Mateo 4:17 - Manobo Western Bukidnon

¹⁷ Ne puun dutun midweliyan ni Jesus is menge etew. Ke sikandin te, “Iniyug̵i niw is memezaat he ulaula niw, su meg̵aan en edhadì keniyu is Megbevayà he ziyà te langit.”

Mateo 4:17 Referans Kwoze

Mateo 3:2

Ke sikandin te, “Iniyug̵i niw is memezaat he ulaula su meg̵aan en edhadì kenitew is Megbevayà he ziyà te langit.”

Nengeulaula 2:38

Ne midtavak si Pedro te, “Kada sevaha keniyu, iniyug̵i zin is mezaat he ulaula zin ne mebpebewtismu wey metueni he ebpekidsevaha sikandin ki Jesu Kristu. Ne human egkepesaylu is menge salè din ne is Wag̵as he Mulin-ulin, ibeg̵ey kandin te Megbevayà.

Lucas 5:32

Siak, wazà a medhendini wey ku ikepeiniyug te ked-ulaula te mezaat is menge metazeng, kekenà, iyan is mesinupaken te Megbevayà.”

Lucas 24:47

Ne ibpesavut daan dutun he kinahanglan he edsug̵uen ku sikiyu te kebpenudtul te Meupiya he Tudtulanen. Ebpuunan niw is kebpenudtul niw zini te Hiruselim ne ieneb niw heini ipesavut te tivuuk he kelibutan. Ipesavut niw he kinahanglan he ed-iniyug̵an te menge etew is memezaat he ulaula ne human dan ebpeseyluwa te Megbevayà.

Nengeulaula 17:30

Dengan hein wazè pa sikandin mekilala te menusiyà, mibpesagdan din is mezaat he ulaula te menge etew, iyan, guntaan indawey zin en te langun he menge etew te minsan hendei he ibpeiniyug̵an is memezaat he ulaula.

Mateo 9:13

Susiya niw ke hengkey is kehulug̵an duen te insurat he Lalag te Megbevayà he egkag̵i te, ‘Kenè ku iyan egkesuatan is kebpemuhat niw, kekenà, iyan egkesuatan ku is kebpekedhihizuwè niw.’ ” Ne mid-uman megkag̵i si Jesus te, “Siak, wazà a medhendini wey ku ikepeengked te ed-ulaula te mezaat is menge metazeng, kekenà, iyan is menge mesinupaken te Megbevayà.”

Nengeulaula 26:20

Midhuna a ziyà te inged he Demasku ne human diyà te Hiruselim. Ne zutun mid-eneb ku is prubinsya he Hudiya ne midhendiyà a zaan te menge etew he kenà menge Hudiyu. Impesavut ku kandan he kinahanglan he iniyug̵i zan is menge salè dan, ne medtuu zan te Megbevayà ne ipeehè dan pinaag̵i te ulaula zan he tutuu is ked-iniyug̵i zan te mezaat he ulaula.

Lucas 15:7

Ne ke si Jesus te, “Egkeg̵iyen ku keniyu he iring din ded daan, utew zekelà is kelipey ziyà te langit ke zuen sevaha he mesinupaken he ed-iniyug̵an din is memezaat he ulaula zin, kenà dutun te kesiyawan wey siyew he menge etew he kunaan dan ke memetazeng is ulaula zan wey kenà kinahanglan he ed-iniyug̵an dan haazà is mezaat he ulaula zan.”

Nengeulaula 3:19

Ne g̵untaan kinahanglan he ed-iniyug̵an tew en is memezaat he ulaula. Ed-empuan tew is Nengazen ne ebpeseyluwen kiw zin te menge salè tew. Ne zutun duen timpu he ebeg̵ayan is gehinawa tew te zesen he ziyà ebpuun te kandin.

Lucas 15:10

Ne migkag̵i si Jesus med-uman te, “Egkeg̵iyen ku keniyu he iring kayi is kedlipey ziyà te langit te menge velinsug̵uen te Megbevayà emun duen sevaha he mesinupaken he ed-iniyug̵an din is memezaat he ulaula zin.”

Nengeulaula 20:21

Hudiyu se kenà Hudiyu, ne wazè ku impelavi su pudu ku midweliyi he kinahanglan he edtumanen dan is ebpeveelan kandan te Megbevayà he iniyug̵i zan is menge mezaat he ulaula zan ne medtuu zan te Nengazen tew he si Jesus.

Hibriyuhanen 6:1

Ne tenged dutun, menge suled, netengkaan en is ked-istudyuwi tew zuen te menge nehuna he melemu he tuluuwen he impenurù kenitew mehitenged ki Kristu. Kinahanglan he edlaus kiw en dutun te ked-istudyu te menge penurù he zait te menge etew he mezesen en is kedtuu zan. Kenè tew ed-ul-ulitan te ed-istudyu is menge nehuna he impenurù kenitew iring te ked-engkezi te kedsarig te menge ulaula he wazà pulus, wey is kedtuu te Megbevayà.

Nengeulaula 11:18

Ne hein nezineg te menge tumutuu he Hudiyu haazà is ketezengan ni Pedro, mid-engkezan dan is kedsewaya zan kandin ne midalig dan is Megbevayà su ke sikandan te, “Mibulusan en bes te Megbevayà is menge kenà Hudiyu wey zan daan meiniyug̵i is mezaat he ulaula wey zan mezawat is untung he wazà pidtemanan.”

Mateo 25:1

“Dutun te kedlikù ku, is kedhadì te Megbevayà, ne iring te sempità he sepulù he rag̵a he netukid te sulù su edsinug̵ungen dan is ebpengesawa.

Mateo 13:47

Ne is kedhadì te Megbevayà he ziyà te langit, ne iring te laya he intaan diyà te ranew wey mekeutel te minsan hengkey he kelasi te pait.

Mateo 10:7

Ipesavut niw kandan he meg̵aan en edhadì te menusiyà is Megbevayà.

Lucas 9:2

Ne zutun ne impehipanew zin sikandan su wey zan ikepesavut is Meupiya he Tudtulanen te keag̵i te kedhadì te Megbevayà ne wey zan daan mekepemawì te minsan hengkey he egezamen te etew.

Mateo 11:12

Puun pa zutun te kebpesavut ni Juan taman en guntaan, is Megbevayà he ziyà te langit, edteg̵el he mekehadì, ne edteg̵el zaan is menge etew wey zan mekepehadì kandin.

Mateo 13:24

Ne impenurù daan ni Jesus is selakew pa maan he sempità. Ke sikandin te, “Is kedhadì te Megbevayà, ne iring te etew he zuen impemula zin he meupiya he pinemula ziyà te pemuleey zin.

Mateo 13:9

Ne mid-uman megkag̵i si Jesus te, “Sevuta niw heini is nezineg niw.”

Mateo 13:11

Ne midtavak kandan si Jesus te, “Sikan is in-eles dengan mehitenged te kedhadì te Megbevayà, impesavut en keniyu te menge sumusundan ku, iyan, is duma he menge etew, id-eles heini kandan.

Mateo 6:10

berakat he medhadì ka te menusiyà, berakat he tumana is egkesuatan nu zini te tanà iring te layun edtumana ziyà te langit.

Lucas 3:23

Ne hein menge ketluan en he tuig is penuig̵en ni Jesus ne mibpuunan din is ebpeveelan kandin te Megbevayà. Iyan diyà te isip te menge etew he anak sikandin ni Jose. Ne si Jose, anak ni Hili.