Mateo 3:6 - Manobo Western Bukidnon

⁶ Ne haazà he menge etew, intangdù dan is menge salè dan ne mibewtismuwan din sikandan diyà te wahig he Hurdan.

Mateo 3:6 Referans Kwoze

Nengeulaula 19:18

Ne mezakel is sikan pa memeketuu zutun he mibpenudtul zan diyà te etuvangan te langun is memezaat he menge ulaula zan he ed-iniyug̵an dan.

1 Juan 1:9

Emun idtug-an ta ziyà te Megbevayà is menge salè ta, kenà egkehimu he kenè ki zin ebpeseyluwen su metazeng sikandin ne metinumanen te pesarig din. Edlumpiyuwan ki zin te langun he menge ulaula ta he kenà metazeng.

Hibriyuhanen 9:10

Su heini he paag̵i te ked-ezapa te Megbevayà, ne pinaag̵i zà te menge sug̵ù mehitenged te vetasan te kegkaan, ked-inum, kebpenlùlù, wey kedhemesa te lawa he paag̵i he insug̵ù te Megbevayà. Menge sug̵ù heini he edtumanen te menge etew pinaag̵i zà te lawa wey tenged dà te insug̵ù ne kenà tenged te iyan diyà te g̵ehinawa zan. Ne is pulus kayi te paag̵i, ne taman dà heini kayi te timpu g̵untaan te ked-ilisi te Megbevayà kayi te veg̵u he paag̵i.

Mateo 3:11

Wahig is ibewtismu ku keniyu,” ke si Juan, “he tuus te mid-iniyug̵an niw is mezaat he ulaula, iyan, duen etew he ed-ilis kediey ne iyan ibewtismu zin keniyu is Wag̵as he Mulin-ulin, ne emun kenà, ne hapuy. Lavew sikandin kedì, ne minsan is ked-uwit dà te sepatus din, kenè e pa zait he sulug̵uen din.

Hibriyuhanen 6:2

Kenè tew ed-ul-ulitan is ked-istudyu te kebpemewtismu, wey is kedewata te Wag̵as he Mulin-ulin, is kegkevenhawa kenita keuzemà, wey is kedsusiya te Megbevayà keuzemà te tivuuk he menusiyà,

Kulusas 2:12

Ne tenged kayi inleveng kew zuma kandin dutun te kebewtismuwi keniyu, ne nevanhew kew zaan duma kandin su nekidsevaha kew kandin tenged te midtuuwan niw he mekeg̵eg̵ehem is Megbevayà. Iyan sikandin sikan is mibanhew ki Kristu.

1 Kurintu 10:2

Ne heini is neulaula zan, ne iring te nebewtismuwan sikandan pinaag̵i zutun te g̵apun wey zag̵at su wey zan mekesundan ki Moises.

Nengeulaula 22:16

Ne kenè ka medlanganlangan, kuwa ke en wey ka mebewtismuwi. Pengumew-umew ka te Nengazen wey ka mepesaylu te menge salè nu.’

Nengeulaula 11:16

Ne zutun netenuzan ku is lalag te Nengazen tew he si Jesus he ke sikandin te, ‘Wahig is imbewtismu ni Juan te menge etew, iyan, iyan kebewtismuwi keniyu is edlumunan kew te Wag̵as he Mulin-ulin.’

Nengeulaula 1:5

Te timpu pa ni Juan, wahig is imbewtismu zin te menge etew. Iyan, mekepira zà guntaan iyan kebewtismuwi keniyu is: edlumunan is kada sevaha keniyu te Wag̵as he Mulin-ulin.”

Lucas 3:16

Ne tenged kayi, migkag̵i si Juan diyà te kandan te langun te, “Duen ed-ilis kediey he utew lavew su minsan is kebpul-ut dà te menge sepatus din, kenè e pa zait he sulug̵uen din. Wahig is ibewtismu ku keniyu,” ke si Juan, “iyan, haazà is migkag̵i ku, ebewtismu zaan keniyu. Is edtuu, ne ebewtismuwan din te Wag̵as he Mulin-ulin. Ne is kenà edtuu, ne iyan din ibewtismu kandan is hapuy.

Marcos 1:5

Ne zutun, mezakel he menge etew is midangep kandin he ebpemuun diyà te menge inged te tivuuk he prubinsya he Hudiya wey minsan is menge etew he ebpemuun diyà te inged he Hiruselim. Ne haazà he menge etew, intangdù dan is menge salè dan ne mibewtismuwan sikandan ni Juan diyà te wahig he Hurdan.

1 Pedro 3:21

Ne iyan teg̵ialung kayi te wahig is kebewtismu he ebpekelibri kenitew te silut. Ne haazà is kebewtismu, ne kenà iyan is kedlumpiyuwi te lawa tew ziyà te wahig, kekenà, iyan is kedhengyui tew te Megbevayà he maawè din is menge salè tew. Egkehimu heini tenged te mibanhew zin si Jesu Kristu.

Santiago 5:16

Ne tenged dutun kinahanglan he petudtudtulè kew te menge salè niw su wey iampù te kada sevaha is duma zin ne wey meulii is egkengezeruwan. Utew mekeg̵eg̵ehem is ked-ampù te metazeng he etew.

Lucas 1:16

Ne pinaag̵i te kebpenurù din,” egkag̵i haazà is belinsug̵uen, “mezakel is menge kevuwazan ni Israyil he edlikù edtuu te Megbevayà he iyan ed-ezapen te menge g̵inikanan dan dengan.