Mateo 7:26 - Manobo Western Bukidnon

²⁶ Ne is minsan hentei he ebpemineg dà kayi te sambag ku ne kenè din ebpezumdumahan, iring sikandin te etew he tulebung. Heini is tulebung, ne ziyà mebevaley te pantad.

Mateo 7:26 Referans Kwoze

Lucas 6:49

Ne is etew he ebpemineg dà te menge sambag ku, iyan, kenè din ebpezumdumahan, ne iring sikandin te etew he ebevaley ziyà te pantad. Ne hein nepasad din haazà is baley zin ne mibagyu ne nesug̵at haazà is baley zin te utew meseleg he wahig ne nerundus haazà is baley he nepurung mewag̵ey.”

Santiago 2:20

Utew kenà metau he ed-isip is etew he iring dutun. Ebpenuruen ku sikiyu he is kedtuu ta, emun kenà egketuusan pinaag̵i te menge ulaula ta he meupiya, ne kenà ebpekelibri kenita te silut.

Mateo 7:24

Ne minsan hentei he nekezineg kayi te langun he sambag ku ne ebpezumdumahan din, iring sikandin te etew he uluwanen, su heini is uluwanen, diyà mebevaley te zivavew te zekelà he vatu.

Mateo 7:25

Ne mibegyuwan. Mid-uzan te mereg̵es ne midalem is menge wahig ne utew mevendes is keramag, iyan, wazà merundus haazà is baley su ziyà benguna te zivavew te zekelà he vatu.

Mateo 7:27

Ne mibegyuwan daan; ne midalem haazà is wahig ne mibpengeramag te mevendes ne nerundus haazà is baley zin ne nepurung mewag̵ey.”