Mateo 6:12 - Manobo Western Bukidnon

¹² peseyluwa key te menge salè dey iring te nekepesaylu key te nekesalà kenami.

Mateo 6:12 Referans Kwoze

Ipisu 4:32

kekenà, mebpepurpurungè kew te kada sevaha keniyu. Mebpehidhizuwè kew, mebpepespeseyluwè kew iring te mibpesaylu kew te Megbevayà tenged te kebpekidsevaha niw ki Kristu.

Marcos 11:25

Ne emun ed-ampù kew ziyà te Megbevayà, ke zuen egkepeukan niw he minsan hentei, peseyluwa niw, ne is Amey niw he Megbevayà he ziyà te langit, ebpeseyluwen kew zin daan te menge kebpekesupak niw kandin.

Ipisu 1:7

Su tenged te utew zekelà is gag̵ew zin kenitew, midlibri kiw zin te silut pinaag̵i te kedtig̵is te lengesa zutun te kebpehimatey ni Kristu, ne mibpesaylu zin is menge salè tew.

Kulusas 3:13

Ed-entusen ta, ne ebpeseyluwen ta is menge zuma ta he ebpekesupak kenita. Kinahanglan he iring te mibpesaylu kiw te Nengazen tew ebpepespeseyluwè kiw zaan.

Lucas 11:4

Peseyluwa key te menge salè dey su sikami, ebpeseyluwen dey is langun he nekesalà diyà te kenami. Ne ipekeziyù key kenikew te mezesen he penuley.’ ”

Lucas 6:37

Kenè kew medsawey te zuma niw ne kenè kew zaan edsewayen te Megbevayà. Is duma niw he nekesalà, kenè niw keg̵iya he meupiya ke edsilutan su wey kenè kew mesiluti te Megbevayà. Mebmepeseyluwen kew te zuma niw ne ebpeseyluwen kew te Megbevayà te menge salè niw.

Nengeulaula 13:38

Kinahanglan, menge suled, he sevuta niw he tenged ki Jesus, ibpesavut dey en keniyu he ebpeseyluwen kiw te Megbevayà te memezaat he ulaula.

Mateo 9:2

Ne nemekeuma is menge etew he ed-uwit diyà te ki Jesus te minatey is divaluy he lawa zin he ziyà ipehizeg̵à te zuyanà he ebintingen. Hein nesavut ni Jesus he zekelà is kedsarig dan kandin, migkeg̵iyan din haazà is minatey is divaluy he lawa te, “Mama, mebmeupiya is gehinawa nu, su nepesaylu en is menge salè nu.”

Mateo 26:28

Su lengesa ku heini he ibpetig̵is wey mepelisi is mezakel he menge etew wey mepesaylu is menge salè dan. Tuus heini te paag̵i te kegkelibri he midtukud te Megbevayà.

Lucas 13:4

Ne isipa niw zaan is sepulù wey walu he menge etew he nemematey hein nepilayan sikandan te metikang he valey ziyà te Siluwi. Kunaan niw vuwa ke iyan kandan ingkepilayi su utew lavew sikandan he mekesesalà kenà te langun he menge zuma zan he tigHiruselim.