Mateo 8:5 - Manobo Western Bukidnon

⁵ Ne zutun midhendiyà si Jesus te inged he Kepirnaum. Ne te kedseled din dutun te inged, duen etew he kenà Hudiyu he kepitan te nenggatus he sundaru he mid-uvey ki Jesus

Mateo 8:5 Referans Kwoze

Mateo 27:54

Sikan is menge sundaru wey sikan is kepitan dan he mibantey ki Jesus, hein midtik-ew medlinug wey hein nengeehè dan is duma pa he nengehitavù dutun ne nengehandek dan. Ke sikandan te, “Tutuu ves iyan he Anak sikandin te Megbevayà!” egkag̵i zan.

Nengeulaula 27:43

Iyan, is serhintu, kenè din egkesuatan he mehimetayi si Pablo ne wazè din itug̵ut he mehimetayi sikandan. Insug̵ù din he med-agbur is metau he ed-emparas wey mekeg̵aun,

Nengeulaula 27:31

Iyan, migkag̵i zutun si Pablo ziyà te serhintu wey menge sundaru zin te, “Emun ed-ewaan kew te menge terebahanti kayi, kenè kew en egkelibri.”

Nengeulaula 23:17

Ne si Pablo, mid-umew zin is sundaru ne ke sikandin te, “Dumaha nu heini is kenakan diyà te kepitan su zuen egkeg̵iyen din kandin.”

Mateo 4:13

Nekeuma sikandin diyà te Neserit ne zutun diyà med-ulì te inged he Kepirnaum he ziyà te veyvey te ranew he Geliliya, he sakup te tanà he Sebulun wey Neptali.

Nengeulaula 27:13

Ne zutun ebpuun en ebpengeramag, asal kenà mevendes he ziyà ebpuun te zapit te Libya. Ne kunaan dan ke iyan edtuman is neisip dan, umba midtines dan is perivatu zutun te barku ne migenat key. Ne wazè key mebpekeziyù te veyvey te pulu he Krita.

Nengeulaula 23:23

Ne haazà is kepitan, mid-umew zin is dezuwa he sinerig̵an din ne ke sikandin te, “Ipaandam niw is dezuwa he g̵atus he sundaru su edsug̵uen ku sikiyu ziyà te inged he Sisarya. Ipezuma zaan is kepituwan pa he egkukudà wey is dezuwa pa he g̵atus he ebevangkew. Kinahanglan he ipaandam niw sikandan taman te alas nuwibi kan te mezukilem su iyan kegenat niw.

Nengeulaula 22:25

Ne hein midhiketan dan si Pablo su ebug̵elen dan en, migkeg̵iyan ni Pablo is serhintu he zutun, ke sikandin te, “Idtug̵ut be te velaud he vug̵ela a keniyu is sakup te inged he Ruma te wazè e pa imbistigaha?”

Marcos 15:39

Ne is egalen dutun te menge sundaru he edhithitindeg dutun te egkesineruwan ni Jesus, hein neehè din haazà is kegkevidtawi ni Jesus, ke sikandin te, “Benar he Anak heini te Megbevayà!”

Marcos 2:1

Ne nepipira pa zutun he menge andew, midlikù si Jesus diyà te inged he Kepirnaum. Ne nezineg te menge etew he ziyà si Jesus te valey zin.

Mateo 9:1

Ne zutun mid-untud en maan ensi Jesus te avang ne midlikù diyà te zehipag. Ne mid-ulì diyà te inged din.

Mateo 11:23

Ne sikiyu zaan,” ke si Jesus, “is menge tigKepirnaum, iyan egkesuatan niw pezem is delig̵a kew te minsan hentei, iyan, igketimbag kew ziyà te Impirnu. Su is egkengein-inuwan he impeehè ku ziyan te inged niw, angin ke ingkepaahà dengan diyà te menge tigSuduma su kenà egkezezeetan te Megbevayà is inged dan, ne kemulu pa pezem guntaan.

Nengeulaula 9:38

Ne is inged he Hupi, uvey te inged he Lida, ne is menge sumusundan diyà te Hupi, hein nezineg dan he ziyà si Pedro te Lida, midsug̵ù dan diyà te kandin is dezuwa he maama he impepenudtul kandin te, “Hendini ka g̵aanggaan.”