Mateo 4:13 - Manobo Western Bukidnon

¹³ Nekeuma sikandin diyà te Neserit ne zutun diyà med-ulì te inged he Kepirnaum he ziyà te veyvey te ranew he Geliliya, he sakup te tanà he Sebulun wey Neptali.

Mateo 4:13 Referans Kwoze

Juan 4:46

Ne midlikù si Jesus diyà te inged he Kana he ziyà te Geliliya. Iyan haazà kes inged he impevaluy zin he vinu is wahig. Ne zuen dutun etew he zekelà is ketengdanan din diyà te hadì. Ne zuen anak din diyà te inged he Kepirnaum he egkezeruwan.

Marcos 1:21

Ne midhendiyè dan te inged he Kepirnaum, ne hein neume en is andew he Sebadu he iyan Andew te Kedhimeley ne midseled si Jesus diyà te simbahan te menge Hudiyu ne mibpenurù din is menge etew zutun.

Mateo 11:23

Ne sikiyu zaan,” ke si Jesus, “is menge tigKepirnaum, iyan egkesuatan niw pezem is delig̵a kew te minsan hentei, iyan, igketimbag kew ziyà te Impirnu. Su is egkengein-inuwan he impeehè ku ziyan te inged niw, angin ke ingkepaahà dengan diyà te menge tigSuduma su kenà egkezezeetan te Megbevayà is inged dan, ne kemulu pa pezem guntaan.

Juan 6:59

Iyan heini impenurù ni Jesus dutun te simbahan te menge Hudiyu ziyà te inged he Kepirnaum.

Juan 6:24

Ne hein netuenan te menge etew he wazè en dutun si Jesus wey is menge sumusundan din, nemen-untud dan dutun te menge avang su ebpen-ahaan dan si Jesus diyà te inged he Kepirnaum.

Juan 6:17

ne mid-untud dan te avang su edrapas dan diyà te inged he Kepirnaum. Mezukilem en dutun haazà is ked-untud dan, ne wazè pa si Jesus mekelikù diyà te kandan.

Juan 2:12

Neiwas haazà, si Jesus wey is iney zin wey menge suled din wey is menge sumusundan din, midhendiyè dan te inged he Kepirnaum ne wazè dan med-awà dutun seled te nepipira he andew.

Mateo 17:24

Nekeume en si Jesus wey menge sumusundan din diyà te inged he Kepirnaum. Ne mid-uvayan si Pedro te menge menunukut te ibayad dutun te Valey te Megbevayà. Ne mid-insà sikandan te, “Is menunudlù niw, ebayad be sikandin te ebpeveyazan kandin te Valey te Megbevayà?”

Lucas 4:23

Ne migkag̵i si Jesus te, “Siguradu ebpekekag̵i kedì is duma keniyu te erubasa he edhenduen te, ‘Sikew is mememawì, hunai nu vewii is kenikew he lawa, he ke và dà egkeg̵iya, emun tutuu ka he ebpeneuven te Megbevayà ne ipeehè nu is gehem nu zini te inged nu. Su nezineg dey is egkengein-inuwan he mibeelan nu ziyà te inged he Kepirnaum, ne beeli nu zaan kayi te keugelingen nu he inged.’

Mateo 4:14

Neulaula zin heini su egketuman kes netagnà dengan ni Esaias he ke sikandin te,

Mateo 4:15

“Is TigSebulun wey is tigNeptali he kenà menge Hudiyu he ziyà mekeubpà te uvey te ranew ziyà te zapit te edsenlepan te Wahig he Hurdan, sakup te tanà he Geliliya he ed-ubpaan te kenà menge Hudiyu.

Mateo 9:1

Ne zutun mid-untud en maan ensi Jesus te avang ne midlikù diyà te zehipag. Ne mid-ulì diyà te inged din.

Marcos 2:1

Ne nepipira pa zutun he menge andew, midlikù si Jesus diyà te inged he Kepirnaum. Ne nezineg te menge etew he ziyà si Jesus te valey zin.

Lucas 10:15

Ne sikiyu zaan,” ke si Jesus, “is menge tigKepirnaum, iyan egkesuatan niw pezem is delig̵a kew te minsan hentei, iyan, igketimbag kew ziyà te Impirnu.”