lawa, ne nengeulian ni Jesus heini is langun.

Kulusas 3:11

Ne tenged kayi, sikita is midhimu zin he veg̵u he etew, wazè ta zapit ibpelavi te etew he Hudiyu wey te etew he kenà Hudiyu su neked-iiring diyà te Megbevayà is nesirkunsidar wey is wazà mesirkunsidar; neked-iiring daan diyà te kandin is neketunghà wey is wazà meketunghà, is sulug̵uen wey is egalen. Dini te kenitew te menge veg̵u he etew, iyan dà lavew si Kristu ne midlumunan ni Kristu is kada sevaha kenitew.

Nengeulaula 9:33

Ne zutun neehè din is maama he egngezanan ki Iniyu. Ne haazà si Iniyu, walu en he tuig he kenà ebpekeenew su minatey is divaluy he lawa zin.

Pilimun 1:16

Ne g̵untaan kenà sikandin uripen nu zà duen, kekenà, utew pa mahal kenà is uripen su suled nu en daan tenged te kedtuu zin ki Kristu. Utew sikandin mahal zini te g̵ehinawa ku ne mahal pa zaan diyan te kenikew, kenà tenged dà te uripen nu, kekenà, tenged daan te suled nu en tenged te Nengazen.

1 Timoteo 6:2

Ke tumutuu ki Kristu is egalen, kinahanglan he kenà maawà is kedtahud kandin te sulug̵uen din he tumutuu tenged te telesuled dan pinaag̵i ki Kristu. Kinahanglan he tuwas pa he meupiya is baal te sulug̵uen din tenged te tumutuu wey minahal te Megbevayà sikan is egketevangan dan pinaag̵i te vaal zan. Iyan heini ipenurù nu wey ipesavut nu ziyà te menge tumutuu.

Nengeulaula 10:7

Ne zutun mid-awà haazà is belinsug̵uen te Megbevayà. Ne segugunà midtawag ni Cornelio is dezuwa he menge sulug̵uen din wey is sundaru he sevaha zutun te menge sinerig̵an din. Ne heini he sundaru, ed-azap daan te Megbevayà.

Nengeulaula 8:7

Mezakel is nengeulian din he etew he edlelungen te mezaat he mulin-ulin ne nekekulahì is menge mezaat he mulin-ulin te ked-awè dan dutun te edlelungen dan. Ne elin daan nengeulian din is menge piang wey mibpematey is divaluy he lawa.

Mateo 9:2

Ne nemekeuma is menge etew he ed-uwit diyà te ki Jesus te minatey is divaluy he lawa zin he ziyà ipehizeg̵à te zuyanà he ebintingen. Hein nesavut ni Jesus he zekelà is kedsarig dan kandin, migkeg̵iyan din haazà is minatey is divaluy he lawa te, “Mama, mebmeupiya is gehinawa nu, su nepesaylu en is menge salè nu.”

Mateo 8:7

Ne migkag̵i si Jesus te, “Edhendiyan a ne ebewian ku wey sikandin meulii.”