Mateo 8:1 - Manobo Western Bukidnon

¹ Ne midtupang si Jesus ne utew mezakel he menge etew is nemenduma kandin.

Mateo 8:1 Referans Kwoze

Mateo 8:18

Ne sevaha he andew zutun naahà ni Jesus is mezakel he menge etew he nengetig̵um. Ne migkeg̵iyan din is menge sumusundan din te, “Edhendiyè kiw te zehipag.”

Mateo 4:25

Ne tenged dutun mezakel utew he menge etew is ebpemenduma kandin. Duen dutun menge tigGeliliya, duen menge etew he ebpuun te prubinsya he Dikepulis, duen tigHiruselim, tigHudiya, wey menge etew he ziyà ebpemuun te tanà he ziyà te zapit te edsilaan te wahig he Hurdan.

Lucas 5:15

Iyan, minsan pa zutun, nekeeneb diyà te meziyù is bentug̵an ni Jesus ne tenged dutun utew mezakel he menge etew is ebpemenhendutun te kandin wey zan mezineg is kebpenurù din ne wey zaan meulii sikandan te menge zaru zan.

Marcos 3:7

Ne zutun mid-awà si Jesus wey is menge sumusundan din ne midhendiyè dan te veyvey te ranew. Ne nemenduma ki Jesus is utew mezakel he menge etew he ebpuun diyà te prubinsya he Geliliya. Ne is duma kandan, diyà ebpemuun te prubinsya he Hudiya,

Mateo 20:29

Ne hein ed-awè dan en diyà te inged he Hiriku utew mezakel he menge etew is nemenduma ki Jesus.

Mateo 19:2

Utew mezakel he menge etew is nemenduma kandin, ne mibewian din is egkengezeruwan dutun ne nengeulian.

Mateo 15:30

Ne mibpenhendiyà te kandin is utew mezakel he menge etew. Mibpenduma zan is menge piang, menge pungkul, menge lakap, menge emew. Ne miduma zan is mezakel pa he egkengezeruwan. Ne insavuk dan haazà diyà te etuvangan ni Jesus ne nengeulian din is langun dutun te mibpevawì kandin.

Mateo 12:15

Ne hein netuenan ni Jesus is ed-isipen dutun te menge Perisiyu, mid-awà sikandin dutun, ne zuen mezakel he menge etew he nemenduma kandin. Ne neulian din is langun dutun he nengezeruwan,

Mateo 7:29

su is kebpenurù din, kenà iring te kebpenurù te menge menunudlù te kesug̵uan su zuen gehem mulà te penurù din.

Mateo 8:2

Ne zutun, duen it-iten he mid-uvey ziyà te kandin. Ne heini is it-iten, midluhuzan din si Jesus ne migkag̵i te, “He Zatù, emun meupiya zà te g̵ehinawa nu netuenan ku he egkeulian a kenikew kayi te utew meremerik he egezamen ku.”