Mateo 5:20 - Manobo Western Bukidnon

²⁰ Egkeg̵iyan ku sikiyu he wey kew zà egkehedii te Megbevayà ke edtumanen niw is egkesuatan te Megbevayà ne kinahanglan daan he lavew kew pa he metinumanen kenà is menge menunudlù te kesug̵uan wey is menge Perisiyu.

Mateo 5:20 Referans Kwoze

Pilipus 3:9

su wey a zaan meisip te Megbevayà he metazeng tenged ki Kristu. Wazà a meisip he metazeng pinaag̵i te kediey zà he ulaula te kedtumana te kesug̵uan, su mibpeketazeng a te Megbevayà pinaag̵i te kedtuu ku ki Kristu. Heini is kebmetazeng, ne idtuvad kenita te Megbevayà emun edtuu ki ki Kristu.

Hibriyuhanen 12:14

Himuwa niw is taman te egkehimu niw su wey melinew is kebpekidepitè niw te minsan hentei ne wey niw metuman is metazeng he ulaula su emun kenè ki metazeng kenè ta is Megbevayà egkeahà keuzemà.

2 Kurintu 5:17

Ne sikan is etew he nekidsevaha en ki Kristu, beg̵u en sikandin he linimbag. Nahanew en diyà te kandin is daan he netag̵ù te isip din ne mid-ilisan en heini te veg̵u.

Mateo 7:21

Su zuen menge etew he ebpengumew-umew kedì te, ‘Nengazen, he Nengazen!’ Iyan, kenà langun te sikandan ebmehimuwen he mehedii te Amey ku he Megbevayà he ziyà te langit, kekenà, iyan dà sikan is edtuman te egkesuatan te Megbevayà.

Impezayag 21:27

Iyan, wazà minsan hengkey he mezaat wey is minsan hentei he ebpenurù te tarù wey is etew he ed-azap te ledawan he ebpekeseled dutun. Iyan dà ebpekeseled dutun is menge etew he inlista is menge ngazan dan dutun te libru te nati he kerehidu he zutun idlista is ebpemeg̵ayan te untung he wazà pidtemanan.

Lucas 18:17

Benar is egkeg̵iyen ku keniyu he ke zuen etew he kenà iring is kedsarig din te Megbevayà te kedsarig te zezeisey he vatà, ne kenà egkehedian haazà is etew te Megbevayà.”

Lucas 12:1

Ne sevaha he andew, utew mezakel he menge etew is edhahasekhasek he ed-uvey ziyà te ki Jesus. Ne zutun migkag̵i si Jesus, asal iyan egkeg̵iyan din is menge sumusundan din, ke sikandin te, “Andam kew wey niw melikayi is tapey te menge Perisiyu, he ke và dà egkeg̵iya, is tarù he kedtuu zan te Megbevayà.

Lucas 11:44

Kehizu niw te menge Perisiyu su iring kew te menge leveng he kenà egketuusan ne egkeg̵iekan te etew, iyan, wazè dan metueni he meremerik haazà is neg̵iekan dan.”

Marcos 10:25

Kenè din egkehimu su melemu pa te langgam he kemilyu is kedseled din diyà te vudsi te rag̵um kenà te sepian he etew te kebpesakup din te Megbevayà wey sikandin mehedii.”

Marcos 10:15

Benar is egkeg̵iyen ku keniyu he ke zuen etew he kenà iring is kedsarig din te Megbevayà te kedsarig te zeisey he vatà, ne kenà egkehedian haazà is etew te Megbevayà.”

Mateo 18:5

Is etew he tenged te kedtuu zin kedì edewaten din ne ebpurungan din is minsan hentei he vatà he iring kayi, ne nezawat e zin en daan.

Mateo 3:10

Is ebpiley te kayu, migkayew en su ebpemilayen din en is minsan hengkey he kayu he kenà meupiya is beg̵as din su wey mevinsuli, he ke và dà egkeg̵iya, is etew he kenà meupiya is ulaula zin, edsilutan sikandin te Megbevayà.

Mateo 16:12

Ne human mesavut te menge sumusundan din haazà he kenà iyan ebpelikayan din kandan is idtapey te supas, kekenà, iyan is ibpenurù te menge Perisiyu wey Sedusiyu.

2 Kurintu 3:9

Emun dekelà is gehem te kesug̵uan he iyan idsiluti te menusiyà, iyan pe be kenà dekelà pa utew is gehem te paag̵i he iyan ebpekehimu he mebmetazeng is menusiyà.